رتوووش :

حيا الله جارتي وفاء يا محاسن الصدف وكمان طلعنا في حي واحد عيون 1 الجباس يا قلبي اثنين مو واحد الاول اسمه ابراهيم سوى معظم الشغل و سافر والثاني جاء عن طريقه الثاني اسمه عبد الفتاح كمل الشغل الباقي عمل الحليه الخارجية والاحزمة الداخليه واعتقد انه موجود بس مو متأكدة اما عن رقمه والله ان جوالي ضاعت شريحته وفيها ارقام العالم عموما لو قدر يجيبه بطريقه او باخرى حرسلك هو على الخاص .........تبشري يا عسل الابواب سويناها عند الدارة لو انك سامعه بها بس انهم قفلوها لان صارت مشاكل بين المالك والاداري ..........تصدقي ان لسه في شغل لازم يكملوه لنا بس كل شي واقف والفرج من عند ربك اما الجدار صراحة جدا حلو بس انا بليدة ما اعرف كيف احمل صور ولا عندي حتى توصيلات ولا شي تعالي عندي شوفيه حياك الله اخت وعزيزة وغالية والبيت بيتك وقت ما تحبيي على فكرة والكلام للجميع اوقات تنبهري بالشي الغالي بس يطلع في الاساس خيخة انا اشتريت اطقم الحمامات من الميرو انواع بعضها غاليه وبعضها ارخص والله طلع الرخيص افضل من الغالي حوض الايادي في حمامي من الميرو وكان طقم ايطالي وغالي بس والله انه شكله صارمشطب كانه احد مكسره مع انه مو مشطب من بره . بالعكس ناعم ولا فيه شي.... واما الارخص منه ماشاء الله عليها ميه ميه

حيا الله جارتي وفاء يا محاسن الصدف وكمان طلعنا في حي واحد عيون 1 ...

omamoory :

وفاء الجداوية يابختكم انتي ورتوش بالجيرة الحلوة ياريتني جارتكم مشكورة عزيتي لرأيك في الدرابزين وتصميمه وهذا من ذوقك بالنسبة لأطقم خزفية دام انها عاجبتك ليه ما تأخذين منهم وخاصة انهم عندكم في ينبع مصنعهم والله انا حتى بانيوهاتهم عجبتني بس قالوا انهم حيتأخروا علينا على بال ما يجيبوا الطلبية من ينبع فأخذنا من البدر والجاكوزي فكرت فيه بس حسيت أني ما حستفيد منه كثير وغيرت وبأخذ كابينة بخار أحسه يفيدني وبناتي أكثر يعني عندي بانيو بزاوية إضافة لكابينة بخار وعلى فكرة مصنع البدر نفسه يعمل جاكوزي بأسعار ارخص بكثير أنتي روحي المعرض اللي قلتلك عليه وتذهلي من أسعارهم وعلى فكرة نحن أخذنا الكتالوجات منهم وتفرجنا على الأشكال عندهم بس ورحنا مباشرة للمصنع لإنهم كمان ارخص من المعرض ايه رأيك غلا الروح : الف سلامة لك يالغالية والله خوفتيني عليكي إن شاء الله عارض بس وينتهي طمنينا ما ادري ليه كنت مني مرتاحة لليزر هذا والحين بعد شفت كلامك وحالتك خفت اكثر ما تشوفي شر

وفاء الجداوية يابختكم انتي ورتوش بالجيرة الحلوة ياريتني جارتكم مشكورة عزيتي لرأيك في...