>>>>>>>>>>>>>د تجمع الخدمه المدنيه اليوم

ايه وش صاار

إقتباس »
وأكد أن عدد الوظائف الآدارية بحسب الأمر الملكي إحدى عشر ألف وظيفة على المرتبة السادسةسيعملن بالمدارس وفق التشكيل
اليوم البراك أكد لنا هالوظائف الاداريه راح يطرحونها الاسابيع القادمة على المستوى السادس في معنا بنات غير تربويات طالبو تكون خاصه لهم مثل ماحدث للوظائف التربوي اجاب لهم البراك بابتسامة <= عاد وش تفسيرها مادري

كل ماتحدث له البراك معنا اليوم تبرير الخوات وعائلة الرويلي وحمدي وانا الترشيحات منصفه وشفافه وتمت بآليه دقيقه وعدنا شي واحد انا المره الثانيه او راح ينزلون الاسامي من جديد مافهمت متى يقصد المهم قدام كل اسم مرشحه نقاطها عشان يكون هالامر واضح قدام الجميع
قال لنا في احتمال كبير انا راح نستبعد 3000 مرشحه الي مدخلين معلومات خاطئة من تواريخ ومن دبلومات ومن اي شي غير المطلوب راح تستبعد..

اليوم نازل البراك بدون بشت وحاطن رجله وجدا متواضع بس ودي انه ترك التطبيل لبرنامج جداره بس احس الرجال ماعنده استعداد يسمع شوشره برى خاصه عقب موجات الغضب في مواقع التواصل

الي في التقييم /
اقسم بالله العظيم هذاني حلفت بالله رب السموات والأرض يوم اروح ماكان هدفي اني اسرق فرحة المترشحات الله يهنيهم هدفي احنا نسترد حق من حقوقنا و الي لهم 14 و12 و8 يتعينون
كان مطلبنا للبراك واااااااااااااااااااااااااااااااااااضح
نبي حل لوضعنا وسنوات العمر الي راحت ونرسل له رساله احنا ماراح نرضى نجلس كثر الي مضى هذا هدف روحتنا لخدمة والله أعلم بحالنا

اول مانزلنا للخدمة الساعه 9 الصبح ترى كنا ثلاثه وقفنا في الشارع نص ساعه عند الاشاره نبي البنات يشفون ويتشجعون جت الدوريه ونزل واحد ينافخ علينا كنا ماخذين من حلاله شي ! خبري أني حيويه مدري وش جاني جتني شجاعة عدنان قلت ياخوي احنا نبي الوزير قال ليش بالشارع اشرت اصبعي عليه قلت انتم بعد رب العالمين راح تحمونا وتساعدونا في أخذ حقوقنا انتم السند ومير يهبط ويهدي ويكلم السيكروتيه بهدوء والله طامنه بسمه
انا يوم قررت اطلع خابره انهم ماراح يفرشون لي بساط احمر صليت ركعتين ولبست تنوره وتحتها لقنق الستر زين لاني مادري وش يواجهني المهم وانا رايحه خليت أسوء شي راح اواجهه عشان مانصدم لكن الحمد الله تمت الامور بسهوله طلعت في قلبي فيس بفيس الوزير وناسه انك تتكلمين من دون خوف من حطيت رجلي بالخدمة مافي خوف توقعت قلبي يرقع بالعكس يمكن لاني واثقه اني صاحبة حق مسلوب



اخر تعديل كان بواسطة » نـوال في يوم » 13-03-2012 عند الساعة » 11:02 PM.

هذاااا رد عضوة بمنتدى ثااااااني. وتقول تجمعن حول الخمس

فيه تجمع مادريت ان

تسلمين يالغاليه على هالكلام الحلو واللي يثلج الصدر
كويس انك قلتي الاداريه تكون لغير التربويات والمفروض للاقدميه مررررره مثل حالتي لي 20 سنه متخرجه وش بعد عقب هالانتظاااار
:16:
لانا احنا مادخلنا معهم في تقديمهم فنتمنى ان يكون الاداري خاص لغي تربويات والله يرزق الجميع