ذاكرة بنتي عامله فرمته على طول تكفون ساعدوني

بنتي عمرها 8 سنوات بصف ثاني مشكلتها عدم الاستيعاب مع المعلمه ومعاي ودايما سرحانه رغم اني اتعب معها تعب وادرسها تقريبا 6 ساعات باليوم وفي اليوم الثاني المخ عامل فرمته ولاشي حتى التهجئه لاتعرف وتقول يماما انا انسى وكل يوم والثاني معلمتها مرسله انذارات تحسبني مهملتها ويشهد علي الله ان وقتي كله لها
واول ماتجي من المدرسه افتح شنطتها وابكي على تعبي الكتب والدفاتر كلها احمر في احمر
علما اني سحبت لها اوراق عمل للقاعدات الإملائية والرياضيات وادرسها عليها بس ولا قاعده ماسكه براسها كلها ترسلها لسلة المحذوفات ياربي والله تعبت معها حتى جاني احباط ومرات اقول ماابغى ادرسها لان تعبي يروح هبئا منثورا لكن ارجع واقول حرام هذي مسؤليتي وتتكررالمأساه :icon33:رغم اني ماقصرت معها اشتريت لها عسل اصلي وقراءة عليها وادعيلها في كل صلاه حتى اخر الليل اصلي وادعي لها
والي قاهرني هي ولا على بالها ماعندها غيره ابد عكس اختها الكبيره لوتنقص درجه تذبح نفسها من الصياح
تكفون ساعدوني بحل لمشكلتها والي تعرف شي ينشط الذاكره عند الاطفال ادلني عليه تكفون