كوبونات الراقية تسجيل الدخول

ام تركي فديتوه انا

ذبحني الشك والغيره........ رجيتكم سااااااااااعدوني

الأسرة والمجتمع •

بسم الله الرحمن الرحيم
الى اخواتي الغاليات انا جديده ع المنتدى بس كنت دايما ادخل اقرا واطلع ليمن تحمست وسجلت
وكلي طمع فيكم بعد الله انكم تسااااااااااااااعدوني
وارجوكم تدلوني ع حل لمشكلتي
انا متزوجه صار لي سنه وثلاث شهور احب زوجي والحمدلله اهو بعد وحياتنا كانت حلوه تملكت 9 شهور وهي السبب في حبنا بدا معي مرض الغيره بسبب احداث كثيره حصلت لي
نبداهااا
وانا متملكه وصلتني رساله بعد شهرين من ملكتي من وحده راسلتلي رقم زوجي وتقول تراه مايحبك وهو يكلم غيرك عشر وكلمته ونكر وقال عذال وحساد وبعدها من ارجع ادق ع الرقم ماترد علي
المهم الي شككني انها ماقالت خطيبك قالت الي يكلمك يعني ماتدري اني زوجته انا واختي فسرناها انها طلعت مع زوجي وشافت في جواله توام روحي وفكرتني خويه مثلها وبخرب عليها؟ هاذا كان احتمال
وبعدها نسيت وتزوجنا وسافرنا شهر عسل والحمدلله كان من اجمل ايام حياتي حبني زود وحبيته ازود
رجعنا وبعد شهر ونص افتح الاب ولقيت له محادثات مع وحده كثييره ومن بين احد محادثاته تقوله يحضها بتنام ف حضنك قال عاد سنه الحياة وبعد قريت له حلف يقول ورب الكعبه احبك مووووت نفس الكلمه الي كان يقولها لي <صدمه صدمه صدمه بشكل ماتتوقعونه> صرت ابكي واقوله ودني عند اهلي قال هاذي محادثات اخوي كان يدخل بسمي وبمعلوماتي مااقتنعت لانه كذب كاتب اسمه ووظيفته ومعلومات عنه واسمي وانه تملك واشياااا كثيره كان يتالم وما كان ينام ويقوم ويقول انا مقدر اعيش بدونك المهم كنت في ذااك الوقت حامل ومو دريانه واثر علي الوحم المهم مات ولد اخوه وماقدرت اتركه وهو محتاجني جنبه في محنته واسبب له مشكله ع تعب نفسيته سكت وظليت بجنبه في محنته وبعدها مرت ايام ونزلت انا وهو السوق جاه اتصال من وحده قال هلا بوعبدالله انا مع العيال ومتى غيرت شريحتك زين كان مرررررررررررره متوتر ومعرق وخايف انا رحمته حسيته مايبي بس غصب عنه وسكت ومشيت هو عرف اني عرفت يوم رجعنا البيت قالي ترا الي دقت علي خويت اخوي تسال عليه ماصدقت لانه مبرر فااااشل وبعدها بيوم لقيته راسل لنفس الرقم مسج يقول لاتدقين ع هذا الرقم ليمن ادق عليك من شريحتي الثانيه بالدوام وريته وبكيت والشهاده لله انه وقف معي برغم من انه
هو السبب ولقيت معه ترقيم في سيارته ورقت كمبيوترطابع عليها رقمه بخط العريض وسالته قال احطه ع سيارتي عند مواقف الدوام عشان اذا وقفتي مخربه ع احد يتصل علي ما اقتعت بس حاولت اعديها
