كوبونات الراقية تسجيل الدخول

استرخاء
استرخاء •
meramad meramad :
السلام عليكم خواتي انا بعد من الرياض وبيتنا في شمال الرياض حي الربيع اختي استرخاء بالنسبه للجبس انا جبت شركه متخصصه وهي الحقل الاخضر اللي في التخصصي بس صراحه شغلهم مره حلو.وسيراميك الحمامات الله يكرمك من نجم اباحسين صحيح غالي شويه بس ماتلاقين تشكيلته في مكان ثاني.والمطابخ من عند المنى. بس صراحه انا محتاره الحين في بلاط الحوش والابواب الداخليه والخارجيه اللي عندها اي فكره الله يعافيها فيه ناس قالولي للاحواش بلاط اسمه التراكوتا بس ما اعرف وين الاقيه؟؟؟؟
السلام عليكم خواتي انا بعد من الرياض وبيتنا في شمال الرياض حي الربيع اختي استرخاء بالنسبه للجبس...
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
اهلين اختي ميراماد
وحنا بيتا حولك يعني بالغدير
الحقل الاخضر ممتازين مافيه كلام
بس يبدو لي ان اسعارهم مرتفعه شوى, ما ادري بكم حسبو لك المتر؟ وانا عندي رسم مع الجبس ما ادري احد جربهم بالرسم ؟
فيه واحد اشتغل فله جيراننا اسمه(النافذ)في طريق الملك عبد العزيزمتره ب90 ريال بس ما شفت شغله بعيني يعني ما اقدر احدد مستواه,
والتراكوا تراه نوع من السيراميك موجود عند نجم ابا حسين انا شايفته ذا الايام عنده الوان وتصاميم متنوعه.
بس انتي اذا رحتي على طول قولي ابي خارجي
وبيورييك التراكوا وغيره
وتراه مطفيه يعني على انتيك شوي
واذا على الابواب انتي وميزانيتك
اذا تبين الزين بغض النظر عن الاسعار فيه عندي محلات وارقامها
واذا الميزانيه خبطت زي حالاتنا:( فما لك الا نجار وتورينه التصميم التي تبينمن كتالوج وتتوكلين على الله
استرخاء
استرخاء •
القمورة أمورة القمورة أمورة :
قمرا الله يسعدك ويسهل لك يااارب وأمنيتي احاول اساعدكم باللي اقدر عليه .. أم عزيز الشكر لله ..والله يسهل لنا ولكم.. وأتمنى اشوف مخططكم لأني اتساءل ياترى هو مثل مارسمنا ه في بالنا.. غلا الروح مشكورة ياعمري .. والحمدلله حسيت ان فيه احد حاس بمعاناتي وصدقيني هذا هو اللي سويته وامس اعطيته فكرة عن التصميم والله يستر يعرف يسويه مثل ما ابيه او لاء.. أم عموري الله يسعدك على الترحيب وتراني رديت عليكي بخصوص الدرابزين يمكن ما شفتي ردي..الله يعينك تصدقين ادعي لك وللبنات كل ما اشوف الحوسه اللي انتوا فيها اقول الله ييسر لكم.. استرخاء الله يوفقك ياقمر ما تتخيلي قد ايه استفدت من معلوماتك وياليت تدليني على المقاول اللي تنصحي بيه اكون لك شاكره ومقدره.. يا صغر الفرح أم العصافير رتوووش ورود الدار واي عضوه تسامحني اذا نسيت اسمها عاجزه عن الشكر على معلوماتكم اللي ساعات تحسونها بسيطه لكنها مررررره مفيدة لنا .. ولكل اللي انضموا للديوانية جــــــــزاكم الله خير.. :26: :26: :26: وابي اشاوركم في مخططنا إذا ما عندكم ما نع احطه ويهمني راي الكل.. بس باحاول آخذ موافقة زوجي لأنه مو مقتنع بأني أعرضه على العام والله يسهل ..
قمرا الله يسعدك ويسهل لك يااارب وأمنيتي احاول اساعدكم باللي اقدر عليه .. أم عزيز الشكر لله...
.

