جبروت ❤

جبروت ❤ @gbrot_1

عضوة جديدة

ديوانية جبروت ..

الأسرة والمجتمع

بسم الله الرحمن الرحيم ..

السلام عليكم ورحمة الله وبركاتهـ ..

ازيكم يابنات ؟ عاملين ايه ؟

موضوعي حبتين حيكون طويل اذا اراد الله .. كاتبتو بطريقه ترجليه وعشان هكا يمكن مافيه ترابط او تسلسل في الافكار واعتبرت نفسي كأني في جلسه اخويه معاكم فعشان هكا ماراح اتقيد بالفصحى وراح اتكلم كول مره عن حاجه ونتكلم مع بعض هكا واشارككم وتشاركوني ..

واتمنى يكون الموضوع في المكان المناسب ..

..

قبل اي حاجه .. لاحظت انو بعض العضوات ينقالهم كلامهم في ملوحه حبتين ويعننا بنتعدى على صاحبة الموضوع برد جارح او مستهزئ الخ الخ ..

اقولكم حبيباتي من دحين .. مره ماينفع معايا دا الاسلوب وانتِ اللي حتخسري لانو اذا كلامك ملح فكلامي فلفل وفي الصميم غير مأسوف عليكِ ..

..

امممم ..

كولنا عرف انو الحياه تتقلب بين اليسير والعسير السعاده والحزن الافراح والمصايب ..

مره تكون حياتنا مافي اجمل منها زي الارض السهله وفجأه تواجهنا هضاب وحفر ..

دا حاجه طبيعيه .. لانو رب العالمين قال ( لقد خلقنا الانسان في كبد ) ..

والرسول صلى الله عليه وسلم قال عجبا لأمر المؤمن إن أمره كله له خير وليس ذلك لأحد إلا للمؤمن: إن أصابته سراء شكر فكان خيرا له، وإن أصابته ضراء صبر فكان خيرا له رواه مسلم.

شوفتوا كيف ياحبيباتي ..

يعني ان فرحنا وان حزنا فان شاء الله انو نهاية الامر خيره وسعاده ..

احنا كبشر .. تطغى عاطفتنا في اغلب الامور اذا مو كولها .. ودا الشي بيخلينا قاصري النظر بالنسبه لأمور ممكن تكون واضحه وبعضها ماتتضح الحكمه الالهيه منو الا بعد ماتنزاح الغمامه سبحان الله ..

..

عاطفتنا لعبت فينا يابنات .. والدليل مواضيع في النت تشكك في القدره الالهيه استغفر الله ..

ناس تقول مهما نستغفر مايصير اللي نتمناه .. مهما نقرأ قرآن .. حتى البعض انكر وجود الله .. يقولوا لو كان موجود كان ساعدنا ومارضالنا الظلم ..

..

لانخلي حاجات زي هكا تأثر على عقيدتنا ..

انا وربي استغرب من البعض يعملوا عبادات لحاجات في انفسهم .. يعني مثلا اصلي بسسسس عشان اتزوج ..

استغفر بسسس عشان احمل ..

اقرأ قرآن بسس عشان اتوظف ..

وبعد مايتحقق .. نسيبها ..

ليه ؟

تخيلي نفسك عندك صاحبه .. كانت زميله لا اكتر .. صارت تتقربلك حبه حبه لانها حاطه عينها مثلا على اخوكي وتبغى تتزوجو .. وانتِ عارفه دا الشي وعارفه انو خدمتها ممكن تكون مؤقته ومتى ما اتزوجت اخوكي سحبت عليكِ او متى ماصديتيها وقولتيلها في وجهها ماحزوجك اياه انسحبت .. مع العلم انك مثلا رفضتي لانك عارفه انهم ماينفعوا لبعض او اي حاجه تانيه انتِ عارفتها وهيا تجهلها ..

اوصفي شعورك ساعتها ..

..

طبعا هوا مثال فقطط ولا ربنا سبحانه وتعالى مستحيييييل يرجع اي عبد خيبان وهوا في غنى عننا سبحانه ..

لكن ليه يابنات نعمل عبادات وكأننا نقول لله احنا نعملها عشان حاجتنا لا اكثر ..؟

رب العالمين يحوبنا واقدارنا من اروع مايكون .. صح فيها صعوبات تتفاوت من شخص لشخص ..

بس والله والله والله انها كولها في صالحنا وخير لنا .. اذا مو في الدونيا في الآخره ..

..

تعالوا نشوف ليه احنا نتمنى حاجه وماننالها وليه ندعي ومايستجاب لنا وليه وليه وليه ...

..

الشر موجود في كول مكان وزمان مخفي ومعلوم ,, دعوه لباب السماء حتدفعها عننا .. ويكون لازم دعوه تانيه .. وممكن تتحقق وممكن تتأجل الى ان يشاء الله لحكمه نجهلها ..

مثلا ..

ادعي ربي ليل نهار اني اتزوج .. ومهما اتقدمولي عرسان مايصير نصيب .. ليه نزعل ؟ ونتكدر ونقول ربنا مايحوبنا ؟

يمكن اذا اتزوجتي ماحتكوني سعيده .. يمكن اذا اتزوجتي تصير بينكم مشاكل وتطلقي .. يمكن ربي يبتليكي بحوبو وهوا انسان مايستاهل .. يمكن ربنا مخبيلنا انسان احسن من اللي اتقدمولي الف مره ..

يمكن اذا اتزوجت اتزوج شخص مايجيب بزوره وانا اموت في الاطفال واكون مجبره اعيش معاه ..

يمكن ويمكن ويمكن ..

اعبدوا الله بتذلل وخضوع وبنيه صافيه وبقلب خاضع خاشع ..

اعرفوا اننا اذا كونا مع الله حنحصل كول حاجه بدون لا نطلوبها ..

اقصى امانينا الجنه .. وطهر السريره ونقاءها ..

لا نعترض على اقدار الله المؤلمه .. ولا نعبدو لمجرد قضاء حاجه ..

احنا لمن نستغفر .. ربي بيشيل عننا ذنوب ورى ذنوب ورى ذنوب ..

عشان لمن نقابلو سبحانه نكون انقياء منها يعني اذا ماقضى الاستغفار حاجتك الظاهريه لا تغفلي عن اللي عملو من جهه تانيه ..

موضوع سريع وعارفه انو ملخبط حبتين بس قولت اجمع الافكار قبل ماتتبخر واعذروا كتابتي المتواضعه ..

سبحانك اللهم وبحمدك اشهد ان لا اله الا انت استغفرك واتوب اليك ..










7
710

يلزم عليك تسجيل الدخول أولًا لكتابة تعليق.

تسجيل دخول

غنوجة بعلي
غنوجة بعلي
كلامك واقعي وجميل
الله يعطيك العافيه
قلب منكسر
قلب منكسر
أنا معاك في نقطه الكلام الي ماله داعي ونقطة الأستعجال في الرزق ودخول تشكيك وسوسه
بس الي ماعجبني نقطه كتبتيها وكثثثثثير غيرك أثاروها وفهمناهم وبتظلوا تعيدو فيها وهي
انا وربي استغرب من البعض يعملوا عبادات لحاجات في انفسهم .. يعني مثلا اصلي بسسسس عشان اتزوج ..

استغفر بسسس عشان احمل ..

اقرأ قرآن بسس عشان اتوظف ..

وبعد مايتحقق .. نسيبها ..

هذا أسمه التقرب لله في العبادات وهو جائز ومشروع في حالة قيامها بهذا الشي ففيه نيتين العباده الخالصه لله ومعها أن يارب أرزقني الزوج الصالح والذرية أو الوظيفة
يعني أنا لما أستغفر مثلا للحمل أو الزواج أو لأي شي وجيت أقولكم السالفه مش ضروري أقول أنا أستغفر من أجل العباده لله ومن أجل نيتي الدنيويه؟
لاتدخلوا في النيه وتدققوا كثير

الدين تيسير وليس تنفير نبي الله كان يدعوا الله ويسئله الملح شايفه الملح وأنتي عتبانه وغيرك تعتبوا على مضوضوع أن أدعي الله الزوج الصالح أو الذرية الصالحه أو الوظيفه
الأسلام يدخل في كل شي في حياتنا في الدنيا ومن أجل الأخرة
الدين يسر لاتنفرو الناس وتحسسوهم أن فعلهم غلط
أطلعي على قصه المغامسي لما تأخرت زوجته بالحمل ماذا عمل هل ننكر هذا الفعل
لاحول ولاقوة الابالله
جبروت ❤
جبروت ❤
أنا معاك في نقطه الكلام الي ماله داعي ونقطة الأستعجال في الرزق ودخول تشكيك وسوسه بس الي ماعجبني نقطه كتبتيها وكثثثثثير غيرك أثاروها وفهمناهم وبتظلوا تعيدو فيها وهي انا وربي استغرب من البعض يعملوا عبادات لحاجات في انفسهم .. يعني مثلا اصلي بسسسس عشان اتزوج .. استغفر بسسس عشان احمل .. اقرأ قرآن بسس عشان اتوظف .. وبعد مايتحقق .. نسيبها .. هذا أسمه التقرب لله في العبادات وهو جائز ومشروع في حالة قيامها بهذا الشي ففيه نيتين العباده الخالصه لله ومعها أن يارب أرزقني الزوج الصالح والذرية أو الوظيفة يعني أنا لما أستغفر مثلا للحمل أو الزواج أو لأي شي وجيت أقولكم السالفه مش ضروري أقول أنا أستغفر من أجل العباده لله ومن أجل نيتي الدنيويه؟ لاتدخلوا في النيه وتدققوا كثير الدين تيسير وليس تنفير نبي الله كان يدعوا الله ويسئله الملح شايفه الملح وأنتي عتبانه وغيرك تعتبوا على مضوضوع أن أدعي الله الزوج الصالح أو الذرية الصالحه أو الوظيفه الأسلام يدخل في كل شي في حياتنا في الدنيا ومن أجل الأخرة الدين يسر لاتنفرو الناس وتحسسوهم أن فعلهم غلط أطلعي على قصه المغامسي لما تأخرت زوجته بالحمل ماذا عمل هل ننكر هذا الفعل لاحول ولاقوة الابالله
أنا معاك في نقطه الكلام الي ماله داعي ونقطة الأستعجال في الرزق ودخول تشكيك وسوسه بس الي ماعجبني...
اسعدني مرورك ياانيقه ..

لكن لاحظي عزيزتي انا ماجبت سيره للنيات ابدا لانو هالشي بين العبد وربنا ..

انكاري على اللي يقرنوا العباده بتحقق الحاجه من عدمها ..

وفي الآخر يجوا يقولوا العبادات مامنها فايده ..

وعملنا ومانفع ..

انا لا اعتب ياعزيزتي .. لانو رب العالمين معا الجميع ويعطي بلا حساب سبحانه ..

لكن لا نكون كأننا نتمنن على الله تعالى الله عن اننا نعمل معاه كدا علواً كبيراً ..

اتمنى اكون وصلت وجهة نظري لكِ اختي الكريمه ..

اسعدني تواجدك ..
جبروت ❤
جبروت ❤
كلامك واقعي وجميل الله يعطيك العافيه
كلامك واقعي وجميل الله يعطيك العافيه
تواجدك الأجمل ..

شاكرهـ لكِ ..
حلا محلي
حلا محلي
الاغلب انها تهتم بالكم مو الكيف يعني تحرص تقراء سوره البقرة 3 مرات او اكثر دون تفسير الايات و حتى لو قريت التفسير بدون تطبيق
الصحابه رضوان الله عليهم كانوا يحفظون كل ايه مع التطبيق بعدها ينتقلون للايه الاخرى
“أنا لا أخشى على الإنسان الذى يفكّر وإن ضلّ ، لأنه سيعود إلى الحق ، ولكني أخشى على الإنسان الذى لا يفكّر وإن اهتدى ، لأنه سيكون كالقشة في مهب الريح || الإمام محمد الغزالى .