ذبحتني الغيره من خواتي

السلام عليكم ورحمة الله وبركاته

بتكلم عن معاناتي اول شيء انا عمري 21 داخله ل 22 وعندي ٣ خوات كبار وثنتين صغار خواتي الثلاثه كبار قمة في الجمال طبعا وانا جمالي عادي بنسبه لهم تقريبا مواصفاتي طويله ولوني حنطي وملامح وجهي عاديه ومو ملفته شعري ناعم بس جاف ومو ذاك الكثافه لاكن خواتي ملامحهم جميله خشوم سله سيف وعيون وسيعه وانا مافيني هالملامح الجميله الي يملكونها طبعا بدت غيرتي فيهم من عمري ١٩ بس الحين زادت بكثيييييير والسبب وين مااروح القا الناس يخقون عليهم وانا اتقطع من داخل والي قاهرني انهم خواتي من لحمي ودمي يعني وش احسن مني هم فيه عشان يصيرون اجمل مني بكثير يعني والله لو انهم مو خواتي كان ماهموني بس الي قاهرني زياده انهم خواتي يعني ليش ماصير نفسهم حلوه وغير هذا خلاص مليت والله لاشفتهم قدامي مثلا يتحلطمون يقولون وجهي طلعتله حبه ولا احس اني متنت ومن هالكلام انا استاانس من كل قلبي اقول اشوا عشان يمكن ها يصير فيها شيء خايس وانا اغلب عليها مع انه ماظنتي الحلو حلو لو يلبس خيشه ووحده من خواتي حييل جميله لاجت مناسبه وشفتها تتمكيج وتكشخ قدامي اطالع فيها وانا مقهوره اقول بقلبي ناقصين بعد تتكشخ عشان تصك علي هي خلقه صاكه علي لدرجه انه مرات افكر شلون اذا سالتني عن شكلها شلون ارد عليها رد اخليها تتحطم بنفسها بس هي للأسف واثقه من جمالها وين ماتروح تلقى من يمدحها مرا كانت تضحك تقول يقولون كاني مغربيه عاد انا ماصدقت تجيب شيء عن شكلها عشان احطمها الا اقولها ترا الناس يجاملونك لاتصدقين نفسك كثير وقلت عاد من زين المغربيات ترا انتي عاديه وقعدت اطلع عيوبها وكذه بس هي ابد واثقه حيل من نفسها وحسيتها مو مقتنعه بكلامي لانه الواقع صدق جميله
ومرا صورتها بسناب وهي كاشخه وندمت يليتني ماصورتهاجتني مدايح لها بالهبل وحده منهم قالت اختك هذي صكت عليك جميله مشالله واول ماقريت هالكلام حسيت قلبي عورنيييي تمنيت اكون مكانها حتى الحين لاطلبت مني اصورها بسنابي احاول اصرفها لاني عارفه التعليقات الي بتجيني عليها وانا الي بموت والله حتى مااقولها اذا احد مدحها عندي اختي هذي بذات مسببتلي ازمه نفسيه ومرا بالعيد اختي الي اصغر مني نفس شيء مصوره اختي الكبيره ووحده من صديقاتها مدحتها الا تقول حق اختي الثانيا في وحده من صديقاتي مدحت اختي الا تقول اصلن احنا كلنا مدحتنا الا مها ( الي هي انا) وتقولها بضحكة انا من ذاك اليوم احس اني كرهت نفسي حتى صار مالي خلق اكمل عيدي والكلمه هذي للحين اتذكرها واثرت فيني واخر موقف اليوم كانت قاعدا قدامي وكاشخه وانا لا كنت اطالع فيها ولا شعوريا طلعت مني نظره غيره وهي شكلها حست بس افهمتها اني استنقدها لانها كانت تسولف ويوم جاء الليل الا تقولي انتي شفيك عطيتني خزه غريبه عالقهوه ليش سالفتي فيها شيء غلط ؟ الا اقولها لا شدخل اخز فيك كنت سرحانه بشيء والواقع شيء ثاني

المهم مابغا اطول عليهم وفي مواقف وكلام صارتلي ماكتبتها لكم هذي نبذه بس والخافي اعظم بس ماقول الا الله يصبرني حتى اختي الكبيره كرهتها وحقدت عليها بدون سبب مع انها طيبه وحبوبه معاي بس من اتذكر المواقف لا اراديا اكرهه

مع السلامة