ورود الدار ,الله يبارك في ايامك ,, الفراشات حلو لكنه محل ملابس بناتي وولادي,,,

غلا الروح
دام السالفه كذا مالك الا تستخيرين كم مره والله ييسرها عليكم
ومشكوره عالرابط
وحياك الله في بلدك الثاني السعوديه
ساره
الله يجزاك خير على هالخبر اليوم فرحانه مره وطيران كلمة زوجي وقلت له على فكرة الغاز المدفون وقال لي مايصلح لنا حاليا لاننا صبينا الحوش شفتوا الحظ بس عندي امل بعدين نصلحه
رتوووش
الحمدلله عالسلامه ومنوره السعوديه والديوانيه
يالله بنفرغ صفحتين تكتبين فيها اخبار رحلتك لاننا اكيد ودنا نسافر اذا خلصنا على خير ولا وش رايكم ؟
وفاء تقريبا فكرتك مثل فكرتي انا بخلي المستودع للطبخ العميق حلوووووووووه عميق هههه
والمطبخ بخليه للشغلات البسيطه عشان الدواليب ماتتوسخ بالدهن
ام عموري
ايه هذا هو الي عندنا وله فتره عندنا ونفس الشركه الي صلحوه هم الي يتصلون علينا ويجون يسوون له صيانه وهو امريكي ركبناه بـ1000 ريال والحين يقولون انه رخص
وطعم المويه تقريبا مثل موية الصحه وانصحكم به وبشده

الله يعطيك العافيه سارا صراحه الغاز المدفون معلومه اول مره اسمع فيها
انا خوافه حبتين وماحب الغاز المركزي لكن ابونا ملزم الله يستر
بنات وشحطيتو سقف المطبخ والحمامات جبس او سقف معدني

نورهانه
حطوا اسم المحل على اسم ولدكم او بنتكم او اسمك انتي والله اريح واجمل
بنات شفتوا محل المنى للمطابخ كل شوي يدقون علينا هالمره قالوا بيخفضون لنا الى 26 الف من 42 الف شفتوا شلون الواحد لما يحقرهم يخفضون له وزوجي يقول خلنا كذا سافهينهم لين نخلص بيتنا ويمكن وقتها يطلع علينا ببلاش ههههههههههههه حلوه بلاش
مسكين زميل زوجي ضحكوا عليه العمال صلحوا له الدرابزين ولا ثبتوه زين ماكثروا القواعد الي تثبت الدرابزين بالدرج مقللينها حيل وصاير يتهزهز وشكله مو مره وهذا وهو حريص مره وعلى روس العمال وانتبهوا من الاتراك ترى عمالتهم بنغال لا يغرونكم بالسعر احنا زاد علينا امتار زياده ويحسبنا مانفهم وتخاصم معه زوجي وطرده وبنشوف غيره
شفتوا المقاول الي صلح بيتنا الي خرب علينا الواجهه وحمام العيال تكرمون وخسرنا على تعديلها كم الف مسوي بيتنا دعايه كل شوي جايب ناس وقايل لهم انا مصلح هالفيلا وتقريبا ثلاث ارباع الفلل الي حول بيتنا هو الي ماسكها الحين ونفسي اعلمهم عنه لا ينغشون فيه
وابشركم التلفون ركبوا لنا البوكسيه امس من دون مانقدم عليه الله يجزاهم خير وعقبال الكهرباء والمويه ياخوفي لا يعطلونا
وانتبهوا للكيبل حق طبلون الكهرب لحد يسرقه لانهم طايحين سرقه فيه واذا انسرق الله يعين راعيه لازم يكسر من جديد عشان يمدد له الله يكفينا واياكم شر الحرميه وعيال الحرام

السلام عليكم ورحمة الله وبركاته


غلا الروح مشكورة جدا على الرقم والمعلومات حنتصل عليهم ونشوفهم

قمرا وصغر الفرح ووردة جدة مشكورات جدا مع انو في بعض الناس الله يهديهم ( صديق زوجي) قعد يذم ويعيب فيه الين ما خلى زوجي يغير رأيه حرجع اكلمه واقوله ارائكم عشان يقتنع ويركبه وهاتي وردة رقم الشركة لو تقدري ما تقصرون حبيباتي
ومشكورة على عنوان الدوسري وردة تعرفي كل مرة امر بجنب نجم اباحسين ولا شفته سبحان الله على قولة زوجي نحن ما نشوف ها المحلات وكل يوم مارين جنبها مادري ايش نشوف لما نمشي ؟

نورهانة : مبروك المحل سموه ( نورهانة ) :) ومحلات الجملة أظن في عمارة الباشا اللي في البلد


قمرا : ماشاء الله مبروك البوكسية حق الهاتف عقبالنا تعرفي ما ابغى انقل عشان هاالتلفون ووحسب قولهم في ذي الحجة يركبون بس ما اصدقهم ابدا

طيب ليه ماقدمتوا للكهرباء وجبتوها خلاص انتوقربتوا تراهم يعطلون كثير وما يمشون الا بالرشاوي والعياذ بالله احسن تعاملوا وتخلصوا

بالنسبة للطبلون نحن انسرق عندنا طبلونين وزي صغر الفرح كل واحد ما يدري واضطرينا الحين اننا نكسر الجدران ونركب ثاني ونليس فوقها طبعا خرب الجدار مع اننا عاملين خلاص المعجون والصنفرة والبويه الوجه الأول والحين نعيد الشغل مرة ثانية الله يكافيهم فانتبهوا والله يكفيكم شر الحرامية


بالنسبة للمطابخ مادري ليه كذا اسعارهم فعلا انا الحين بطلت من المطبخ اللي تحت قلت اعمل الأوفيس اللي فوق بس عشان امشي نفسي بيه

فين سرالم ياجماعة تراها طولت

نداء سرالم..... سرالم ....سرالم