كتبت هالموضوع للبنات اللي يعانون من القشرة المزمنه (مثلي وشرواي):09:
طبعا انا عندي هالقشره ناشبه لي من سنين ما بقيت شي ماجربته
ولا خلطه الا وجربتها
استخدمت فتره الخل الابيض مع مويه بس نفعتني شوي وبعد كذا ماصارت تفيد
واخيييرا
لقيت الحل
قبل سنه وشوي شفت بابا الله يرحمه يستخدم على شعره شامبو يقول انه طبي
وينفع للقشره المزمنه (طالعه على ابوي قشرة وراثيه):)
المهم انا ما اهتميت بالموضوع الا بعد وفاته جمعت اغراضه ولقيت منهاهالشامبو
وقلت يا بنت استخدميه لشعرك يمكن القشره تروح ماتدرين
وبالفعل يا بنات استخدمته
وووواااااااااااااووو
رهيب
في خلال اسبوعين استخدمته 3 مرات بس الشعر صار نظيييف بقووه
لا قشرة ولا غيره
بس هالشامبو انصح البنات ما يستخدمونه كثير ولا باستمرار
لأنه مثل ما انتوا عارفين الشامبوهات حقت القشرة تخلي الشعر فاقد اللمعان وباهت
استخدميه كأنه علاج واتركيه اذا منتي في حاجته وارجعي للشمبو اللي تستخدمينه
وعلى فكره ترى ريحته مو زينه( قطران الخشب ) بس تحمليه وقت مايكون في شعرك بس
وان شاء الله ما يكون فيه ريحه بعد ماتغسلينه ولا تنسين حطي بلسم بعده كالعاده (يلطف الجو):42:
اسم الشامبو
فونجيتار
تلقينه عند صيدليات النهدي بالسعوديه
وقيمته بـ45 ريال
وهذي صورته
يابنات الله يسعدكم اللي تقرا موضوعي ويعجبها او استخدمت هالشامبو ونفعها
تدعي للي دلني ودلكم عليه (ابوي) ان الله يفتح له ابواب جنانه ويغفر له واموات المسلمين
امين
تحياااتي
الأمـــيرة ريـــما
ويرحم الوالد ويسكنة فسيح جنااااااااتة