ذكاء بعض الحريم ودهائهن

اليوم عن موضوع مهم لكل انثى 0000 افتحوا عيونكم وطقطقوا اذانكم وركزوا معي

بعض الحريم شاقين بحياتهم ومتبهذلين مع رجالهم وهذا مو سبب الاهمال لا

لما الرجال يطالع برا مو معناه انو حرمته فيها عيب 00 لا والله 00 بس احيانا يكون بسبب براءه المراءه وسذاجتها وطيبتها وسوء تصرفها وتحكم العاطفه فيها وهذي حطوا تحتها طعش مليون خط


وماشاء الله على بعض الحريم عندهم ذكاء ودهاء خارق وعندهم قدره تحمل وحنكه وتخطيط 00 وهذا اللي نبيه

ماراح تفهمون الا اذا ذكرت لكم قصص 00 وبقولكم اول قصه

وحده من معارفي متزوجه وعايشه مستوره

كانت هذي البنت تعبانه من زوجها 00 مكالمات ومعاكسات وخرابيط وهي وساكته وصابره والغيره تاكل قلبها ومحد يلومها


لكنها ما تمادت وانفعلت وقامت تصايح وتصارخ 00لان هذا الاسلوب ينفر الزوج منها

بالعكس صبرت وقالت بكره يعقل بكره يعقل ومافيه منه فايده 00 الين جاء في يوم

وهي كانت حامل وتعبانه وفاض بها خلاص وصلت حدها لما شافت زوجها تاركها وقاعد يلبس ويتكشخ

قالت له وين على الله ؟؟ قال معزوم 00 وهو طبعا يكذب رايح يقابل وحده لانها شافت المسج وهو يتحمم

المهم قالت طيب اجل ودني لهلي على دربك لاني تعبانه واذا خلصت من عزيمتك تعال خذني

المهم وتطلع البنت بعبايتها وماخذت من اغراضها شي وفعلا دخلت بيت اهلها ودعت زوجها بأبتسامه عريضه وهي ناويته له نيه

المهم راح الزوج وقابل خويته ولما رجع ياخذ زوجته 00000





كانت المفاجأه

دخل الزوج كالعاده بيت اهل الزوجه عشان ياخذ زوجته ويروح بيته لكن هذي المره حصل اللي ماكان على البال ولا عالخاطر

رفضت الزوجه انها ترجع مع زوجها 00 حاول الزوج بكل الطرق لكن مافيه فايده
طبعا الزوجه مافضحت زوجها وخبت الموضوع لكنها رفضت ترجع معاه ورفضت تكلمه ولا تشوفه

وقفلت جوالها وطنشته 00 والزوج المسكين كل يوم يجي يبي ياخذ زوجته لكن بدون فايده

لا تطلع له ولا تكلمه وترد عليه ولا اي شي
الرجال مسكين بغى ينجن يقول شفيها بين يوم وليله انقلبت وماعاد تبيني
واستمر الحال 5 شهور وهي لاترد ولا تتصل ولا تقابله
وحتي يوم ولدت 00 ما علمته بولادتها 00لكنه عرف من الناس 00 ولما جاء يسلم عليها

طنشته وماطلعت له وارسلت له بنته يسلم عليها من الباب وعلى ذا الحال
لين خضع الزوج وطاح عند رجولها يبكي ويترجاها تقوله السبب او حتى ترد عليه

وبعد سنه من محاولات الزوج 00قالت له الزوجه انت كنت تحسبني غبيه وتستذكي علي
انا كنت اعرف انك تكلم وتغازل لكني مطنشه بكيفي واقول بكره يعقل هذي مجرد نزوه لكنك تماديت بالخيانه 00 وهذا جزاك انا نظيفه وما ابيك توصخني بذنوبك
روح للوصخين اللي مثلك 0000000 تفاجاء الزوج من فطنه زوجته وذكائها وحلف لها انه يتوب وما تتكرر
وفعلا الزوج الان مشهود له بحسن الخلق
شوفوا ما شاء الله عليها هذي الزوجه بذكائها وحكمتها عرفت تخلي زوجها يرضخ
لكن لو انها قامت تصارخ وتزعق وتهاوش وتسب وتشتم وراحت فضحت امر زوجها عن اهلها واهله
كان والله ما جاها ولا اهتم بزعلها 00
شفتوا ذكاء الحريم

القصه الثانيه 0000

وحده من صديقاتي اعرفها من قبل لاتتزوج واعرف وضعها واعرف كل صغيره وكبيره بحياتها
ويوم تزوجت هذي البنت ما ا شاء الله عليها عرفت تتعامل مع زوجها

كانت تلزمه بمصروفها كل شهر 00 ما عندها فيه 27 من كل شهر تاخذ المصروف عنده ماعنده معه ما معه يقدر ما يقدر ما عليها منه تقول انت رجال وانت تجيب فلوس
انا متعوده من يوم انا في بيت ابوي وانا اخذ مصروفي من ابوي حتى وانا عندي مكافأه من الجامعه اخذ مصروفي غير مكافأتي وهكذا
وانا والله اعرفها واعرف اهلها 00مايعطونها ولا قرش حتى مكافأتها ياخذونها منها ولا يعطونها ولا ريال 00 وكانت مبينه لزوجها انها المدلعه عند ابوها واخوانها وانهم ما يرضون عليها
الله واكبر نسينا التشويت والضرب حتى ان اخوانها يصحونها الفجر وبنص الليل تغسل ثيابهم وتكويها 00 الله يالدنيا مسويه بنت عز
وفعلا والله ما شاء الله عليها زوجها ملتزم بالمصروف معها ما ينقص عليها شي وفي يوم من الايام نزلها عند اهلها ونسى يعطيها فلوس ولما رجع ياخذها بالليل ما رضت تروح معه

وقالت 00 انا فلانه تنزلني بدون ماتعطيني فلوس 00افرض اني احتجت شي افرض اني بغيت حاجه من وين اجيب فلوس ؟؟ اقول لبوي يعطيني فلوس ؟؟ وانا متزوجه والمفروض زوجي يصرف علي 00 قالها الزوج المسكين والله اني نسيت اعطيك فلوس سامحيني طيب انتي ليش ماطلبتي مني فلوس قبل تنزلين 00 قالت الزوجه بكل ثقه المفروض انك ماتنسى

وبالموت راحت معه للبيت واللحين مستحيل ينزلها عند احد بدون ما يعطيها فلوس 00 هذا غير المصروف الشهري

والله ما شاء الله عليها محملته مسؤليتها 00وما قعدت تشتكي من اهلها وتقول ما يعطوني ما يسون لي 00 لابالعكس بينت له ان اهلها ما يرضون عليها وانهم ما يقصرون عليها بشي
عشان كذا زوجها خايف ومحترمها 00ولو انها قعدت تشكي وتفضح سرها كان والله ماطق لها خبر 000000 شفتوا ذكاء الحريم:dddds

القصه الثالثه 00
وحده من قريباتي معوده زوجها من يوم تزوجته كل شهر مفرشين للسرير وكل عيد جوال جديد وطقم ذهب غير اللبس وغير العيديه

خلاص سوتها مره واستمرت عليها ولاعندها فيه تقدر ولا ماتقدر عندك ولا ماعندك تجيب يعني تجيب
شوفوا يابنات ترا الرجال اذا ما شال مسؤليه الزوجه يصير يدور له وحده ثانيه يصرف عليها او يجمع فلوسه ويتزوج عليها

فيه وحده كلمت الشيخ تبكي ياحرام كسرت خاطري تقول يا شيخ زوجي تزوج علي مع اني ماكلفت عليه بشي 00 اللبس ما اشتري الا من لسنه لسنه والعطور ما اشتري عشان اوفر له ومفرش غرفتي ماغيرته من السنه الفلانيه ولا اخذ منه فلوس ولا اكلف عليه بشي عشان اوفر له

وهذا هو اللحين تزوج علي 00قالها الشيخ من قالك انك لازم تسوين كذا عشان تحافظين على زوجك بالعكس انتي كذا ضيعتيه من يدينك

القصه الرابعه وهذي مره حزت بخاطري
وحده من صديقاتي موظفه وعندها راتب محترم 00خطبها واحد مطلق وعنده ولد 00 وكان دايم يقول لها لاتصيرين مثل زوجتي السابقه انها كانت تصرف كثير وتطلب كثير وعشان كذا طلقتها

ثأترت البنت المسكينه وصدقت كلامه 00وصارت تصرف من راتبها وتوفر راتب زوجها عشان لاتصير مثل زوجته السابقه ومرت الايام وهي على ذا الحال

تقولي البنت كان مصروفي ومصروف بنتي ومصروف البيت واثاث البيت والايجار والكهرب كله علي
اما زوجي راتبه يرسله لولده وكانت طليقته كل يوم تتصل جب كذا وهات كذا ولدك يبي كذا ولدك محتاج كذا

المهم تقول الصاعقه اللي صعقت قلبي لما فوجئت ان زوجي يرجع طليقته اللي كان يشتكي لي منها ومن تصرفاتها ومن صرفها وبعزقتها للفلوس

وانا اللي ماكلفت عليه بريال ماقدرني وراح للي مشقيته على قولته
تقول البنت انصدمت وكنت بموت من القهر 00لكني بدل ما ارجع لهلي واعطي زوجته الثانيه مجال انها تهدم بيتي قررت اني اقعد في بيتي وراتبي بدل البعزقه صرت اوفر منه وخليت الاجار والكهر ومصروف البنت على ابوها 00 وكل شهر اكتب اغراض البيت اللي ناقصه وارسلها له يجيبها غصبن عنه

تقول يابنات ندمت اني ماسويت كذا من اول 00 صار زوجها احسن من اول

سبحان الله الرجل مخلوق عشان يتحمل التعب والمسؤليه عشان كذا هم قوامون على النساء ولما الرجال مايلقى من يتعب عشانه يروح يدور له احد يتعبه

واللي ابيكم تفهمونه من كلامي انو لازم الزوجه تحمل زوجها مسؤليات البيت مثل الصرف والمصروف والايجارات

وخير الامور الوسط لا تبهذله بالطلبات ولا تريحه بالمره يعني في حدود المعقول

قصه اخرى فيها من الذكاء والفطنه مالايوصف ماشاء الله تبارك الله

تقول صاحبه القصه كنت متزوجه ومبسوطه مع زوجي ولكن غيره خواته مني خلتهم يسون الهوايل
وفعلا هذي الحرمه ماشاء الله جميله ونظيفه وطباخه وزوجها يموت فيها كانت كل شهر بقصه جديده واللوان احلى واحلى والجسم ماشاء الله ماكنها جايبه خمسه عيال

والنظافه 0000امممم من تدخلين البيت تشمين الروائح وتشوفين صورتك في البلاط من كثر ماهو نظيف 00 البيت له ريحه والملابس لها ريحه وعبايتها لها ريحه وجسمها له ريحه ماشاء الله
كانت بس من تفتح باب شقتها نشم الريحه ونعرف الباب مفتوح

كانت ترسل مع زوجها الفطور انواع واشكال صواني الفول بالسمن وثلاجات الشاي والنعناع والكركديه والقهوه ياسلام سلم تقعد الراس
والحلا اخ كلنا كنا نجيب من برا الا هي تحرجنا بصراحه الحلا انواع واشكال

يعني الحرمه سبحان الله 00 جميله بكل شي
وبعد ملتزمه واخلاق 00 وكانت تحب زوجها وتهتم فيه 00 لكن خوات زوجها واللي هم اصلا بنات عمها كانوا يغارون منها

