ذبحني الكسل وش اسوي يا ناس

السلام عليكم بونيات

كيفكم

انا انسانه كسوله كسوله كسوله كل شي أأجله اشياء تافهه مره مايبي لها شي أأجلها تعبت والله تعبت
المشكله اني ادرس ووضعي تعبان المعدل كل ماله ينخفس لاني وبصراحه ما أذاكر الا قبل الامتحان بيوم .. يومين
قبل كم يوم اختبرت وكان حسابات وخربطة يعني يبي لها فهم كويس مره مره انا طبعن ماذاكرت الا الاشياء السهله لانو مايمديني اذاكر كل شي المهم دخلت الاختبار والا القى الاسئلة كللللللللها صعععععبه وماعرفت احل ولاااااااااااا شي ولا حرف حتى وسلمت ورقتي وكلها شخابيط وانا الحين مرررررره مقهورة ليه مابديت اذاكر بدري اصلن المادة مره صعبه حتى اللي يذاكرون ما يجيبون درجات كويسة :(:(:(

بصراحة تعبت من نفسي وتأجيلي واهمالي وكسلي تعبت كل مره اقول خلاص قررت اذاكر بجد ومن اول يوم ولا في فايده مره والحين عندي اختبار يوم الاربعاء وحطيت الكتاب في خشتي من يوم ماصحيت من النوم وللحين ماقريت فيه ولا كلمه كله اضيع وقتي واذا جا الاختبار ندمت اشد الندم :icon33:

وش اسوي بعمري؟؟