ذبحتني الوحدة..!!!

حبيت أستشيركم بمشكلتي


زوجي يتأخر في الدوام إلى الساعه 9 - 10 أو أكثر وسفره كثير و أنا أكون هذا الموقت في شقتي لحالي
المشكله هي إني ما أحس إنه يحس فيني و إني لوحدي مايفكر يرفع السماعه ويسأل أنا حيه ولا ميته و ممكن يكون طلع من الدوام ورايح يخلص أشغال يعني عنده وقت فاضي ولا يسأل إذا أنا ما كلمت هو مايكلم إلا ما ندر تحملت الشي هذا وسكت

ولو بيصير يوم يتأخر بالليل (مو شرط شغل) لو بتدري أمي بتخاف علي وتقلل وتحاول تسويلي أي شي وهو لو درى بكذا يعصب ويقول ما حد يخاف عليك غيري وأنا مني مضيع بيتي وبيسوي سالفه

يسافر من الفجر أو قبل ويرجع بنفس اليوم ولا يدري أحد

اليوم مسافر الفجر وأهلي مسافرين فما عندي أحد أروحله وقاعده لحالي بالشقه و كان قايلي بيرجع الساعه 5:30 جت 6 لاحس ولا خبر دقيت عليه قال أنا توي أخلص شغل ومارجعت و جوالي مافيه بطاريه وسكر

والحين 10:40 ولا سأل ولا أدري متى بيجي و هو متطمن للغايه لأن الي يخوفه هو إن أمي تدري وهذا الشي متأكد إنه ماراح يصير

أنا الحين قاعده ما أدري وش أسوي خاصه إني حامل وتعبانه ونفسيتي سيئه وش تشورون علي