سرسر ..
ايه ابي الصورة نزليها .. انا شفتها في بيت بنت عمي بس ما شاء الله مسويتها مو ديوانية جناح كامل .. مسوية مع الديوانية مغاسل ودورة مياه وبانتري للخدمه صغير فيه الة مثل اللي في الكوفي شوبات لصنع الكبتشينو والقهوة ما تعرفون من وين يشترونها عجبتني صراحه روووعه بس استحيت اسألها .. ومخلي لهم زوجها على جنب طاولة بليارد و مخلي اجهزة الرياضة حقه على جنب بعد وعنده ركن للنت والكمبيوتر وشاشة كبيرة للتي في ... يعني زوجها مدلع روحه مع ربعه علاخر .. والله ما سألتها اذا يشوفونه كثير لو لا ؟؟ بس مرتاحه هيا مع هالنظام لان بيتها كله مفتوح
وانا محتارة ودي فيها لان ما عندي مجلس مثل ما تعرفون وصالاتي مفتوحه داخل البيت .. بس اتوقع الواجهة تخرب ولا ؟ وهل ينفع يكون مقاسها 3 *4 ..

بالنسبة للقائم اقصد عتبة وحده او عتبتين يطلع حلو وااايد اما اذا كان الدرج كله احسه دفش مو حلو .. بس هالبيت مسوي النعله بعد نفس اللون الخشبي والارضية بيج .. رخام ..

نشمية : حلو حوض السمك ما شاء الله الله يهنيها اختك يارب

وحالة الأسعار والتدقيق في الأرضيات هذه حالة ملازمة للعمار وسوف تتطور في المراحل القادمة الى تدقيق في حمامات الناس وبوياتهم وجبسهم ومغاسلهم وتصير الحرمة تكلمك في موضوع وانتي تنظري للجبس :)

غلا الروح : المقاول خذي برأي نشمية ولازم تشوفوا بيوت بناها وناس تعاملوا معاه لأنه ترى خذيها قاعدة كل واحد حتتعاملوا معاها وقت الأتفاق وقبله مافي زيهم في الذوق والأخلاق وخلاص لما يضمنوا انكم شبكتوا خلاص معاهم شوفي كل انواع النذالة والأستغلال في ذلك الوقت

استغرب ماعندكم نظام يخلي مناطق للفلل ومناطق عمائر صح نحن يبنون عمائر بعضهم بالدس في مناطق فلل بس ما يتجاوزوا الدورين والملحق زي الفلل بس عند جد حاجة تقهر لأني حاسة بيك جارنا بنا بيته دور واحد بس مخلي سور السطح حقه بالمرة قصير يعني لما يطلع هو واولاده واخوانه يكشفونا في الحديقة ويشفون صالتنا اللي فوق احس بعض الناس ماعندهم ذوق ولا اخلاق ابدا يعني راعي حقوق الجيران وخلي السطح سوره شوي عالي حتى لو قاعد انت وزوجتك ما تكشف احد ولا احد يشوفك نحن في مجتمع اسلامي ولازم نراعي الحقوق واللي علينا ولينا

بالنسبة للقبة رأي لا تزويدي تكاليف على نفسك انتي اهم تكون عندك قبة من الداخل اعمليها بالجبس ترى معظم البيوت اللي شايفتها في النت كلها جبس بس اذا عاجبتك كثير ونفسك فيها بالمرة اعمليها بس لا تتكلفي كثير ( ايش رايك تصلي استخارة وحتتوفقي بإذن الله )

القائم برأي ما دام كلها درجتين عندك اعمليها بلون مختلف بس مش خشب تطلع حلوة لأنها قليلة جدا وأؤيدك فيها

بس انا مايعجبني الدرج الرئيسي كله يتعمل بهذه الطريقة احسها لون واحد حلو ورايق للقائم والنائم

الديوانية رأي سرالم اذا بتصير جمعة شباب اشوف احسن تصرفي نظر بس لو كمجلس لأستقبال الضيوف الرجال وتستخدمي اللي جوا كمجلس حريم ممكن

