د. هنادي جابر ممكن تساعديني؟؟؟

حبيبتي الدكتوره هنادي جابر أشكرج حبيبتي على مجهودج الكبير وفتح قلبج للبنات والناس عموما لسماع مشاكلهم الصحية

حبيبتي ان شاء الله يسعفج الوقت بس انج تسمعيني وتردين على رسالتي المتواضعه

حبيتي انا عندي مشكله اعاني منها من شهور وهي
أنا سمينه طبعا وأكيد لازم أسوي ريجيم علشان ينزل وزني
أنا من سنتين تقريبا كان وزني معقول حوالي75 وطولي 162 وما كانت عندي مشاكل لا من شكلي ولا من صحتى كله تمام لكن بعدها بعد رمضان الي قبل اللي طاف قام الوزن يزيد لين صار 90 وأكثر كان يوصل 93 وما كنت منتبه بس يوم شفت وزني انصدمت وسويت ريجيمات كثيره ووزني صار يتأرجح بين 85 و88 يعني الآن تقريبا وزني87
وبالأمانه يا أختي أنا أصلا أكلي خفيف واذا كان في خاطري آكل شي كثير تكون وجبه وحده مره وحده بالاسبوع أو مرتين فقط مب يومي لأنه لو كان يومي كان صار وزني فوق 100
المهم
أعمل ريجيم وينقص وزني كيلو كيلوين بالأسبوع وبعد أسبوع ما يتحرك الوزن مع انه ريجيمي الكل ينقص عليه 3 و4 كيلو وأنا نفس ريجيمهم ما ينقص الا القليل يمكن كيلو بالكثير

الأن أنا من يوم السبت متبعه ريجيم قاسي بعد ما فشلت كل محاولاتي في الريجيمات السابقه على أمل انه ينقص وزني أقل شي بالاسبوع 3 كيلو أو 2 مثل باقي الناس بديت يوم السبت واليوم الاثنين الفطور فقط شاي بدون سكر والغدا والعشاء شوربة خضار مع توسته وحده فقط واذا جعت بين الوجبات فاكهة وحده فقط بين كل وجبة اذا حسيت فقط بالجوع وأنا طبيعه عملي الجلوس وعندي خدامه في البيت يعني ما أتحرك وايد لكن أروح النادي تقريبا يوميا أعمل ايروبيك ما عدا الجمعه
لكن من 3 ايام ما نزل وزني ولا كيلو بل بالعكس انصدم يوم أشوف وزني زايد كيلو قبل النوم وبعد ما اقوم من النوم اشوف الوزن يرد مثل ماهو يعني قبل أمس باليلي كان وزني 88 والصبح صار 87 يعني والله اني دخت وتعقدت من نفسي

ويوم أشوف نظام السعرات الحراريه وأحسب اللي آكله باليوم يكون قليل جدا بالنسبه اللي يقولون والله علشان تنزلين كلي في حدود 1200 سعره حراريه أصلا لو أكلت في حدود 1000 سعره أحس اني بسمن ولاأكل يكون كثير
شوري علي يا اختي الكريمه شو أسوي والله لو عطيتيني ريجيم لأمشي عليه حرفيا والله وأحلف بربي اللي خلقني وأقولج النتيجه وأراويج انه نزولي ضعيف وايد مع اني أسوي رياضه ومن النوع الحركي يعني مب من الناس الكسولين اللي يحبون يجلسون دايما

لا تنسيني حبيبتي أترجاك انج تساعديني النفسيه متدمره وكارهه عمري بهالوزن

بس بقولج تجربه سابقه والاولي في الريجيم كانت ناجحه في اسبوعين نزلت 7 كيلو
كان وزني 85 نفس الحينه وسويت ريجيم الكربوهيدرات حرفيا وكنت أخبص ساعات بعد لكن في اسبوع نزلت 3 كيلو والاسبوع الثاني 4 وكنت أمشي كل يوم نص ساعه وأسوي الرياضات المعروفه

لين صار وزني 77 بعدين زوجي سافر وقعدت عند امي حوالي 20 يوم والله اني ما كنت أسوي ريجيم وتعرفين أكل الامهات وكنت آكل من كل شي لكن بحدود معقوله يعني مثلا 6 ملاعق رز واللحم في حجم قبضة اليد وهكذا وأتعشى ساعات باليل أكل فاست فود ونزل وزني خلال 20 يوم 3 كيلو بعد زياده وبدون رياضه

والله انه هالشحم ذبحني ومب قاعده اقدر افهم جسمي وتلخبطت حياتي
دليني حبيبتي ادري انه رسالتي طويله لكني مهمومه وعندي مشكله بغيت أفضفض الي في قلبي


مع السلامه يالغالية