غلا نسيت اقول شي خلكم على مقاولكم لا يجيكم الاجن منه صعبه هالايام تلقون مقاول مخلص في شغله واخذوه بروحه اقصد يعني حق البناي مو تخلونه كامل عليه انتو اختارو الاشياء ترى المقاولين ياخذون ارخص انواع موجوده في السوق اصرف لهم وكلما وفرو كلما اهم استفادو وخلوه يسوي لكم ورقة فيها العرض الي عنده يعني المبلغ وما يقابله من عمل شنو راح اوفر والى اي مرحلة راح يبني لكم للبلاط مثلا وانا من راي اتسوون عقد للبناء الاسود وعقد للبلاط الكاشي و الصباغ بعد انتهاء الاول وهذا علشان اذا شفتون منه تقصير او انه بطيء في عمله او اي مشكله ما تتورطون فيه للنهاية وهذا الي في بالي الحين انا عارفة انك في الدوام هالحزه بس يالله راح تقرينه متأخر وقت الي انا اكون مو موجوده واي استفسار انا في الخدمة اذا كنت اعرف الجواب طبعا .

السلام عليكم
صباح الخير يا حلواااات
:)

اليوم نويت اقوم بجولتي الخميسية المعتادة على محلات البناء بس كسلت
امس كنت مع اهل زوجي في استراحة وتأخرنا ( قالت قصة حياتها )

حلوة بدون مكياج
تامرين امر , انت آآمر وحنا نطامر
اجيال الرياض حطيته في اللستة ان شاء الله اروح له باذن الله
سؤال الصور اللي حطيتيهم قبل هم نفسهم هذول ؟ لان الاوليات ماطلعوا عندي
والجرانيت ابو قليتر ذهبي يشبه هذاك شبيه الريح !! يختي ماظنتي هذاك له مثيل فريد من نوعه
:42:

دانة الحي
وينه فينوس ؟ بالضبط .. اذا حلو نروح نشوف وش ورانا

سر الالم
الله يعز مقدارك

سارة
صراحة شكرا ما توفيك حقك على هالصور الحلوة

ورود الدار
الله يشفي خالتك ويجمع لها بين الاجر والعافية يا رب ومرضى المسلمين اجمعين يا رب العالمين

اجنحة متكسرة
كان فوق التوقيع 200000 والحين الاثنين القادم , شكله المسابقة اللي بيسويها المنتدى


احلى تحية مع وردة صباحية لـ استرخاء , شاعرة , رتووشة , ام عموري, وفاء , سكورة , قمرا , غلا , ام سعود وكل الحبايب :26: :26:

السلام عليكم ورحمة الله وبكاته

اسعد الله اوقاتكم جمييييييييييعا

الله ما احلى الويك اند حتى شغل البيت اخذ منه اجازة ولا كاني اعرفه

طبعا بعد الفطور طواااالي على الديوانيه الا هذه مافي منها اجازة

هلا والله بالعصفورة الام مشتاقين والله ... تابعينا ياستي ولو ماعندك مشاركة حطي

توقيع حضور مو شرط تردي على الكل اقلها نشووفك ونتطمن عليكي

ترى انا ما ادخل المواضيع بالمنتدى غير هذه الديوانيه

ماعندي وقت ابدااا اصلا على بال ما اقرأ الصفحات هنا وارد يكون وقتي كله راح


حلووووة....ماشاء الله شغلهم مرتب عجبتني الارضيه ام الاحزمة السادة وطريقتها

الله يعطيكي العافيه ..والله انك ماتقصري ابداااااا وتنفعي غيرك بقلب مخلص

الله يجزاكي كل خير ويشفي مريضكم ويمتعه بالصحة والعافيه

تصدقي حتى انا مشتاقه لك ورب البيت

ودااااااااااااااايم تجي في باااالي وكل ماذكرتك اشتاقلك اكثر




شاعرة ..يعطيكي العافيه على الصور ......الباب قبل الاخير اللي فيه دائرة بالنص عجبني اكثر


سارة ..برضه يعطيكي العافيه على الصور... برجع اشوفها لانها مافتحت معي بسرعه

وشكلك زي اميه بالجهاز بس يمكن انا افك الخط شويه وتراه سهل جداا بس يبغى ممارسه انا صرت اسوي اشياء كنت استغرب كيف تصير لاني ماقد جربت ولما جازفت وجربت زبطت من اول مره

قمورة امورة... مي توم سي مهبت كرتاهي احبك بالهندي ومشكوووورة على الرابط

قاعدة من الصبح ادور صورة الدبه بس لسه ماجيت عليها خخخخخخخ


دلوعه ..انا برضه اايد الدور الارضي وعندك الحوش ممكن تتوسعي فيه

بالنسبه للون بويه الصاله افضل البييييج الفااااتح اوف وايت لانه انسب شي مع الارضيه الكاكي
غرف نوم ولدك لو انه صغير في السن انا حب البيبي بلو للاولاد وممكن تدخلي الوان معاه سواء في البويه او الاكسسوارات زي الاحمر والابيض والاصفر بمعنى انك تخلي المنطقه فوق راس السريربس مو الجدار كله لون مختلف عن بقيه الجدران وممكن تعمليها بشكل دوائر او مربعات او خطوط طوليه حسب رغبتك

ولو انه كبير انسب شي للاولاد الابيض والاحمر مع شويه اسود و كلها مع بعض بس بتنسيق وتوزيع مناسب

بويه البنات انا اشوف البيبي بنك جدااا حلو ويناسب طبيعه البنوتات الصغيرات
ولو كانت بنتك كبيره خليها تختار بنفسها الالوان اللي تميل لها اكثر

.................................

