ذبحني التفكير ابي مشورتكم يالغاليات

السلام عليكم
مساء الخيرات
***
ابي مشورتكم يالغاليات
انا بكرية في الشهر التاسع
في الاسبوع 37
ووضع الجنين مقعدي
قالت لي الدكتوره بصبر لك الى الاسبوع الجاي (الاسبوع 38)
اذا ماتعدل وضعه بنحدد لك عملية
بصراحه ضاق صدري ماتوقعت ان الموضوع بيوصل العملية
خصوصا ان طاري العملية يخوف :06:
قلت لها ينفع اشرب خروع او قرفه قالت هذي الاشياء ممكن تجيب لك انقباضات ومايصلح تجيك والجنين بهالوضع
قلت له طيب ليه ماتصبرين علي الى الاسبوع الاربعين
قالت ماينفع يجيك طلق لانه ممكن ينزل الحبل السري اول وهذا خطر ع الجنين
وقالت غالبا اذا مانزل راس الجنين من بدري معناه ان عندك مشكلة في الحوض خصوصا انك بكرية فاحتمال نزول الراس ضعيف
الدكتوره اثق فيها واستشارية شاطره
بس انا خايفة ومترددة ومحتاره
ماابي اعترض ولا ابي استعجل ولا ابي اعرض نفسي وجنيني للخطر
فهل الدكتوره مستعجلة علي!!!
وهل بهالفترة الحرجة هذي ممكن ينزل الراس!
شوروا علي الله يفرج عليكم