انا بعد كذا ! الله يحفظ لي ولدي من كل سوء وين ما رحت خففي عليه الرضاعة

بس بصراحة اللي زاده انه بسم الله عليه شوي طويل و ما يعطونه عمره ابد

و صرت عند الناس ودي اطلع ارضعه برى و الله اخاف عليه الحلو ,...

بس يا بنات باستشيركم اخفف عليه الحليب زي ما قالت وحده من البنات

يعني بدل الاربع ملاعق احط ثنتين ؟

و الا اخليه لين يكبر و ينحف ؟

ياقلبي لاتخفيفين الحليب ترى يسبب له اسهال وحاولي تقرين علية ويابنات ترى العين حق ...والناس فعلا عيونه طاااااااااااايرة ..

الله يحفظها ويخليها لك الناس لابد تتكلم ماراح تسكت لو نحيفه
بيقولون حرام عليك وراك مجوعه بنتك ولو مليانه وحليوه بيقولون
بنتك مو طبيعيه ,بس انتي حصني بنتك واقري عليها وماعليك من كلام احد

يووووووه نفس حالتي بنتك تخنها مو طبيعي
مع ان وزنها عادي بس الناس مايعجبهم شئ

وانا بنتي نحيفه والكل يعلق مجوعتها تاكلين عنها تاكلين منها شكلك تنامين طول الوقت وماتدرين عنها ولاتوكلينها مع العلم ماعندي شغاله اصلاً عشان يقولون انام وماادري عنها!! ويراقبون كمية الاكل اللي احطها لها ويعلقون شوي شوي طيب انا احط كمية قد طفل مو ازيد وينكب لان حتى وهو شوي بنتي ماتاكل الا لقمتين ٣ طفشوني مرررره مع العلم انا فصغرتي زيها بالضبط وماشاءالله مع الوقت زانت صحتي.

وقريبتي عيالها سمان يقولون ماندري وش توكلهم بينفجرون!!!! ماشاءالله لاقوة الله بالله
يعني الناس معلقين معلقين الله لايعوق بشر ولايعجبهم العجب سمين والا نحيف ولا حتى عادي
بس جد هالطبع شين مره وش دخلهم في خلق الله مابقى الا يمشون معهم بميزان للاطفال!!
مع العلم مو كل تختخه تكون صحة.