اجنحة متكسرة ..الله يسلمك حبيبتي :26: ايش اخبارك مع المخطط

....................................

بروح اشوف بقيه الردود لاني نسيت بعضها:22:

غلا يادبه صور الابواب حلوة عجبني اكثر اباب الاول ابو مربعات زجاجيه صغيره يعطيكي العافيه

.............................................

ورود الدار ربي يشافي ام زوجك ويعافيها وترد صحتها زي اول واحسن يااااااااارب ياكريم.. والله ان الكبار هم البركة
ربنا لايحرمنا منهم ولا بركتهم


..................................................

السلام عليكم ..
شخباركم بنات ..
هبي ويك اند ..

اشوف المكان منور .. هلا وغلا الاجنحه المتكسرة شخبارك عساك بخير .. ؟
بالنسبة للأثاث انا بعد ابي اسوي مثلك غرفة الطعام مع المطبخ .. صالة المعيشة .. وحتى الحمامات اللحين اكثر الستايلات مودرن .. نادرا تلقين كلاسيك حلو ..
بس نصيحه شوفي محل مرمرا وااااااايد رهيب وعجيب ديزايناته لو بس تأخذين فكرة لان اسعارهم نااااار اغلب سيراميك الحمام ما يقل عن 5 دينار للمتر .. بس عن جد روووعه يمكن اكثر محل عجبني .. والله يسهل ونأخذ منه ان شاء الله .. وتدرين بس تودين لهم الاسكش تبع خريطتكم واهما يسوون لج مخطط الحمام واشلون طريقة تنسيق الحمام .. ويعطونك التلكفة كلها اذا عجبك زين ما عجبك تستفيدي من التصميم واتسوينه ف يمحل ثاني ..
المقاول ان شاء الله اليوم بيتصل حق زوجي وبيعطيه سعره والعرض ماله .. وان شاء الله يكون مناسب لنا لان تدرين انهم قاعدين كل واحد يعطينا سعر ... والله ييسرها ..
وبالنسبة للحمل .. والله ما اجذب عليج ما اقدر اكل شئ ولا اقوم من مكاني كله دايخه ونفسي غامه عليا خخخ ولايعه جبدي حتى ريحى الصابون تخليني ارجع اللي في بطني حتى الدم يطلع من زود الترجيع .. يعني انا مو حاطه هم عشان المصاريف بس عشان الوحام والثقل والتعب هذا غير ان ولدي شيطونننننه ما يقعد دوم مربوش ويبي يلعب ويعفس وقالب الدنيا فوق حدر .. الله يعينا وياج .. وانتي بعد الله يعينج اشوف في توقيعك عندك بنتين الله يخليهم لج بس اتعرفين البنيان اشلون التعب والله يستر ..
وارعفها العضوة اللي قلتي عنها اسمها انفنتي وااااااااايد حليوة وطيوبة وحبووووبه ما قصرت وياي عطتني كل اسماء المحلات اللي تعاملت معاهم وحتى العضوة شموخ ما شاء الله ذووووق واخلاق روووعه .. ما قصرو واذا تبين اطرش لج اسماء المحلات اللي عطوني اياها امري انتي بس حاضرين لج .. واذا على الافلاس الله يسترها عليكم وعلينا احنا بعد كم دور بيتك ؟؟ انا مساحة البنيان 378 متر ودور واحد نأجل الدور الثاني عقب كم سنة .. واي شئ تبينه مني صور اسماء محلات اي شئ لا يردج الا لسانج وطبعا الكلام لكل البنات بس يمكن انتي ما تدخلين وااايد وتستحين مني خخخخخخ من حلاتي انا ..واكيد كل البنات بعد ما يقصرون ..

قمرا ..
اسوي تشويق يزعم وشفرات هههههههه عشان الفضول يشتغل عندهم خخخخخخخ >> ويه يستهبل ؟
من يوم سألت زوجي .. اللحين من تطلع وحده في التلفزيون قالي تعااااااااالي شوفي هاذي ؟؟ اقوله وش فيها ؟ يقولي تشبه شعرك تشبه خشمك تشبه عيونك هههههههههه خلاص علقت معاه ؟؟!!!

سرالالم ..
كلامك صحيح وانا اقول بعد جذي بس لين اتذكر الذكريات اللي مرت علي اثناء الحمل اقول لو احمل اللحين والله جان البيت ما يكمل بسرعه ونتأخر كثير بعد مو شويه لان وحامي صعب جدا يعني حتى اترقد في المستشفى لان كل شئ تلوع جبدي منه وكل شئ قرف ووع ووعي ؟. وانا حملت وانا اخر سنة بالجامعه والله تبهدلت اخر بهدلة وكنت امتياز مع مرتبة الشرف والله نزل مجموعي لجيد جدا ؟؟ تخيلي قهر صح فمالك في بيت العمر احس حمل + بنيان بيت = جنون وهلاك وانتحار هههههههه وعلى فكرة الدوام كللللللللللللللهم حواااااامل صاير فيروس ومنتشر والله يستر علي ؟؟ ههههه

رتووش .. يالدبه ووووينج ؟؟ ما بينتي ؟؟ اشتقنالك ؟