سكر مكر لا مارحت للدوسرى بس بحاول والبنام بروح لو قدرت وشكرا على معلوماتك :)
الراجيه عفوه الصوره الاولى تهبل لو اناعندى مطبخ سويته كذا:)
استرخاء خخخخخخخخخخ اى ولله ساح مكياجهم اول مره فى حياتى احضر حفل امهات والعالم تطالعنى استحيت شكلى صغيره عندهم اهم شىء بنتى كانت على المسرح بغيت ابكى :icon33: بس قلت عيب يابنت اعقلى كنى بزر كنت فرحانه فيها مره واحساس غير شكل :) لله يصلحهم ويخليهم
اما التكيف انا ازود بقدرته يعنى لما يقلون 3 طن انا احط 4 طن وهكذا لانى احسب حساب لو الانفاس زادت كلش الا الميك اب يخرب حتى انتى تصرين متضايقه من الحر يعنى حطى زياده افضل نصيحه لكم وخصوصا المجالس :)

الحالمة لسه زعلانة : الحين تذكرت سؤال اللكسان من رد غلا الروح اعذريني
اللكسان ارخص من الزجاج وفي منه عدة سماكات ويختلف سعره حسب السمك وفيه منه الوان وعادة يحطونه للأبواب الفيلا الخارجية وقوي ما ينكسر الحداد قعد قدامنا يضربه بالمطرقة وما نكسر تعرفي يتأثر بأيه ؟ بالحرق يذوب

سكر مكر : والله ما رحت لسه للدوسري وقفت هذا الأسبوع اللفلفة تعبت بجد من أسبوعين وانا خارجة وبعدين هذا الأسبوع كان التقويم لبنتي وولدي فقاعدة اراجع معاهم
والبنام هذا موجود له فرع في جدة ؟ اسألي الله يخليكي وايه عملتي انتي مع مطبخك واخترتي ايه لون انا محتارة جدا للحين وكل هذه الحيرة في بوفيه وكاونتر خدمة اما المطبخ الأساسي مادري ويش حسوي فيه

بالنسبة للأنتركوم طبعا ماينفع تخلي مقبض فتح للباب من برا معاه طيب ويش فايدته صار خلاص كل من يبي يدخل يفتح وخلاص اما الفتح الكهربائي تتحكمي انتي فيه من الداخل وتفتحي فقط للي تبغيه
انا الحين حاطته عادي زي ماقلت الين ما نحول خلاص عشان ما اقدر الحين اعطي مفتاحه للحارس لو كان فتحه كهربائي وبعدين اشوف كيف الحالة لو تعبت من الطلعة والنزلة او العيال تعبوني وما ينزلوا يفتحوا ( ناوية اقفل بالزفال لأني خوافة جدا ) اركب الأنتركوم وخلاص ارتاح ولا اخرج للحديقة الا والمفتاح معلقته في سلسلة بحلقي عشان ما أتورط :)

تعرفي كنا في بيت اهلي في فيلا والمدخل الرئيسي والعائلي دائما مفتوح ولا عمري اخاف وأحيانا اهلي كانوا يروحوا يتمشوا وانا في البيت ولا اخاف والحين كلها شقة صغيرة والخوف ذابحني مادري ليه

الراجية عفوه حلو جدا التصميم مع الحديد المشغول ربنا يوفقك

حلوة بدون ماكياج : مبروك حفلة بنتك وعقبال زواجها

اليوم برضه كانت الحفلة في مدرسة بنتي بس حمدت ربي وشكرته الف مرة انها جات منهم وقالوا ما نبغى امهات :) لأنه عذاب ها الحفلات برأي اخر مرة حضرت وولدي يبكي يفرفر ولا الحر والأزعاج رجعت البيت دايخة وعلى اقرب مخدة وخليت ابو الشباب يجيب الغداء من التعب اللي فيا الله يعين المدرسات بجد بس اكيد لما يستلمون رواتبهم ينسون ها التعب كله :)

غلا الروح : احسن افصلي غرفة الكوي عن الخدامة احسن والبارتيشن عبارة عن لوح تشوفيه كأنه جدار وتحطيه بعد البناء للفصل بين فراغين لو ما تبغي تبني بالطوب عشان ما يأخذ مساحة لأنه سمكه اقل من الطوب بكثير وتراها قوي ...اخت زوجي كانت غرفة اطفالها كبيرة جدا وفصلتها واحدة للبنات واحدة للأولاد بالبارتيشن ولا تفرقيه عن الجدار ويندهن بنفس لون الغرفة

( اليوم عندي خلق للهذرة سامحوني ) سلام

هلا بنات كيفكووون
ابتسموووووووووا اليوم الاربعااااااء
:)
ياعمري يا غلا فقدتي الشعار جعلك ما تفقدين غالي :26:

ام عموري
الاول عندي احلى بس كنك مشتهية اللي يفتح على اعلى يعني الثاني ّ!
بصراحة كلهم حلوين بس الاول عندي احلى

سارة
غرفة زيادة ؟؟ يا دي الهنا
ابستانس واتركها اكيد لها حاجة واكيد بخليها نووووم

حلوة
الف مبروك حفلة بنوتك
وانا اول حفلة لولدي نفس الشي عيوني دمعت وابغى اصيح بس جنبي وحدة تكلمني واستحيت اصيح جنبها .. بعدين ملاحظة بعضهم عندهم القدرة على الكشخة في اي مكان وزمان !!! يلا عقبال فرحها يا رب

استرخاء
وينك والله زمان عنك .. نا اليوم دخلت مالقيت الديوانية مدري وين راحت !!
لحد ما رحت لملفي الشخصي وطلعتها ..
ايش اخر اخبار البناء في السوق مافي فناتق جديدة؟

الراجية
حلو الحديد المشغول في الفراغات يعطي منظر حتى الزجاج الملون له نفس الخاصية ..

الحالمة بالرشاقة
الزعل ممنوع وترى على قول سارة نقرا سطر ونترك سطر
محد بيطنشك غصب عنه الا اكيد مايدري
وارجعي برايك اتمنى ما تكون اخر مشاركة لك ..

سر الالم
الحمد لله على السلامة .. وناطرين طلتك علينا ..
ــــــــــــــــــــــــــ

اذن ... قم صل

سلامي لكل خواتي الحلوات ولكم احلى تحية :26: