السلام عليكم يا احلى بنات عالم حواء :42:
انا يااااما وياما استفدت منكم والله .. واليوم حابه افيدكم بشي جربته ..
مثل ماقريتوا في العنوان هو ديودرنت (مزيل عرق)
اسمه Lady Speed Stick
وبريحة Powder Fresh
بس للأمانه وعشان ابري ذمتي .. ترى مكتوب عليه
Anti Perspirant = ضد التعرق
ومثل ماتعرفون انه هالنوع حسب مايقولون مب زين لانه يحبس العرق في الجسم ..
بس للأسف هو النوع الوحيد اللي ارتحتله :(
جربت كذا نوع مو ضد التعرق .. مثل نيفيا وسيباميد .. بس ماارتحتلهم ..
هذا النوع اللي عجبني فيه انه يوم تحطينه يكون جاف ومايبقع في الملابس ..
وبعد مكتوب عليه No White Residue يعني انه مايبين ابيض في الابط يوم تحطينه .. وهالنقطه صحيحه ..
بس مرااات يوم البس التي شيرت ولو كان غامق يطبع فيه شووووووي :42:
وثانيا ريحته تجننننننننننننن ريحة بودرة اطفال ..
تصدقون اول مره استخدمته كنت قاعده بروحي في الغرفه .. وشميت ريحة بيبي
واستغربت لانه ماكان عندي في الغرفه بيبي ذاك الوقت ..
وبعدييييين استوعبت انه ريحة الديودرنت خخخخخ :42:
بس جد جد ريحته حلوه ماشالله للي يحبون ريحة الباودر ..
وعلى فكره .. (( الناس اذواق ))
يعني مو تجربه وحده ومايعجبها وتدعي علي :angry2:
لا تكفون ادعولي سواء عجبكم او ماعجبكم او حتى لو ماجربتوه :42:
ادري طولت عليكم بس الحين راح اراويكم صورته :42:
وسامحوني لو كان الموضوع مكرر :)