ذبحتني كل يوم ترسل عيالها لبيتي لاحشمة ولا كرامة وبقوة عين كمان !!!!!

مرحبا خواتي ,, بغيت اشاوركم , انا ويا حرمة اخو زوجي في بيت واحد بس كل حد له ملحقه الخاص , عاد هي خلاص كاسبة اهل زوجي بطريقة جنونية ( طبعن لمصالح معينة مب لسواد عيونهم طبعن الكل يتكلم عن هالشي لاكن هم اهل زوجي مو حاسين لدرجة الناس صارت تقول انها مسوتلهم عمل أو سوا والعلم عند الله ) صاروا استغفرالله اشوي ويعبدونها من كثر جنون حبهم لها , طبعن انا مايهمني والحمدلله مب مأثر فيني , ومرح ادخل في التفاصيل لانه السالفه طويلة جدا , المهم احينة قامت ترسل عيالها يوميا لبيتي يلعبون ويزعجون الدنيا بحجة ماعندهم مكان يروحوله وأونه عيال عم , لاحشمة ولا كرامة ولاتهتم وعيالها قوتهم ويدخلون البيت مثل الحرامية من اي باب وبسرعه تلاقيهم في الصالة قاعدين , لا ومشغلتنهم جواسيس ومخابرات لمعرفة الأخبار والأسرار , طبعن لاتقولون ظلمتها ولا شيي لا والله بس من خلال خبرتي معها ومع اللي شفته منها هي وعيالها , المهم قولولي شو اسوي وياها , صارت لا تحشم ولا تقدر وتشوف اجباري اني استقبل عيالها لا ونلعبهم , لا وتدخل قوم عمتي يامرون عيالي هالشي ؟؟؟؟؟