المهم على ايش الضرب شي يستاهل او لا وهل هو ضرب خفيف ولا مؤلم لان الضرب مانقدر نخليه مررره وورد عن السنه اضربوهم لعشر :اتوقع ضربه خفيفه على اليد مثلاً ماراح تحطم الطفل اذا سوى حاجه غلط ومايكون هالشي بشكل يومي بس عشان نحسس الطفل انه اخطآ

أقولك فكرة ثانية..
جربي نظام المكافأة مو لولدك
لا
لك أنت... أيوه أنت إذا ما ضربت ولدك يوم كامل تكافئي نفسك بشي تحبينه.. واذا مديتي يدك عليه تحرمينها.. مثلا تمشية... زيارة.. لو حتى عشاء مطعم..
احرمي نفسك منه وتعذري باي عذر.. قدام زوجك او اهلك.. لكن في نفسك تعرفي سبب حرمان نفسك انه ضربت ولدك في هذا اليوم لاجل كذا تحرمي نفسك وتشعريها بشعور القهر الي يصير لهذا الصغير..
أحاكيك بجد..
والله يعيننا واياكم على الأمانة الي استرعانا الله إياهم..

إذا مالقي الحنان عندك وانتي أمه حيلاقيه عند مين ؟؟؟

اتق الله ، وراقبيه واشكريه على نعمة الضنا !!!

حسبتك أختي اللي منزلة الموضوع ويمكن هذا معرفها لأني ما اعرفه
تعرفين طلبت منها لاااااااااااااااااااااااااا تحمل إلا لمن تعيد النظر في طريقة تربيتها وتتثقف ،،

عمممممممممري ما شفتها تحضنه والشيء اللي عور لي قلبي لمن ألعب معاه وارفع يدي يغمض عينه ع باله بضربه يا قلبي أنا !!

اتقوا الله يا أمهااااااات

بس ودي اقولك شغله ان الطفل اذا ضربتيه انتي توجعينه وهو مايدري ليش صغير يستوعب انك ألمتيه ووجعتيه لكن وش السبب مايدري ارحمي قلة عقله وطفولته البريئة وتذكري انك أمه اذا انتي تضربينه وتوجعينه وش بقيتي للدنيا بعدين
عودي نفسك على الرحمة هذا ولدك لاتقسين قلبه عليك وتخلينه يكرهك بعدين انتي بتكونين ضعيفة يوم من الأيام وهو الي راح يقوم فيك اذا كان صالح

اتوقع عندك ضغوط من شغل البيت وزوجك وتحطين حرّتك فيه مسكين وماله ذنب

فرّغي ضغوطك باشياء ثانيه مثل مكالمه ولا كتابه ولا أكل و لا طلعه ....

ابحثي عن حلول لمشاكلك

تحاوري مع زوجك بخصوص ضغوطك و لابد يكون له جزء في تحمل مسؤلية ابنك .. مو كل اليوم يكون معاك .

تأكدي ان عواقب صراخك و ضربك ستظهر عليه عند دخوله المدرسه .

كثرة ضربك له ستزيده عنادا وعنفا وليس هدوءا

اكثري من الدعاء والاستغفار

الله يهديك ويهدي كل ام تسىء لابنائها