وبعده لقيت بطاقة شريحه ومكتوب عليها رقم اتصلت ع الرقم والصدمه الي هزتني رد علي ويوم سمعت صوته سكرت ماقدرت اتكلم اربط الساني قعدت اشوي ودقيت رد وقال الو سم من معي قلت انا ي.................... سكر بوجهي
ضليت ادق ومحد يرد رجع من الدوام وسوا نفسه مايعرف شي عن الموضوع قال وش فيك زعلانه من زعلك قلت تسوي روحك ماتدري ليش تقفل بوجهي قام يحلف انه مايدري عن شي ولا عنده شريحه ثانيه والله يابنات انه اهو الي رد علي في حياتي واغلا ما املك انه اهو الي كلمني زادت بعدها مشاكلنا لدرجه انه كلم اخوي وقال انها ذبحتني بالغيره والشك وانا مابي اخسرها لان لو ظلينا كذا بنخسر بعض واقنع اخوي بس للاسف مافادوالله يابنات مو بيدي كل شي دار حولي كل شي شافته عيني وسمعته اذني ماقدرت انسا او اتناسا
ولدت وجات امي ووصل لها كل مشاكلنا وصدقته امي هو عنده اسلوب يقنع ومايعطيني فرصه افضفض يقفل كل المحاور قدامي
يخلي الكلام الي اقوله لاهلي سخيف بنظرهم
غصبني ارجع مع امي ورحت اهملني قام مايدق علي لين ماادق عليه ويكلمني وهو مستعجل ويقول هام الفاتوره بس اهو مو كذا كان يكلمني بالساعات صار
يسكر بوجهي اذا قمت ابكي واصارخ تعبني زود ودهور حالتي
رجعت وهو ماعاد طايقني ولا يتحملني صار كل كلامنا طلاق صار ملازمه صداع وانا تعبت صرت مهزوزه صرت مو طبعيه الدمعه والله ماتفارقني تغير وتغيرت
الي ذابحني اني احبه وهو بعد طيب معي وحنون ومدلعني بس صارت حياتنا جحيم ماصرنا نتحمل بعض والله تعبت تعبت دخيلكم قولولي وشو الحل كيف انسى؟ كيف اسامحه؟ من الغلطان؟ من الي معه الحق؟ وش فيني عشان يخوني؟ وش مقصره معاه فيه عشان يدور وراي؟ الف سوال يدور براسي كل يوم ادور له جواب انا مامدح نفس ولا اقول كامله بس حلوه من فتره سالوني ثنتين انا متزوجه ولا لا والله اهتم في كل مناسباته كل مره اسويله مفاجاه برغم نفسيتي المتدهوره والله يابنات اظغط ع روحي عشان اسعده احسه يحبني وصابر علي بس ليش يخوني صرت مهزوزه مهزوزه محطمه من جواتي
كل شي صار اسود بحياتي اهملت نفسي ماصرت احط شي بجسمي ماصرت استشور شعري بس اذا بطلع اغطي معاناتي بكشختي وانا من جو ميته انا ملكت وانا 18 كنت مرجووووووووجه وداجه وهو حب اهبالي وضحكي كنت بس ادور للفله بس عمري ماسويت شي غلط عشان اقول هذا جزاتي من الله
بنات انا عمري عشرين لسى صغيره ابي اعيش ابي رجع زي اول الله لايحرمك الجنه تسااااااااااااعدوني
كيف الملم نفسي وادفن اوجاعي وارجع ال فلاويه رجيتكم انكم تنظرون لحالتي وتساعدوني في محنتي
69
24K

