هلا عيون .......انا اللي انتي مواعدتها......ما فيه الا انا وانتي نحوس بهالمطبخ

امس رحت اعتمدت التصميم

انتي من الرياض....صح ؟ابسألك عن المحلات اللي تبيع اكسسوارات المطابخ يقول انه في مؤسسه اسمها الأوائل في شارع

الامير سلمان....اذا تعرفين وين يكون ودي اوصي اخوي يروح لهم

هلا والله اجل طلعتي انتي ههههههههههه ياحبي لك
وش صار تصميم مطبخك؟؟
لا والله انا من القصيم مااعرف شئ بالرياض
ولسى مارسيت على تصميم لانه لسى باقي شهر ونروح نفصل مطبخ
على كلام زوجي يقول تبين نفصل الحين مافيه اجهزه جديده مثل الفرن وغسالة الصحون
يقول تأخذين اجهزتك اللي بالبيت بس لو تصبرين شهر كل شئ جديد ماادري وش وراه
قلت نصبر وش ورانا مو مستعجله انا

هلا والله ......صرنا اهل ...لأني انا من القصيم ومن مواليد الدمام........وين بالقصيم ؟؟

انانزلت التصميم قبل ..غيرت فيه شوي ...
كم مساحه مطبخك؟؟؟؟

من بريده.. كنت كاتبه مساحة مطبخي بس ضاعت الورقه وناسيه كم بس مو كبير
وهو فيه ارتفاع من 3 جهات علشان ادراج المطبخ والجهه الرابعه بتركها فاضيه
اذا خلصت من تركيب مطبخي وشفت اني اقدر احط كاونتروماراح يضيق علي المطبخ
بحطه زي الطاوله بالجهه الرابعه
مثل وحده منزله مطبخها اعجبتني فكرتها بشوف وين الصوره واحطها لك

هذا مطبخ الاخت نواعم غاليري
وش رايك فيه؟؟
انا ناويه على نفس اللون لان مطبخي سيراميك سكري
بس بيكون ساده من غير تخطيط
والكاونتر مكانه اعجبني صراحه