ذبحني الحزن والكل يبيني بس أضحكهم....وش أرد عليها؟؟

اذاناويه على شي استخيري وقوليه .... بس لاتصيرين مبهمه ولا متصدده والناس ماتعرف وش سالفتك
ياعمري والله حاسه فيك ربي يفرج لك

حبيبتي موب زين تبينين للناس انك تبين عيال بس لاحول ولاقوة.. زين من اهل زوجك يكلمونك ويسولفون معك عايدي.. والله يافيه ناس انا اعرفهم وحده لها 20 سنه ماحملت وتزوج عليها زوجها عشان يبي عيال وجاب من مرته الثانيه ولد وفرح فيه ومن ذا الكلام وكان يجيب ولده عند مرته الاولى وكانت تطيييييييير به فرحانه بعد فتره صارت الزوجه الثانيه تخاف على ولدها من زوجته الاولى..

وثانيه بعد ماتجيب عيال تخيلوا اذا فيه جمعه مع اهل زوجها تروح تلعب مع العيال وتحبهم كلن يجي يشيل عياله منها يخافون على عيالهم منها...

انا اقولك لاتبينين وش فيك.. ادعي ربك ماراح احد يفيدك ويخليك تحملين غيره باذنه سبحانه.. واذا انت بالرياض بدلك على دكتوره باذن الله من بعد الله تحملين باذن الله باذن الله.. وحده لها 7 سنين متزوجه وماجابت عيال.. كان عندها هرمون الحليب مرتفع .. راحت عند هالدكتوره وقالت لها استخدمي هالدوا لمدة ثلاث شهر وان شاء الله تحملين وسبحان الله حملت وجابت عيالها...

والافضل الافضل انك تتصدقين تصدقي وادعي ربك انه يرزقك بالحمل بالوقت المناسب لك انت وزوجك واكتب لك الخيره فيه ولايخيرك... صدقيني وخليك واثقه اذا مو هالشهر الشهر الجاي اذا مو شهرين ثلاث .. لاتخيبين ظنك بربك باذن الله تحملين الله قادر على كل شي فكري زين...

وكلي امرك لله حبيبتي ولا تشكين لأحد غيره وربي يرزقك على قد نيتك اما اللي حولك مالهم ذنب تعامليهم كذا اذا ما كنتي قادره تخبي مشاعرك عنهم فلا بد راح يعرفو السبب
موفقه

قولى لاخت زوجك لا بالعكس ما ني زعلانة منك وما شفت منك الا كل خير بس انا تعبااانة ومعلش ما قدرت ارد عليك وقتها
والمكان اللى بيتعب نفسيتك ابعدي عنه

قسم بالله ان عندي عيال مكرهيني بعمري وامشي اكلم نفسي بسببهم

واني اتمنى اني ماجبت عيال الله لايواخذني

انهم يجيبون الهم والمرض والمشاكل

وقبل سنه سويت عملية فتاق وكان بسبب الحمل وتحملت الفتاق 13 سنه قلت لنفسي لاخلصت من الحمل بسويه

وسويته وماكملت سنه الا هوراجع بسببهم من العصبيه والمشاكل بينهم يوم افكهم من بعض

والله الذريه فتنه اذا مالله اصلحهم
غير احساسك بالذنب اذا ماصلوبالمسجد او ماذاكرو وكل مصيبه في راسي

والخوف عليهم من الحوادث والامراض والبلاوي

شي يشيب بالراس

لهم حسنات لكن مضرتهم اكثر من نفعهم

لاتحزنين على عدم الحمل

الله يعلم الخيره لنا وكلي امرك الى الله
وانبسطي بحياتك دامك حره ماعندك غثا ولاهم ولا مشاكل