يلزم عليك تسجيل الدخول أولًا لكتابة تعليق.

تسجيل دخول

ام العنابر
ام العنابر •
الله يفرج همك ويهديه زوجك

اكثر المشاكل من هذه االنوعيه
ليتني تميت طفله
ليتني تميت طفله •
ياعمري انا والله مدري وش اكتب لك بس دااااايم ادعي اللهم استودعتك زوجي وقلبه وعقله فاحفظه عندك يارب يسخره لك
اليدي من الخبر
اليدي من الخبر •
حبيبتي ! من جد تألمت يوم قريت كلامك وتاثرت كثير الخيانة شينة مررة ! وتحرق القلب والاعصاب ! قلبي واضح انه زوجك تعود على مكالمات البنات ! والعب باعراض الناس بس مو هذا مشكلتنا مشكلتنا اهي انتي ! ليش تتعبين روحك وتحرقينها كذا ! بكرة لين صار فيكي شي ترى محد بينفعك والي تغارين عليه وتعبانة عشانه هو اول من يتخلى عنك ! اصبري وصابري وخليك قوية ! وادعي ان الله يهديه ويفكه من هالمرض واقول مرض لانه الواحد لين تعلم يكلم فلانة وعلانة مو شي سهل انه يترك هالشي ! حزنك وبكائك ولعبك باعصابك له نتائجة خطيرة راح تعود عليك انتي ! يعني انتي اللي راحين تخسرين مو هو ! ولا تنسين يا يا قلبي ترى الزوج والزوجة مهما كانت علاقتهم قوية او حلوة الي جمعتهم ورقة واللي تفرقهم هم كلمة تكرر ثلاثة مرات وورقة ! يعني يا بعدي لا تخسرين نفسك عشان انسان متعود على الخراب خليك هادية وواثقة من ذاتك ومن نفسك واعرفي انك ماخطيتي بشي وانه اللي يسويه عيب وغلط بحق نفسه هو لانه الله معطيه الحلال وتاركه ورايح للحرام يعني الرجال في غفلة فادعي له ! واضح انه انسان اناني ! ومايفكر الا في وناسته بس وش تسوين هذا نصيبك يا تصبرين وتدعين الله يا تاخذين قرار قوية وهو انك تتركينه بس بعدما تجمعين دلائل تثبت ادانته وانه يخونك وانه مو كفو ! على قولتك زوجك يقنع الاخرين بابرائته واولهم اهلك يعني يا عمري شخص متمرس ومن زمان في هالمجال مجال تغزل والتلفون ! يمكن من عهد البيجر بعد ! ! المهم خليك قوية واعتصمي باحبل الله واكثري من الاستغقار واهم شي اترك عنك الغيرة خلاص مو عشان شي بس عشان مايستاهل انك تحرقين اعصابك عليه ارجعي مثل اول فلاوية على قولتك وحبي حالك واكشخي وخليك دلوعة ! واهتمي بحالك وذكري بانه الي يلعب باعراض الناس الله يسلط عليه من يلعب بعرضه كمان ! الزنا دين وكما تدين تدان ودنيا ايام !
استغفر الله العظيم ! عزيزتي مابي اكثر عليك من الكلام بس خليني اقولك قاعدة !!

الرجال اللي متعود يكلم بنات ! مايثق بالبنات هذولا ولا يفكر ابد يتزوج وحدة منهم و اول شخص يستحقره هي البنت اللي تكلمه يعني يشوفك انتي ملكة عليهم مهما كان عددهم بس سوات شيطان ! فاخليك يروح ويجي بالاخير ماله الاعشه ! اللي هي انتي ! يعني لا تشيلين هم ! واكتشفي وش يحب زوجك وسوي له في البيت من سوالف من قاعدات ! من اكلات من جو هادئ لا تخلينه يركض من البيت ومنك ويروح للعالم الضالة هذي الله يهديهن ويهدينا !
سلام عليكم !

خليكي مثل الاعمى اللي مايشوف اخطائه اصبري وربي بيرزقك على قد صبرك :35:
كابتشينوا
كابتشينوا •
انا عجزت انصحك

يعني لو بقولك

زوجك خاين ومو زين ولا لازم تطلقي منه

طبعا كذا راح تهدمي حياتك وبيتك وذا شي مانبغاه

ولو بقولك زوجك طيب وانتي شكاكه اكون ماقريت الموضوع زين

لاكن اسمعيها مني كلمه

بماان ربك كتب لك ذا الزوج حاولي تتجاهلين هفواته

اذا شفتي منه غلط سوي نفسك ولا انتي داريه

اذا مسكتي عليه خيانه ابدا سوي نفسك ولا كانك مسكتي شي

وبالمقابل حاولي جهدك تقوي علاقتك معاه

حاولي ماتخليه يحتاج لاي شي ويدوروا عند وحده ثانيه

كوني له ام وحبيبه وعشيقه قبل ماتكونين زوجه

ويااختي بنصحك

لاتتعبي نفسك وادوري عليه الغلطه

دعي الخلق للخالق

استودعيه الله كل ماخرج

افرشي سجادك وادعي

والله والله ربي ماراح يسيبك

ياانه يصلحلك زوجك

ياانه يبدلك بخيرمنه

لاكن لا تهدمي بيتك

لاتهدمي بيتك
kdosha
kdosha •
نصيحتي لك
اقري قصص الدكتوره ناعمه الهاشمي ومحضراتها
لتعزيز الثقه بالنفس
انتي لساتك صغيييييييييررررره وصعب تعشين في وضع زي كذا حاولي تتخذين موقف يهزه بس بعد ماتخلينه يتعلق فيك من اول وجديد وهاذا بذكائك واتمنى محضرات الدكتوره تفيدك وقصصها اغلبها عن زي اللي حالتك تخلي ازواجهم يتعلقون فيهم ويموتون على تراب حريمهم



الله يسر امرك ويألف بين قلوبكم

ااااااااميييين