اختي القموره اموره
(الله يوفقك ياقمر ما تتخيلي قد ايه استفدت من معلوماتك وياليت تدليني على المقاول اللي تنصحي بيه اكون لك شاكره ومقدره.)
..............................................لا شكر على واجب
ان شا الله اول ما اخذ الرقم من زوجي ابرسله لك على الخاص:42:
استرخاء
استرخاء •
meramad meramad :
مساكن الله بالخير,يالله حي الجميع. الله لايهينكم ابي فزعتكم يالنشامى,انا خلصت بعض اجزاء من التشطيبات بس واقفه عند ارضية المطابخ والابواب والدرابزينات (الرئيسي والخدمه). على فكره انا عندي الدور الاول كله رخام والحمامات سيراميك,والثاني باركيه والحمامات ايضا سيراميك .ساااااعدوني الله يعافيكم. على فكره انا سبق وكتبت موضوع اطلب فيه رايكم عن التاثيث اذافيه احد قد اعطى محل مفروشات البيت بالكامل وطلب منه انه يفرشله اياه والا لا بس للاسف مالقيت مساعده اتمنى انه احد يساعدني في هذا الموضوع ايضا. ولكم مني جزيل الشكر:) :26:
مساكن الله بالخير,يالله حي الجميع. الله لايهينكم ابي فزعتكم يالنشامى,انا خلصت بعض اجزاء من...
..............................................................................................
فيه مصممين داخلي يمسكون البيت من بابه الى محرابه
بس اسعار فرشهم نار
خليه شوي الى ان تلتقطي انفاسك بعد البنيان :09:
واعطيك ارقامهم دامك في الرياض ,يعني ياخذون البيت بالمتر المربع
يعني مثلا غرفه النوم الرئسيه 6×5 فرشه يمكن يوصل 100 الف بالراحه
بس شي اكثر من رائع وووووووووووااااوووووووووووو زي الذي نشوفه بالافلام
omamoory
omamoory •
meramad meramad :
السلام عليكم خواتي انا بعد من الرياض وبيتنا في شمال الرياض حي الربيع اختي استرخاء بالنسبه للجبس انا جبت شركه متخصصه وهي الحقل الاخضر اللي في التخصصي بس صراحه شغلهم مره حلو.وسيراميك الحمامات الله يكرمك من نجم اباحسين صحيح غالي شويه بس ماتلاقين تشكيلته في مكان ثاني.والمطابخ من عند المنى. بس صراحه انا محتاره الحين في بلاط الحوش والابواب الداخليه والخارجيه اللي عندها اي فكره الله يعافيها فيه ناس قالولي للاحواش بلاط اسمه التراكوتا بس ما اعرف وين الاقيه؟؟؟؟
السلام عليكم خواتي انا بعد من الرياض وبيتنا في شمال الرياض حي الربيع اختي استرخاء بالنسبه للجبس...
الله يعينكم اختي

نعم أختي الحوش عادة يبلط بنوع من السيراميك يسمى التراكوتا لإنه يكون سمكه كبير ويستحمل الضغط والسيارات بس فيه انواع ثانية برضه خاصة بالأحواش غيرالتراكوتا لو شكله موعاجبك أنا عملت كل الحوش شكل وبعدين مكان الكراج عملته بالتراكوتا
ترى التراكوتا منتشروكل محلات السيراميك تبيعيه وفي منه تراكوتا طبيعي يكون ملمسه شوي خشن وكأنه فخار طبيعي

شوفي هذه صورمن التراكوتا
رتوووش
رتوووش •
كيف حال الحلوات اليوم ........وكل ابوكم حلوات ولا وحدة وحشه... صح؟؟؟

كلام ام عموري سليم بخصوص مفاتيح الاضاءة لازم كل شي يكون واضح للكهربائي
والا تراه يخبص الدنيا ولا عليه
وفعلا التركوتا بصراحة جدا مناسب وعملي للاحواش ويتحمل ثقل وهو موجود في كل المحلات