الله يعينك يافينوس

بس انتي لاتضايقين ووسعي خاطرك

والله ذكرتيني بقصة فاطمه الزهراء رضي الله عنها لما جاءت الى

الرسول عليه السلام تشتكي تعبها من عمل البيت وتطلب منه خادم

ولكن الرسول قال لها قولي سبحان الله والحمدلله ولااله الا الله

خير لكما من خادم

ما اذكر نص الحديث بالضبط
ولكن الله يسير امرك

الله يكون فى عونج حبيبتى فينوسة


ويتمم لأختج بخير ويرزقج الله الاجر على التعب والصيام

والحديث اللى عن فاطمة الزهراء انا ما اذكره زين


بس اهو لما اشتكت له انها تتعب من شغل البيت قالها

تقول الله عند النوم اكبر 34 مرة والحمد لله 33 مرة وسبحان الله 33 مرة

وموفقين ان شاء الله وانا بعد مرت على هالحالة بس بظروف تختلف ويمكن لو اقول لج تضحكين على


تصدقين انى وصل بى الحال الى انى اقعد لج اغسل المواعين من بعد الفطور يعنى قولى مثلا


ابتدى الساعة 7 واقعد اغسل اغسل اغسل الين الساعة 10 واحيانا ل 11 ما اكمل

الين تطلع روحى وهذا غير الوقفة العصر علشان تجهيز الفطور


وبعدها اروح احط خشتى على المنام ما ادرى باللى بالدنيا اشصاير فيها


لكن الحين الحمد لله استقليت بنفسى وصار الشغل اهون بكثيييييييييير


والله يهون علينا وعليج




:27:

امل20..... عمري امل تسلمين على هالكلام اللي صحاني شوي .. والله اني احتسب الاجر
بس تدري وش اكثر خلاني انهار انه مافيه احد يقدر ابد
لا زوج يقدر
وام تزعل
واخت تحطم
وبيت جايب الهم
وفوق كذا الكرم الحاتمي اللي عندنا كل يوم ضيوف

اخاف شوي ويجيني انهيار من الوضع .. وادعي ربي متى يخلص رمضان وانا ماكسبته لا بزينه ولا بالعباده

وماشاء الله عليك والله يقويك على الخير ويقوينا




اسم غريب ... مشكووووووره على النصيحه وفعلا ذكرتيني بهالقصه اللي نسيتها مع زحمه ايامي
راح ارجع للحديث واقول للدعاء
مره ثانيه شكرا :26:





الحب للحب......... هههههههه من جد ضحكتيني على هالسالفه اجل الحال من بعضه
انا غيرك اذا عزيمه كبيره .. تحزمت وقلبت القدر وقعدت عليه
ونزلت المواعين كلها بالارض .. واقعد اغسل باللي ( الهوز) لين اقضي
خخخخخخخخ والله حاله


البلا اني جايه من بيت اهلي مدلــله مدلعه
ماعمري سويت البيض
والقهوه مادري من ايش تتكون
الحين صرت حرررمه سنعه تطبخ وتغسل المواعين خخخخخخخخ

حكم القوي على الضعيف

ايه والله الحال من بعضه بس لا تحسبين ان هذى المواعين من العزومات


لالالالالالالالالالالالالالالا هذى من يوم عادى وكل يوم فى رمضان جذيه

واذا بعد فى عزومة اضعاف مضاعفة حتى المواعين اللى بالمخزن يطلعوهم

بس الحين الوضع احسن قاموا يستخدموا الصحون السفرى

والباديات والطبخ اذا شوى فى الفرن يستخدموا القصدير


والحمد لله ما شى الحال


بس اذا قررت انى أأدبهم اترك الجمل بما حمل قبل الفطور واقب


وانا بعد ترى مدللة فى بيت اهلى نفس حالتج بس هذا مصير اللى ترضى تتزوج


يعنى هذى الضريبة ولعلمج انى انا تزوجت وعمرى 15 ونص ومااعرف اقلى بيض

اقليه بدون زيت والبيض المسلوق ما اعرف اسويه بس الحين تعالى وشوفينى


انا صحيح اخذ الطبخة من المنتدى بس ما اتقيد باللى فيها لازم احط لمساتى الخاصة


والكل يعجبه


يعنى الزمن خلانا نصير سنع غصبن عنا


:27: :24:

يوووه عاد الحب للحب 15 سنه والله صغيره ... والحين انا اللي ماغير ناشبه بحلق اهلي مزوجيني صغيره مزوجيني صغيره .. طلعتي اصغر مني خخخخخخخ





والله تعبت من هالرجال من تبي تبادلني فيه

امس اخوه يكلمه ويقول الفطور بكره عندي .. يقول لا حلفت الا عندددددددددددي
حلف الشيخ وقضى

طارت بوهتي عليه خير ان شاء الله .. اقل شي حط عندي خبر انك ناوي تعزم

الله يعيني :06:

والله يسامحك ياحاتم الطائي :06::06: