اهلين يابنات وكل عام وانتن بخير مع انه متاخره مررررررره
وش اخباركم وش مسوين ___ ميانه شوي
انا بقول الي بقلبي ولا تزعلون
يابنات والله لنا سنين ماعرفنا شي اسمه يوم وطني واحتفااااال
ومدري وشو والله موب حاسده الناس الفرحه لكن لما تطلعين وتبين
تروحين لمستشفى لسوق تلقين ناس فاضيه رقص وهبال وتفحيط
انا عن نفسي اعتبر الاحتفال باليوم الوطني قمة التخلف والله
انا التوقيف في مراكز الشرطه يكون فل من هالمراهقين
والشرطه ياعمري مايصير عندهم يوم وطني يصير يوم
الملاحقه والقبض على الفئه المراهقه:angry2:
ويصير لهم تعب وحوسه:09: وهالشباب فاضي ماوراه الا المطامر بالشوارع
يابنات الاحتفال عندنا كما هو معرووووووووف احتفالين
عيدالفطر وعيد الاضحى:icon28: ___ اليوم الوطني داخل عرض مدري وش عنده
والله جد من متى نحتفل ابي افهم وصار اجازه ومدري وش
والله انا نحب الوطن بالقلب ويبقى بالقلب ليه اطلع بالشوارع
واصك نفسي بويه خضراء واعتق نفسي بالابيض:22:
يقالك وطنيه والله ماقلت هالكلام الا لما شفت وش يصير
بهاليوم من مغازلات حتى البنات صارن يطلعن يحتفلن بالشوارع قدام
الشباب والكل يعرف
هالشي:( خصوصا في المدن الكبيره
غير الاغاااااااني الي تصك اذنك صك لاخوف من الله
ولاحياء من خلقه
اي يوم وطني والناس تشتكي من المضايقات بالشوارع والحوسه الي تصير
والشرطه الله يعينهم بهاليوم
ياليت يلغون هاليوم حنا نحب السعوديه من ربي
خلقنا صغار ونفدا هالوطن بارواحنا مانحتاج يوم
وطني عشان نبين حبنا
والا بس السالفه تقليد اعـــمـــى للدول الغربيه؟؟؟؟
عموماااا اسفه طولت عليكم وهذا شي بقلبي ولازم اقوله
واتقبل كل الاراء سواء نقد اوغيره
وشاكره لكن قراءة مـــــوضــــوعي
مـــلاحــظـــه
للعضوات الغاليات على قلبي وردو علي قالو خليهم يستانسون
افهمو قصدي وربي ماحسدتهم الفرحه والونااااسه بس احتفالهم
شي غريب مغازل وتفحيط ورقص طيب فرحت وبعدين وش بيصير
يااحتفل بالمعقول والا اجلس في بيتك على فكره اغلب المحتفلين
فئه مراااااهــقه جداا وسببو للناس ازعاج كبير
غرووووب نجد @ghroooob_ngd
كبيرة محررات
يلزم عليك تسجيل الدخول أولًا لكتابة تعليق.
غرووووب نجد
•
اااااااب
وربي انك صادقه في كل كلمة قلتيها
حتى انا ما حبيت فكرة الاحتفال
مرة تفاااااااااهه
الله المستعان
حتى انا ما حبيت فكرة الاحتفال
مرة تفاااااااااهه
الله المستعان
ليش حبيبتي خلي الناس مبسوطه كلها يوم واحد خليهم يعبرون عن فرحتهم من كثر الاحتفالات عندنا
الصفحة الأخيرة