mento :

انا عم بجرب خلطه حكت عنها الأخت ام رائد حبوب هذا الأقتباس السلام عليكم ورحمة الله عزيزاتي المعصقلات انا كنت معصقلة ! كان وزني 50 وقولوا ماشاء الله زاد 7 كيلو وصرت 57 ولله الحمد وبقي 3 واوصل 60 وخلاص هذا اللي ابيه اخاف عاد ادور رجيمات واصير مع الدبيات . والسبب استخدمت خلطة صيدلية الخرج والكل سمع عنها واستخدمت 4 علب انا الآن بالعلبه الرابعه واستخدامه باليوم مرتين والحين انا استخدم العلبه الرابعه باليوم مره ويمكن اخذها يوم بعد يوم عشان احافظ على وزني وبعد كذا ببطلها مهب معقول بستمر عليها طول العمر! المهم هذا انتهى ومهب هذي الوصفه اللي انا بقولكم عليها ’ الوصفه انا من خلال بحثي ومعناتي مع النحف ومن كثر ما قريت في هذا المنتدى ومنتديات ثانيه وعشان احافظ على وزني جمعت لكم من هنا وهناك هذه الوصفة اللذيذه والمسمنه في نفس الوقت واغراضها موجوده في كل بيت وسهله وسريعه وش تبون اكثر من كذا ؟ . وجربتها انا مرتين وببدا فيها لاني بوقف علاج الصيدليه واخاف يرجع وزني لنحف وهذا ما ابيه لانه ما تخيلون الملابس صارت حلوه علي مرره ! اثرنا ضايعين يالنحيفات واللبس يطلع شين علينا مرره . واللي ما تسمن على هالوصفه لا تسميني ام رائد لآن ابو السعرات الحراريه مجتمعه فيها واي وحده عصقوله لاتدور غيرها وتحوس الدنيا تدور شي يسمنها لآن هذه الوصفه غير انها تسمن مشروب لذيييييييييذ مره زي قهوة الموكا - الكبتشينو اعتبريها مشروبك اليومي وادعيلي وتناسب الجميع لأن كثير من البنوتات الصغار مايبون اللي فيها حلب واللي ما تبي المكسرات واللي ما تبي الماش واللي تقول انا نفسي شينه ما اشرب كل شي المهم انا خليتها تناسب الجميع وتسمن في نفس الوقت بس في تحذير لسمينات لايقربونها لانهم بيحبونها وهي تسمن وبيدعون علي هههههههه بدل ما يدعون لي عشان كذا لايجربونها ويطيحون فيها خلوها من حضنا يالنحيفات ’ المهم انا عارفه اني طولت المقدمه عليكم وانكم متحمسين لها فهذي مقاديرها احفضوها زين وهي سهلة مررره 1 - كاس حليب اي نوع بالدنيا - ندك - المراعي - الصافي اللي تبين . 2 - ملعقتين كبيره حلاوة طحينيه اي نوع بمكسرات او بدون . 3 - ملعقتين كبيره طحينه سائله . 4 - ملعقتين كبيره شوكولاته نوتيلا . 5 - ملعقتين كبيره زبدة الفول السوداني . 6 - ملعقه كبيره عسل اسود اصلي وان لم يوجد اي عسل . 7 - ملعقه كبيره من قشطة المراعي - قشطة الخفق - دريم ويب ورقم 7 مهب ضروري اللي يبي يضيفه واللي ما يبي براحته انا ما حطيتها بالذمه يوم اشربه بس انا وضعتها يكون اسرع لسمنه لان فيها سعرات زياده هذه الاشياء السابقه تخلط كلها بالكاس الخلاط حتى تختلط ثم صبيها في كاس وتطلع مايله للون البني وفيها رغوه زي ما قلت لك كنها كبتشينو واشربيها في شفاط اطعم لك وهذا المقدار بيطلع لك كاس وزياده بعد الخلط . اشربي ياليوم من 1 او 2 او3 كاسات اللي تطيقين . ضروري ابدوفيها يابنات من بكرى اللي تبي تسمن جربو لمده اسبوع وعلموني بالنتيجه . اتعب وانا اقول لذيذه لذيذه لذيذه خيال طعمها ولا فيها شي ينكره او ما تقبله النفس شوفي انتي بنفسك المقادير وشي ؟ كلها الجميع يحبونها ! وما ابي منكم الا الدعاء لي بالتوفيق والشفاء العاجل وتحقيق كل ما اتمنى . والله يوفق الجميع يارب . انتظر الردود والنتائج ان شاء الله اختكم ام رائد . بديت فيها قبل فتره وحسيت انها فادتني بس انا ما عندي اراده استمر ........امشي يوم واقطع عشره

انا عم بجرب خلطه حكت عنها الأخت ام رائد حبوب هذا الأقتباس السلام عليكم ورحمة الله عزيزاتي...