Kshmsh @kshmsh

عضوة نشيطة

ذبحني القولون العصبي يامن يعطيني دواء جذري له وله دعوه بظهر الغيب

السلام عليكم

بادخل دووووووووووووووغري بالموضوع

انا ياطويلات العمر اعاني من القولون من حوالي15 سنه:humm:

وكل مره يزييييييد

بالاول كان يؤلمني من الغازيات والقشطه

وبعدين صار المانجا والفراوله

وبعدين كل مره يزيد

مؤخرا صار من المقالي والبيض

الهيل يسببلي غازات فضيعه وجنبي يؤلمني

والزبادي كمان بالحمل يسببلي غازات لاتطاق وكل مشتقات الحليب

تصدقون اول ماتجيني حالة قلق بطني تمتلئ بشكل فضيع بالغازات

الحين هاليومين زايد علي اي شي فيه دهون او زيوت تسببلي اسهال بعد الاكل:06:

وهاليومين حرمت نفسي من الاكل عشانه والله

بس آكل صامولي حاف وموز وتفاح

اشوف الناس يأكلون مالذ وطاب وانا محرومه!!

انا ملاحظه ان اعراضه كل فتره تزيد

المهم

اي وحده تجيبلي دواء فعال راح ادعيلها بسجودي وكل ماتذكرتها

وانا ودي ادويه شعبيه مابي عقاقير

ملاحظه:انا ماكشفت ولا شي بس عارفه انه قولون كل الاعراض حقته فيني

ووحده اعرفها فيها اعراضي وحللت قالولها قولون

بالانتظار:biggrinlo

14K

يلزم عليك تسجيل الدخول أولًا لكتابة تعليق.

تسجيل دخول

ااالجوري3 • 11 سنة

سدومي ♡ :

لا يمكنك مشاهدة هذا التعليق لانتهاكه شروط الاستخدام.

نفس المشكله :06:

أم عيال حلوين • 11 سنة

فيه خلطة قرات عنها في تويتر

بدورها لج

لمسات شوب • 11 سنة

قشر الرمان انقعية في موية حارة واشربية على الريق بدون سكر هو مر ومزعج بس ممتاز

سوسو النماص • 11 سنة

أم عيال حلوين :

فيه خلطة قرات عنها في تويتر بدورها لج

فيه خلطة قرات عنها في تويتر بدورها لج

هلا بك حبيبتي وماتشوفين شر..

هذي الوصفه اخذتها من اليوتيوب للشيخ ناصر الرميح..مثل ماوصفها بالتمااام

اشتري ربع كيلو لكل من ( حلبه بلدي _ بذر كتان )

وخذي ملعقه متوسطه من الحلبه وملعقه متوسطه من بذر الكتان ( ملعقة الحلا ) للتوضيح
وحطيهم بعلبة عصير زجاج وصبي عليها ماء مغلي و رجي العلبه..بعدين اتركيها تتنقع
طبعا تسوينها المغرب وتشربينها بعد صلاة الفجر بالحثل اللي معاها..
تستمرين عليها ثلاث او اربع اسابيع..
مع انك تقللين من البقولات
وتشربين الماء بعد الاكل بساعتين
وتمشين ساعه يوميا..

وبإذن الله تطرد الغازات و ينتظم القولون

أنوار بدر • 11 سنة

أختي لالالالاتسوين غلطتي سنوات وانا عايشة في ألم وحرومة من الأكل على أساس طبيب من عشر سنوات قال لي قولون بدون ما يسوي تحاليل بس انا من كثر ما قريت في المنتديات شكيت وفحصت عن الجرثومة وفعلا طلع عندي جرثومة وهي تسبب قولون بعد نصيحة افحصي جرثومة واذا ما طلع بعدها قولي قولون انا كان الجنب اليسار دوم منتفخ وغازات ونفسية وماتوقعت جرثومة