طريقة السليق الطايفي ..

اول شي لازم تكون اللحمة أو الدجاج طااااازه ممكن تستخدمين من الفريزر بس النكهة ما بتطلع تمام

لأنو يعتمد على النكهة ..

والطريقه سهله جدا اسلقي اللحمة في قدر وأضيفي مع المويه ملح فقط (( عشان كذا اللحمة لازم تكون

طازة لو متلجة لازم تحطين منكهات عشان ريحة الزفر )):09:

ولما تقرب تستوي اللحمة خلاص اضيفيلها الرز (( الرز لازم يكون ابو بنت مانستخدم في السليق

الطايفي رز مصري ابدا )) ..

وأول ما تحطين الرز ذوبي ملعقة أو ملعقتين حليب بودره في شوية مويه دافية مع حبة أو نص حبة قشطة

واضيفيها و شيكي على الملح واذا كان دجاج زودي شويه زيت و وخليه يغلي بس كل شويه حركي من تحت

عشان لا ينحرق من تحت بسبب وجود الحليب فيه وخليه لين يستوي ..

وممكن تخلي اللحمة أو الدجاج لين تستوي وخرجيها وحمريها في الفرن حسب الرغبة بس احنا مانسوي كذا

واذا حابة كمان يكون طايفي اصلي اضيفيله على الوجه السمن الطايفي سواء بالريحان او بدون بس

هذا ماينباع الا في الطايف وغالي كمان ..

وحضريه مع سلطة خضراء وسطة حااااااره مطحونه ومخللات اللي تحبيه تجي لذيييييذه معاه :o

وبالهنا والعافية على قلوبكم ..

تصدقين وحدة قالت لي بعد مايستوي الرز خلاص ارجعي حطي عليه حليب كأنك بتطبخينه من جديد

انا سويته كان نوعا ما مقبول..

يعني اللحين لازم قشطة ؟؟

بنات تصبحون على خير بقوم انام اشوفكم على خير

قلب نوني نوم العافية

قلب نوني وانتي من اهله ياقلبي بس قد اصبحنا من امس ياعسوله ههههههه ..

بس شكلك مواصلة , نوم العوافي ياقلبي ..