السلام عليكم ورحمة الله وبركاته

ماشاء الله لاقوة الا بالله بصراحة ما قد انشيدت لموضوع مثل ذا الموضوع وحسيت بأخوة حقيقية بين العضوات ومساندة لبعضهم بعض ، خسارة اني ما جيت الا متأخرة
والحقيقة اني قريت ما يقارب 130 صفحة كانت مليئة بالمعلومات القيمة ونسخت اللي ناسبني وبصراحة عقب هالموضوع اشوف ان ماله لزمه الواحد يجيب مهند ديكور تبادل الافكار والاراء بين الاخوات قيم جدااااااااا

الله يجزااااااااكم كل خير

وراح ندخل معكم بمعمعة البنيان بعد ايام ان شاء الله واكيد ماراح استغنى عنكم اعاننا الله واياكم لما فيه الخير .

حلوة بدون مكياج
صادقة غلا الاسمنت , اقول لزوجي المقاول بيغلي علينا السعر؟ قال لا حنا متفقين معاه ومنتهين بس ما
ودنا بخسارته .. وعلى رايك مقهووور مسكين ومتورط على هالاسعار اللي ارتفعت ..

الراجية عفوه
هلا اختي حياك الله ويا هلا ومرحبا
اي استفسار عندك قوليه والخوات ما يقصرون
وترى تصميم الديكور نااار من جد اهم شي الواحد يحط شي ذوق وحلو ومقتنع فيه
وعلى قول وحدة نظافة المكان هي اللي تلفت الانتباه اكثر من اي شي ثاني ..

سلام
تسجيل حضور ونعوود
غلا مشكووره على الصور والباب راييق والله يكون في عونكم وتخلصون
نشميه
ماتقصرين والله
ولي عوده

كيفكم بنات ما شاء الله الواحد يغيب كم يوم بس والصفحات تتراككم علينا
رتوووووووش مسا فره تروحي وتجي بسلامه ودوللي هاتي عندي ولا تخافي عليها ابد بروح ابيعها في فيفا الي في جده هههههههههههههههههههههههه
رحت محل المانع للشبابيك الصراحه سعره مرره حلو حدود380 للشباك مدري المتر
اما غرناطه حسب لنا المتر 700 ريال غالي

بناات السيراميك كم تتفاوت اسعاره
واقدر اسوي دولاب العبايات الان ولا فات الفوت

غلا لازم تسالو كم مقاول وتروحي تشوفي البيوت الي يسويها وتشوفي كم يحسب لك المتر
وانا عندي مجله كويتيه اسمها بيت العمر وفيها صوره لعقد مقاول البناء والكهرباء والسباك ادا تحبي اكتبه لكي


قمرررا كيف الرجيم معاكي نزل وزن ولا كله على الفاضي وكيف طعم الحليب حلو ولا لا ودي اشتريه وانا وزني قريب من وزنك بس زايده عنك كيلوين ودي اشيل 15 وارتاح خصوصا عندي فرح في الصيف بنت اخويا على اخو زوجي ولازم اكون في توب

استرخااااء فليسوفة البناء قولي لي اقدر اسوي في الجبس دولاب العبايات ودي فيه وراحت عليا

بنات على حظنا يوم التليس بدااا طلع سعر الاسمنت

بنات توني راده من منطقة بيتنا وخوفني ابو الشباب مو متذكر موقعها وين ؟ لان اللحين انبنت اشوية بيوت فيها .. لكن اللي ضايقني ان المنطقة فيها عمارات سكنية ؟؟ اشلون يسمحون لهم البلدية البناء في منطقة سكنية اذا كانت الادوار 3 الى 4 متر ؟؟ يعن ييكشف البيت ؟؟ واذا حظنا بعد نحس راحت علينا اذالصق فينا العمارة ؟

بقول لكم اللي عجبني في بعض البيوت ..وقررت اني اسويه في بيتنا ..

1. واحد مسوي له ديوانية بره البيت معزولة تمااااما ومعاها دورة مياه .. ومقتطعها من الحديقة .. بس ابو الشباب تحمس وااايد لها وقرر يقص اشويه من الحديقة ويسويها له يحط فيها البلاي ستيشن والكمبيوتر والتلفزيون عشان الربع وياه 24 ساعه وياه ..

بس انتو اشرايكم فيها هالديوانية اخاف يلصقون لنا الربع ودله شاي رايحه ودله قهوة جايه وفصفص وووووالخ يعني اشتغلي عندهم كفتيريا خخخخخ وابو الشباب ما نشوفه الا بالسنة حسنة ؟؟

2. عجبتني فكرة القائم اللي في عتبات الدرج قلتو عنها مرة يكون لونها خشبي يختلف عن لون الرخام ..انا عندي عتبتين وبعدها باب كبير اشويه يفصل جناح غرف النوم عن البيت .. افكر اسويها وااايد طالعه ستايل وحلوة ..

وفاء ..
مبروووووك الله يتمم لهم على خير .. واذا تقدرين ترسلين او تكتبين عقد المقاول بكون ممنونه لج ..
الراجيه عفوه ..
اهلا وسهلا .. وحياج الله ويانا ..
نشمية ..
ما راح اسوي مثل هالباب لاني احب يكون الباب الداخلي يكشف الحديقة وبره البيت .. مو احلى .؟

بقية البنات الغايبين ..
اجازة سعيدة بس عاد مو تنسونا ..