ذبحني الوسواس

السالم عليكم ورحمة الله وبركاته

الله يعطيكم العافية ويقويكم ان شاء الله يا بناات

انا الصراحة جايتكم افضفض شوي وممكن الاقي عندكم حل لمشكلتي

انا يا جماعة الخير اللحين بثالث ثانوي <<< الله يعديها على خير ونجيب نسبة حلوة

بس مو هذا الموضوع المهم انا لما كنت باولى ثانوي الترم الثاني تحديدا ما ادري وش جاني صرت اول الفترة اعيد الصلاة اكثر من مررة يمكن مراات اعيدها 8 مرات مررة اقوول نسيت ركعة ومرة ما قريت الفاتحة ومرة ما سجدت ومرة ما سلٌمت ,, وعلى هالحالة بعديين صرت اشك بالطهارة اقول طلع معي (( الله يكرمكم )) غازات واعيد الوضوء وكل ما اجي اصلي يطلع معي غازات يعني الغازات مطلعة روحي احس انه كل مررة اصلي يطلع معي شي حتى مرات ما اكل اقول يمكن من الاكل تطلع معي غازات بس تطلع يعني مشكللة ولا وبعد صرت احس انه كل شي
حولي نجس يعني
جتني فترة ما المس احد احس اني نجسة وراح انجسهم او العكس

او اي شي .... اللحين كل يوم لما ارجع من المدرسة اتحمم بتقولون عادي لا انا احس انه نجاسة .... لا وازيدكم من الشعر بيت اللحين احس انه ينزل معي (( الله يكرمكم )) بول يعني اصير قاعدة عادي وبعدين فجاء ة احس حالي ابغا الحمام واحس نزل معي شي فاضطر اغير ملابسي والله انه اغير لبسي كذا مررة باليوم
يتقولون غيرري ينات مو دايم اكون بالبيت وصراحة شي يزهق
.... ولا الله يكرمكم اذا جيت ادخل الحمام اقعد 10 -20 دقيقة عشان اتاكد انه تنظفت وغالبا بعد كل حمام ادخل اتحمم ... والله انه ما ادري وش اسويي مرررة متبهذلة والله بالطلعات اشيل هم وعند الناس شايلة هم وطول ما انا قاعدة احس انه وراي صالة الله يعيني على الوضوء والحالة ... استغفر الله العظيم يعني ما ودي اكره الصلاة ما ابغاها تصير هم بالنسبة لي ... يعني صار لي سنة ونص على هالحالة يا بنااااات ما عاد اقدر اتحمل ..... الطلعات ما اقدر اطلع زي الناس العادية واصلي عادي لازم قبل كل صلاة ادخل الحمام يعني اشوف اللي حولي عادي ممكن
يصلون بالوضوء صلاتين او اكثر مو انا اتوضا كذا مرة عشان صلاة وحدة
وشايلة هم اللحين بالمدرسة كيف اصلي ما اشتهي الحمامات اصلا حتى لو دخلتها ابطلع وانا حايسة الدنيا واحس اني مو طاهرة وبعديين يبغالي 10 دقايق او 20 تصدقون مراات نص ساعة اواكثر واصلا فسحة الصلاة كلها 10 دقايق ... والله اني ما عدت طايقة نفسي ابببببد اببببببد احس اني ما ادري ايش بس تخيلوا اني كل يوم على هالحال من اقوم الى انام .. والله يا بناات شي يضيق الصدر والواحد مو دايم على كيفة يعني فرضا انا مسافرة او طالعة من الصبح الى الليل مثلا .. ما اقدر من جد ما اقدر اطلع طلعة طويلة واحاول اخلي طلعاتي بين الصلاوات عشان ارجع البييت واقعد ساعة على بال ما اصلي ... للامانة مو كل يوم على هالحال يعني مراات ربي يسهلها وعادي بس اصير طول الصلاة على اعصابي لا يطلع شي

هاذا اللي اللحين اقد اقووله ولو اقوول اللي بقلبي ما راح اقضي ولا بكرا

فاذا عندكم حل ولا مر عليكم احد زيي قولوا لي