ماشاء الله عليكم الله يباركلكم ويهنيكم وييسر ليكم اموركم جميعا

صباح الخير بنااات ..

ام عموري ..

الله يبارك لك في مشروعك ويرزقك ان شاء الله المال الحلال .. ويعطيك الف عافية على هالفكرة الذكية ..

بالنسبة لي .. انا مثلك عندي صور ملياااااااااانة الكمبيوتر حتى يوم اخذ زوجي الكمبيوتر يسوي له فورمات يقول له راعي المحل زوجتك مصممة ديكور .. ههههه من كثر صور الديكور في كل مكااااان .. واللحين قسمتها تقسيم جيد ومرتب واحاول اني اضيف عليها كل صورة تناسب لي ولبيتي ..

وانا اشوف السعر جدا حلووو وان شاء الله تتوفقين وهاذي فرصة البنات يتعرفون على هذا المشروع الحلو .. وخصوصا للي ما عندها وقت ولا عندها خبرة بمواقع الديكور انها تحصل على صور جاهزة بدون تعب ولا بحث ..

الله يوفقك ان شاء الله ويعطيك الف عافية ..

شمسه وام العصافير .. زعلانين علينا ؟؟ وينهم ؟؟

غلاالروح
مشكوره اختي على اهتمامك
بالنسبه للاولاد مافضل ينحط لهم بانيو خوفا من الغرق لاسمح الله
لان حمام اولادي ماصلحت لهم بانيو خوفا من ذلك بس حمامنا الرئيسي وكان نفسي بجاكوزي بس وحده قالت لي انه يبي له عنايه ونظافه لان فتحات المويه فيه تصدي ومايستاهل سعره ووو فصرفت نظر وقلت التنقع احسن
اما المروش فاحنا بنحط لنا وللأولاد بس مو المغلق كاملا لا بنصلح يابالطوب الزجاجي او الزجاج المعشق احلى وارتب واميز ويكون غير مغلق وشو له الكتمه الله لايكتمنا
اختي غلا مشكوره على الموضوع وتسلمين وإن شاء الله الكل يستفيد
.....................................................................................
رتوووش
الله يعطيك العافيه انا كنت افكر اسوي كذا بس زوجي يقول نصلح سجاده من نفس السيراميك في النص احلى واخاف نخسر عالفاضي لانها ممكن ماتضبط مع الكنب
وتقصدين بالوزره هي النعله ههههههههه شفتي المصطلحات شلون تضحك
اما مطابخ المنى احنا رحنا لهم وحسبوا لنا المطبخ بـ 40000 ريال فانصدمنا وش ذا المبلغ
ورحنا لمطابخ ورده للألمنيوم حليوه ومطبخهم بـ 18000 ريال وترى الوانهم مو مره وادراجهم خفيفه من جوى ماتتحمل الوزن الثقيل لان اللي في بيتي حاليا المنيوم والارفف تكسرت لانها خفيفه
اما ايكيا فسعرهم معقول مقارنه بالباقين وانا خلاص توكلت على الواحد الاحد وربي يكتب اللي فيه الخير
""""""""""""""""""""""""""""""""""""""""""""
فنخورة
اهلين اختي ومبروك عليكم البيت وإن شاء الله تسكنونه بالعافيه
اشوف احلى مرحله هي مرحلة مابعد اللياسه لان هنا يجي دور ذوقك في اختيار الجبس والدهان والسيراميك وووو الخ
بالنسبه للجبس انا رحت لمحلات ديكور وقعدت اتفرج على شغلهم وجمعت افكار وفريت الفلل القريبه في الرياض واقتبست بس ماقصيت ولزقت يعني قلدتهم لاني ماحب الشيء المكرر احب التميز
اما القبه فإنتي عكسي انا عندنا قبتين وحده في الصاله العلويه صالة المعيشه وحجمها وسط وخليناها زجاج معشق ومع الجبس طالعه جنان والثانيه فوق بيت الدرج ونفس الحركه
اما قبتكم فاحس الجبس المغربي قديم الكل صلحه وفيه ناس راسمين في اسفل القبه من جوى مثل شكل الحجر والفتحات ياللي فيها حاطينها زجاج معشق طبعا ملون بس طالعه تجنن وترى الالوان تلعب دور
والله يسهل علينا وعليكم وبالتوفيق
......................................................
في99
هلا حبيبتي وهاتي ماعندك الله يعطيك العافيه وبما انك خلاص سكنتي قبلنا ياليت تورينا صور بيتكم الله يجزاك خير
................................................
omamoory
مرحبا اختي والله يجزاك خير ماقصرتي
........................................................
المهاfa
اهلين اختي وياليت ماتقاطعيننا وتفيدينا بمعلوماتك عن التشطيب والله يعطيك العافيه
""""""""""""""""""""""""""""""""""""
كل شي ماشي
ياهلا وسهلا فيك وشكرا على مرورك

رتووش ..

شنسوي بعد وحده شطووورة لازم تحصلين نجوم ********** 10 نجوم شتبين بعد خخخخخ يعني تحصلين على هدية ؟.

بالنسبة للجاكوزي ما راح اسويه واخسر عليه ولا بستفيد منه لاني اعرف نفسي ما عندي وقت ! زين اسبح واطلع من الحمام .؟؟ ههههه
طيب شنو سويتي بالشور تبعكم ؟؟ هل قفلتيه لو عادي خليتيه مفتوح؟؟

المراوش المربعة اشرايكم في الباب الزجاجي حقها ؟؟ احسن ؟؟؟؟؟؟
يعني حتى لو البخار يطلع من فوق تحسين بغنقه كأنج محبوسه ههههه

شرايكم ؟؟

شوفو اللي اقصده ..

صورة لحمام وحده من العضوات ..

وصورة فيها الباب الزجاجي اللي اقول لكم عليه ..