ذبحها وتزوج عليها وهي عروس..تخيلوا وش صاار بعدين؟؟؟؟؟ابغى رايكم ضروري

السلام عليكم ورحمة الله وبركاته..اسعد الله اوقاتكم بكل خير يااحلى بنات في الدنيا..اليوم انا اضع بين ايديكم مشكلة اعز انسانه على قلبي طلبت مني المشوره والرأي وايمانا مني برأيكم السديد قررت اني استشيركم واتمنى كل وحده تكتب رأيها بصراحه وذمه وتتخيل نفسها مكان هالانسانه..

فتاة جمييييله ومن عائله محترمه تزوجت وعمرها14سنه تزوجت شاب عمره 24سنه وبعد الزواج بسنه واحده فقط تزوج عليها انسانه عااااديه واكبر منه بسنه كامله مع العلم انه كان يحب صديقتي ويعاملها معامله حلوه لكن عذره في الزواج انه يريد اطفال..تخيلوااااا يتزوج عليها وهي عروس عشان اطفاااال ..المهم عاشت معه عشر سنوات حملت جراحها في صدرها ورضت بقسمتها وكانت له خير الزوجه طبعا هو مع الايام كان يحبها ويتعلق فيها اكثر واكثر لكن تعرفون ظلم الجاره وظلم الزوج وتحيزه في بعض الاحيان..طبعا هو رزق باطفال من زوجته الثانيه لكن صديقتي ماكتب لها الله منه عيال رغم ان اكبر الدكاتره اكدوا انها سلييييييمه ..المهم المسكينه تحملت الظلم والقهر عشر سنوات انحرمت من احساس كل انثى لماتتملك زوجها وتحس انه لها لوحدها ماعاشت مثل كل البنات مع زوج كله لها وكلها له يروحون يجون يسافرون انحرمت من هذا كله بسبب زواجه عليها وتحججه بالزوجه الثانيه ومسؤلية الاطفال..وبعد 11سنه قررت (((((((الانفصااااااااااال))))))) لانها وعت على نفسها وحست انها جالسه تضحي عشان انسان ماراح اقول مايستاهل لكنه ما قدر تضحيتها وشافها حبيبه وتسكت له عن حقوقها فصار يتمادى ومايعطيها الا من الرخيص يعني كلام وبس....طلبت الطلاق واصررررت عليه لانها باختصار كرهت زوجها طبعا هورفض حاول انه يثنيهل عن قرارها ارسلها الواسطات وبكى قدام اهلها لكن خلاص للصبر آآآآآخر خلاص عافك الخاطر..كان جرحه اكبرمن انها تسامحه وترجع ولاتنسون انها سليمه ومن حقها تدور عيال من غيره مثل مادور من غيرها..
نجي للمهممممممممممممم..هي الان تطلقت وتوها طالعه من العده..((ركزوا معي هنا المهم))

تقدم لها الان شخص معاه شهاده ثانويه..مدير شركه كبيره ..راتبه17الف ..وضعه المادي ممتاز..زوجته متوفيه وعنده 3اولاد الكبيرلسا متخرج من الثانويه ومتوظف والوسط في المتوسط والصغير عند اهل امه الله يرحمها..يعني الرجال تقريبا عياله شايلين انفسهم..اهم شي من ناحية الصلاة والدخان ماشاء الله عليه نظيف وراعي صلاة وسمعته طيبه..

نجي للعمر وهنا المشكله..عمره(((((((((53)))))))))سنه وهي عمرها25سنه..وش رايكم يابنات توافق ولا لا هي مررره معجبتها مواصفاته بس خايفه من العمر..طبعا هي استخااارت ولجأت لربي لانه بيده كل شي سبحانه لكن ماخاب من استخار وما ندم من استشار..هي الان تبغى مشورتكم بذمه وامانه ولكم منا احلى دعوه بظهر الغيب..انتظر ردودكم لاعدمتكم..