السلام عليكم ورحمة الله وبركاته
حياكم الله جميعا اخواتي
قبل يومين وانا جالسه على النت واطالع صور الاطفال تذكرت ذاكرة جوالي n73فقدتها في شهر4الماضي لما بعت جوالي انا خرجتها من جوالي وبعت الجوال المهم فيها صور خاصه بااطفالي واخواني وعيال اختي المهم انا مره متحسره عليها واكثر حسرتي خايفه لااحد يلاقيها ويستخدمها استخدام مو زين عاد تعرفون هالزمن يخوف المهم وانا افكر فيها قلت ياالله انا ماافقد شي وادعو بها الدعاء الارده الله علي الاهالشريحه لها اكثر من تسع شهور مالقيتها مع اني بعد مافقدتها تخيلو رجعت البيت وقلت ابطلعها واحفظها المهم وادور لها مالقيتها وقلبت الشنطه فوق تحت والله يابنات اني مااكذب عليكم اني نخلتها نخل مالقيت شي وطلبت زوجي يدورلها في السياره ونزل دورلها ومالقي شي وتذكرت ان زوجي نزل يبيع الجوال وماقلت له اني سحبت الذاكره فرجع وفتح الباب اللي انا جالسه جنبه وسالني وراح قلت اكيد طاحت هناك وارسلت زوجي ودورلها اليوم الثاني ومالقيها وكمان رحنا المكان اللي نزلته بعد مابعت جوالي عند مسجد ودورناها ومالقيتها وفقدت الامل فااستودعتها الله من ان يمسها يد اي عابث وجلست فتره ادعي بهذا الدعاء بعدين صابني الياس وامس كنت اطلع الاغراض اللي بااوديها الجمعيه ومن بينها الشناط اللي مااحتاجها وجلست اقلب فيها مع انهافاضيه بس قلت اتاكد ومن بينها الشنطه المذكوره اعلاه وحتى مااني داريه في اي شنطه المهم وافتحها وانفضها شوي الاذاكرتي باايدي واصرخ واهتف الحمدلله الحمدلله وجاء زوجي وعيالي وش فيك يامامه وقلت لهم:27: وبنتي تقول مامه الواحد يقول الحمدلله اذا وجد شي قلت ايه يامامه
وفيه كمان موقف ثاني كنت في الجنوب عند اهل زوجي ورحنا عند ناس وطاح سلسال بنتي ذهب المهم لما شفتها قلت وين راح وقمت ادور عليه وانا خجلانه من اهل البيت بيقولون اشكك فيهم ماخليت مكان ورجعت جلست والحريم كل وحده تدلي بدلوها اللي تقول متاكده لبستيها والثانيه تقول اكيد طاح في الطريق واللي تقول ماشفتها لابسه شي من دخلت طبعا انا:mad: مايحتاج
وجلست شوي وتذكرت الدعاء وجلست اردده في نفسي ولماصرنا خارجين اهل البيت يقولون اذالقيناه بنرسله لك وخرجناوالله يابنات اني لقيت التعليقه عند فاصل الصاله واحنا طالعين والسلسال لقيته عند الباب الخارجي ولما لقيته طبعا اهل البيت شافوه وهذا اهم شي عندي وفرحو والحمد لله من قبل وبعد طبعا اكيد كلكم تبغون تعرفون وش هاذاالدعاء
اللهم ياجامع الناس ليوم لاريب فيه اجمع بيني وبين ضالتي
وطبعا كنت اقول من عندي
اللهم يامن رددت يوسف ليعقوب رد علي ضالتي
طبعا قبل لاتهجمون عليه وتقولون ماهو حديث اقولكم الاول اخذته من سيرة السلف الصالح ومع ان البعض رفعه الى النبي عليه الصلاة واتم التسليم واعرف هالشي من زمان ودايما مايضل علي شي الاباذنه سبحانه ترجع علي ضالتي اما الثاني فسمعته من وحده ومع اني بحثت عنه كثير وسالت لاكن ماوجدته وسالت احد المشايخ وقال مدام الدعاء مافيه تعدي على الله فلاباس اي كان صيغته
فحبيت اذكرلكم قصتي وقبل كل شي ابين ان الله مايعجزه شي واهم شي حسن الظن باالله
كما قال الله في الحديث القدسي(انا عند ظن عبدي بي فليظن بي ماشاء)
وقوله سبحانه(من يتوكل على الله فهو حسبه)
وسلامه تسلمكم ولاتنسو الصلاة على الحبيب
فوا؛؛؛صل @foasl_4
عضوة نشيطة
يلزم عليك تسجيل الدخول أولًا لكتابة تعليق.
B-R-H
•
جزاك الله خيـــــــــــــــــــــر
اللهم صلي على سيدنا محمد
جزاك الله اختي
استفدت منك وحفظت الادعيه
بقوله لامي مضيعه دهب
جزاك الله اختي
استفدت منك وحفظت الادعيه
بقوله لامي مضيعه دهب
الصفحة الأخيرة