ذبحني الوسواس تكفون ساعدوني الله لا يوريكم مكروه

السلام عليكم وذرحمة الله وبركاته

اخواتي،،

اخترت هذا القسم لموضوعي لاني شفت فيكم من الخير الكثير ما شاء الله

اتمنى تقرون الموضوع كامل

انا عندي مشكلة الوسواس بالموت وخوف من الموت في أي لحظه

بدى معي هذا الوسواس بعد وفاة اخوي بحادث الله يرحمه ويسكنه الجنة وجميع المسلمين ،، كنت اخاف من الموت واخاف على اهلي وكنت ما انام ولا ارتاح لما اشوف اخواني واهلي كلهم حولي وبمجرد مايطلع واحد منهم ويسهر برا والله ما كنت انام واستناه لما يرجع عشان اتطمن وانام

الحمدلله مع الوقت صرت الهّي نفسي واطلع من البيت كثير والحمدلله اختفى الوسواس تماما

مرت السنوات وتزوجت وعندي بنت ولله الحمد
في شهر محرم من هذي السنه حلمت حلم ومن وقتها وانا والله ما فارقني الحلم ،، خفت منه ورجع لي الوسواس مره ثانية بشكل اشد من قبل بأضعاف لي الحين 7 شهور اعاني منه ومحد يدري

صرت اخاف على اللي حولي مو على نفسي يعني افكر بزوجي اذا طلع و ما ارتاح لما تطمن عليه احيانا اخترع اي سالفه بس عشان اتطمن عليه
ونفس الشي بنتي واهلي كلهم والله مايفارقون بالي دقيقه وحده
اي احد لو يجيه صداع اقول اكيد بيموت :06::06::06:::

لدرجة اني قبل فترة كنت طالعه ومرة مبسوطة فجأه جاني الوسواس وقعدت اقول ليش الحين انا اركض ورا الدنيا وآخرتي بموت في اي لحظة ،، ليش انا استانس وفيه نفس تحت القبور ميتين ! تجيني افكار غريبه جدا تنكد علي حياتي
استغفر الله واتوب اليه ما ودي هالافكار تجيني لكن غصب علي ،،
تملّكني الوسواس بشكل رهيب ومرضت منه ونقص وزني وطاح شعري وذبل وجهي وجتني جرثومة المعده

عموما طولت عليكم ومهما تكلمت ما راح اوصل احساسي ،، اللي تعرف كيف اتعالج منه تقولي ربي يجزاها خير