أنوار بدر @anoar_bdr
محررة فضية
ذبحتني الجرثومة بنات تكفون مين عندها حل/ قديم
السلام عليكم بنات حوا أنا كتبت موضوع قبل عن الجرثومة والحسد بس الحين تعبانة من ها الجرثومة ولاحصلت لها علاج ولا أدري هي حسد ولا شو بس هلكتني دوار ودوخه ومرات ماأشوف زين ومرات أشوف ضباب وحرقة في جسمي وضيقة وكتمة قوية وما أطيق أطلع من البيت أبد ونفخة شديدة في البطن وغازات متجمعة المشكلة ان زوجي نفس الأعراض ونفس الوقت نتعب والغريب اننا يزيد تعبنا في الاجازات ويبدأمن الخميس ويبدأ يخف السبت وفي الأعياد والمناسبات ومانتهنى الاجازة أبد يابنات منو لقت علاج للجرثومة تسوي فيني خير تراني جربت الزنجيل والنانخة والعسل وحبة البركة والثوم تعبني هيج القولون وجربت قشر الرمان والخل وماتحسنت نفس المستوى وانا ماشية على قراءة البقرة يوميا أتمنى تتفاعلون مع موضوعي لأني ماشاركت بالمواضيع الا بعد ماهلكت منها ودايما أصبر نفسي وأقول بكرةأخف وأنتبه لزوجي وعيالي بس الحمدلله على كل حال أحس اني ضايعة كأني بحلم بس اقاوم التعب ووقت الدورة يزيد أضعاف واجلس أعد الأيام متى تخلص انا شخصيتي كانت حبوبة وخفيفة وانط والعب والكل يحسدني على جسمي اني ماأسمن مع اني نحيفة والحين كله في ضيقة وكربة وثقيلة اسحب نفسي وانا امشي معليش طولت عليكم لأن اعراضي كثيرة بس حاولت أختصر وشكرا لكل الأخوات
7
7K
هذا الموضوع مغلق.
hhh12
•
اربع كاسات ماي علي الريق ساعه بدون اكل ملعقه عسل وكاس ماي دافي. ونص ساعه بدون اكل. ملعقه عسل وثومه مقطعه قطع صغيره مره تبلع مع ماي. ونص ساعه بدون اكل ثم يشرب منقوع المستكه تنقعين ملعقه مستكه علي ماي ماي ساخن . ونص ساعه بعدين فطور خلال شهر بتتعافين بأذن الله. خلال للشعر ماتاكلين مقلي ولا سكر. ولا معجنات لان هذي الاشيا ترجعها
بعد شهر خللك علي الماي وعسل مع ماي ومستكه. وتركي القلي تماما والمعجنات وخففي السكر. بحول الله ماترجع وتتعافين
بعد شهر خللك علي الماي وعسل مع ماي ومستكه. وتركي القلي تماما والمعجنات وخففي السكر. بحول الله ماترجع وتتعافين
hhh12 :
اربع كاسات ماي علي الريق ساعه بدون اكل ملعقه عسل وكاس ماي دافي. ونص ساعه بدون اكل. ملعقه عسل وثومه مقطعه قطع صغيره مره تبلع مع ماي. ونص ساعه بدون اكل ثم يشرب منقوع المستكه تنقعين ملعقه مستكه علي ماي ماي ساخن . ونص ساعه بعدين فطور خلال شهر بتتعافين بأذن الله. خلال للشعر ماتاكلين مقلي ولا سكر. ولا معجنات لان هذي الاشيا ترجعها بعد شهر خللك علي الماي وعسل مع ماي ومستكه. وتركي القلي تماما والمعجنات وخففي السكر. بحول الله ماترجع وتتعافيناربع كاسات ماي علي الريق ساعه بدون اكل ملعقه عسل وكاس ماي دافي. ونص ساعه بدون اكل. ملعقه عسل...
سوي حميه يعني ابتعدي عن المعجنات واللحوم وأي شي ثقيل خليك علا الرز مرق الخضار سلطه أجبان قليله للدسم عصير جوافه شاي اخضر واشربي حلتيته علا الريق لمده ثلاثه ايام نقعيها من الليل في مويه دافيه وغطيها وفي الصباح اشربي معلقه كبيره لين تحسين معدتك نظفت ابدي كلي علا شوي واشربي يانسون وكراويه يهضم و****الله قدامك العافية
مشكورات خواتي اللي ردن انا آخذ عسل مع حبة بركة وشمر على الريق مع كوب ماي دافي واشرب ينسون مع بابونج في اليوم وانا كتبت ان الثوم ريحني شوي بس عقب ماتحملته هيج لي القولون الحلتيتة خذتها من زمان وماكنت أعرف ان عندي جرثومة وان شاء الله بارجع اجربها زوجي جربها ومااستفاد يمكن مااخف عشاني ماأسوي حمية اكل لحم ودجاج ورز وبيض بس اذا ماكليت زين اهفت واتعب ويصير مهدود حيلي مع اني اخذ فيتامينات اليوم طلعت وتعبت ماادري ليش والمشكلة أبرد وايد كأني بعز الشتا ويصير جسمي بارد الحين الأعراض تختلف عن بداية التعب كل مرة تتبدل اكثر شي اتعب من الوضوء ودخول الحمام والخروج من البيت بدخل الحلتيت ان شاء الله في العلاج وان شاء الله فيه الشفا المشكلة النفسية رايحة والأيام ضايعة وماأنتبه لزوجي وعيالي
والأختh انا جربت الماي على الريق 4جلاسات لفترة ووشوي تحسن بس اي شي اخذه يعطي مفعول بسيط وبعدين كأن يستوي عليه مناعة ماينفع انا ان شاءالله امشي على نصايحكم والله الشافي وشكرا لتفاعلكم ان شاء الله في ميزان حسناتكم
والأختh انا جربت الماي على الريق 4جلاسات لفترة ووشوي تحسن بس اي شي اخذه يعطي مفعول بسيط وبعدين كأن يستوي عليه مناعة ماينفع انا ان شاءالله امشي على نصايحكم والله الشافي وشكرا لتفاعلكم ان شاء الله في ميزان حسناتكم
مرحبا مرحبا مرة ثاثية انا ليوم خذيت الحلتيتة مثل ماقالت ام عبد العزيز جزاها الله خير بصراحة كنت مترددة لأن أوسوس انها بتضرني مع ان الوالد الله يرحمه كان يشربه شرب كأنها عصير خخخخخ المهم انا بلعتها حبة لأن قريت في منتدى انها يمكن تنخر او تذوب الأسنان المهم اول شي حسيت بضيقة وكربة وندمت وقلت ياليت مابلعتها وسوت لي دوخة وكتمة وهذا أصلا يصيرلي لما أبي الحمام وانتو بكرامة ما كملت 5 دقائق الا أركض للحمام وماشي نفس بس عقبها هديت شوي شوي بس احس اني اهدأ من أي يوم لحد الآن كأن في تغيير وان شاء الله يكون فيها علاج وان شاء الله راح اكتب التطورات وشكرا لكل من ردت وان شاء الله الأخوات غيري يستفيدون
الصفحة الأخيرة
حطي بزبادي
دعواتك لي