وفاء الجداوية : المانع في جدة ولا ينبع

صدق كلامك غرناطة بصراحة صرفنا نظر عنه من معاملتهم الزفت بصراحة ماعندهم اي التزام بالوقت يعني جيبناهم يسعروا وماجوا الا بعد ما لطعونا كم يوم وكل يوم بكرة والتسعيرة تخيلي ليهم اسبوعين كاملة وهم كل يوم بكرة وبكرة وما وصل الفاكس الا اليوم بعد ما رحنا اليوم الصبح اتفقنا مع السعد ( اظنهم تابعين للمانع ) ودفعنا العربون بس الخيرة فيما اختاره الله ( لأني صليت استخارة )
والله انهم ذوق قام وأخذ المقاسات مع الفني في نفس اليوم اللي رحنا عنده والسعر اليوم الثاني والتسليم بعد شهر تماما مو زي غرناطة يقول بعد 3 اشهر ويمكن 6 ما ندري
وزي ماقلتي سعرهم ممتاز يعني اعطانا المتر زيكم 390 ودبل قلاس كمان وقطاع سرايا اما غرناطة حسب المتر 430 وزجاج مفرد كمان اظنهم ما يحبوا يتعاملو الا مع قصور وشركات فما يعطوا الفلل وجه :)

السام عليكم ورحمة الله وبركاته

ياهوووووووووووووو الواحد يعني مايقدر يغيب شويه لي ساعه اقرأ في الصفحات

والنت عندي معاند يعل القلب

اول شي حيا الله اختنا الجديدة الراجيه عفوه وان شاء الله تبدؤا عمار على خير


غلووووو الله يعينكم لو في عمائر طويله بجنبكم ....اصلا حتى لو فلل بنفس ارتفاع بيتكم برضه كشف اشحال لو عمارة
في حال وجود كشف على حوشكم الله يعنكم تعملوا سواتر

صورة الباب حلوة بس لو يكون برواز غير عن هذا المبروم

الديوانيه بالحوش سلاح ذو حدين ...حوسه الرجال بعيد عن البيت .....بس اكيد دوامهم عندكم يوميا

شوفي احنا قد ايش نستانس في ديوانيتنا هذه وصايره ادمان ..نفس الشي حيصير ولا تقولي بتفق مع

ابو الشباب يوم بالاسبوع لان كل اتفاق بيصير في الهواء بعدين ...انتبهي تخليه يشوف ردي هذا لا يدعي علي

اما هذه الانبوبه حق المطبخ مافهمتها ..تقصدي انبوبه الغاز ؟؟؟؟؟؟؟؟؟؟والا انابيب المويه؟؟

..............................................................................................

وفااااااااااااء ازيك يادبه تبغي دوللي هاااااااااه... واخرتها تنباع في فيفا ........... طيب والفلوس فيييييييين ؟؟

بس والله جبتيلي فكرة اروح ابيعها هناك بس مدري يشتروها في هذ السن ؟؟

.............................................................

ام عوري الله يقطع ابليسك ضحكتيني لما قلتي الحرمة تكلمك وعيونك في الجبس هههههههههههههه

انا ادخل بيوت واخرج والله ما ادري ايش حاطين جبس او ارضيات او او الا اذا تعمدت اني انتبه

اكثر شي انتبهله في بيوت الناس هو الشي اللي مايعجبني هو اللي يلفت نظري اكثر وطبعا مو اعجاب

لكن انزعاج ....

وتلفت نظري كمان كل تحفه غريبه نادره..تعجبني واحسها تفرض نفسها غصب في المكان

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

بنات سؤال مهم

اي الافضل الواحد يخلص تأثيث بيته وبعدين يسافر ...والا يسافر والبيت يتكمل على مهل؟؟

ودي اقنع زوجي ونصرف نظر عن السفر ..... ترى اشياء كثيره ناقصه بالبيت

حاسه ان مو وقته ابداا السفر ... ايش رايكم ؟؟



جي جي ..حلوة ..قمرا ..شاعرة ..نشميه ..استرخاء سلاااااااااام

^
^

وعليكم السلااااااااااام
هلا وغلا رتووشة
روحي وسافري وغيري جو ولا تزعلين زوجك اذا كانت هذي رغبته
يمكنكم محتاجين الاجازة فعلا
والبيت عمره ما يخلص لو بعد عشرين سنة برضو ايدك فيه وتبغين تكملينه وتغيرين فيه
انتي استخيري واستشيري والله يكتب لك الخير والصالح يارب

:26: