السلام عليكم
رجعت لكم بعد امس بعد ماتحسرت اسمعو القصه

زوجي قال بناخذ من التخصصي وكان فيه احد قد قاله رح لـ العمران اللي هو الجودة مادري تعرفونه ولا لا
ورحنا له على طول وشفنا اللي عنده وانا كنت مقرره من قبل اني اخذ مطفي وطبعا كلها سادات وبعضها معتق
تفرجنا وقلنا نروح نشوف كم محل ونمر على الخزف السعودي مافيه هذا اللي يجذب الا كان نوعين او ثلاث وتقريبا وانا ماشفت اللامع بس المطفي والمطبخ انا مقرره اخذ بلاط 10 وسألنا وقال بثلاثين المتر واللون اللي نبيه مو موجود مافيه الا ازرق وزهر ولون ثاني بس وطلعنا

واحنا نمشي بالسياره الا والشوف نجم ابا حيسن
وقلت لزوجي خلنا نشوف يمكن نلقى شئ وادخل ومن وقت ما دخلت وانا ماغير عيوني هذا كبرها وفمي مفتوح على الاخر
شئ خقاق والوان تهوس كرهت السيراميك كله واول نوع طاحت عيوني قلت بس هذا اللي ابيه
المهم زوجي راح اخذ الطريق من اخره وسأل المحل كم الاسعار قال 80 100 150 180 190
قال بس يله مشينا طيب حمام النساء حمام الرجال قال انا مجنون احد ست الاف في حمام قلت حق ضيوف قال ضيوف مره في السنه
ماطولنا هي خمس دقايق ماتزيد حتى ما امداني اصور شئ
لكن يحسره وفعلا ماتندمت على شئ كثر ماتندمت اني دخلت هذا المحل فــ اللي لها حد في السعر لا تتهور تروح له

والمهم ورجعنا لمحلنا العمران مالك الا خشمك ولو كان اعوج وحاولت اني احاول ابدع في التصميم اللي انا احطه
واخترت سماوي مطفي لغرفة ولدي وحمام الصاله اللي فوق درجات البني فاتح على برتقالي مخلط
وحمام العائله تحت بني محروق وبيج
والمطبخ الخارجي اخذت بيج ساده جدران وارضيه
والمطبخ الداخلي اخذت بيج فاتح وبني فاتح لكن الى الان ما قررت اخلي اللي بين الدواليب ساده او اخلي شطرنج لكن ماش مادخل مزاجي مره ومحتاره


احس كثرت كلام ولا ماله داعي
زبدة كلامي

ويمكن خاراتي ماتعجب بعضكم لكن انا تعلمت منكم اني اخذ الشئ اللي يعجبني واللي انا مقررته ومو شرط يعجب كل الناس
خصوصا لما اخترت حمام العائله وحطيت الدزاين اللي يعجبني حست براحه مع انه زوجي واختي كانو معارضيني

واحب اشكر كل الاخوات اللي بالديوانيه ساعدوني وهم مايدرون فجزاكم الله خير فعلا لقيت الاخوه معكم

هلا اللون ماعليه بس الدزاين انا متعقده منه لان مره متعب بالتنظيف واجواءنا ما شاء الله ما يحتاج

هلا بنات

محد شراتي

اللون حلو بس متعب بالتنظيف

سجوووله

مبروووووك عليكم السيراميك

هلا مملوحه

الله يبارك فيه باقي الهم تونا بقى حمامنا وحمام البنات والرجال والنساء والغسيل الله يعين انتم خلصتو كل الحمامات
مفكره اروح مخرج 9 للمدى مع اني ما اتوقع القي اللي يعجبني واللي يعجب ابو الشباب

هلا بناااااااااااااااااااااااااات

رد سريع

سجوووووووووووووووولة

الله يسهل عليكم يارب

وترى أنا مثلك اصلاً مافكرت امر نجم اباحسين خلقه .............لان زوجي مستحيل يدفع مبالغ كبيرة مو في محلها وسبق إني قلت المفترض إن الواحد يحط ميزانيه وحد معقول كل شغله .....................ومن الغلط إن الوحدة تجبر زوجها على شغلات غالية وتدخل معه في نقاشات حادة وهواش وأخرتها على قولة هدهوده ...........يسكنون البيت وهم كارهينه

طيب إنتي مارحتي شفتي الملحم والبيت الأنيق وبيت الإباء ترى والله فيه شغلات حلوه

والله يوفق الجميع والله يفرحك بالي إخترتيه ويزينه في نظرك