وكانوا يحنون ويزنون على اخوهم اللي هو زوجها انه يتزوج وكثر الدق يفك اللحام
كانوا يقنعونه بكل الطرق انه يتزوج بس عشان يقهرونها ويحاولون فيه
ان جاء يمين يجونه يسار وان جاء يسار يجونه يمين لين رضخ الزوج واقتنع بالزواج

وراحوا خوات الزوج من كثر حقدهم وغيرتهم من زوجه اخوهم اللي هي بنت عمهم اصلا
راحوا وخطبوا لخوهم صديقه زوجته 00صديقتها الروح بالروح
تخيلوا الغبنه صديقتها وزوجها حسبي الله عليهم
المهم تقول البنت هذي 00 تقول كنت ادري بكل اللي قاعد يصير ومطنشه
وجاء اليوم الموعود 00 وقالها زوجها ترا اليوم عرسي 000000000
تقول كتمت الضيقه بصدري وحبست دموعي في عيوني والسكاكين تجرح وتقطع بقلبي
وقلت له بكل هدوء 00 مبروك 00 الله يوفقك 00

تقول يابنات رحت اجهز له شنطته وانا النار تاكل بصدري والدموع تحرق عيوني
لكني مسكت نفسي ولا بينت له شي 0مع اني ماكان بيني وبين الانهيار الا شعره

تقول يابنات محد يتصور وش كان في قلبي 00وانا اشوف زوجي حبيبي مع صديقه عمري
ولكن مابينت له شي ودعته بابتسامه عريضه تخفي وراها انواع العذاب

وتقول لما عرفوا اهلي واخواني تحلفوا فيه وحلفوا يقاطعونه ويسون ويفعلون فيه
لكني قلت لا لحد يقوله شي ولا احد يسوي له شي خلوه
وحاولوا فيها اهلها واخوانها تترك البيت وتجي عندهم قالت ابد ما اطلع من بيتي خلوني

تقول البنت محد حاس باللي فيني ولو اوصف واقول مابقدر اقولكم عن الغصه اللي بقلبي

تقول اذا جاء زوجي من حرمته الثانيه اللي هي صديقتي 00تقول اكشخ واتزين واللبس عيالي واكشخهم
واجهز القهوه والشاهي والحلا والدنيا ومالذ وطاب
واستقبله احلى استقبال 00 ياهلا ويامرحبا هلا بك يابو فلان ارحب تو مانور البيت
اسفرت وانورت
تقول ولا ابين له شي 00 ولا اقول ليش تزوجت علي ؟؟ وانا وش قصرت فيه ؟؟
تقول ابد ولا حرف 00ولا كنه حصل شي
تقول احطه فوق راسي واسولف واضحك وارقص وامبسط وانكت واسوي كل انواع الترفيه في بيتي

ولين طلع 000000000 بانت حقيقتي رجعت لحزني وهمومي لكن ما ابين عند زوجي شي

لاني لو بكيت وتباكيت وزعلت وغضبت وهاوشت وصرخت ماراح يغير في الموضوع شي بالعكس راح ينفر مني ويبتعد عني ويقول انا كيف كنت متحملها اثاريها نكديه

تقول شلت بقلبي وسكت وقلت حسبي الله على من ظلمني
ومرت الايام والشهور وهو على ذا الحال ان جاء لقى الترحيب والسنع وان طلع ماسألت عنه

لين انجن الزوج 000 وصحى من غفلته وقال كيف انا تزوجت عليها ؟؟ كيف سويت فيها كذا ؟؟

ورجع لها وباس رجولها وقالها سامحيني هذي نزوه 00 وفعلن رجعت الماء لمجاريها

وصديقتها الخاينه تطلقت ورجعت بيت اهلها ورجع الزوج يعيش مع زوجته وعياله مثل اول وقبل

وعرف قيمتها وصار يدلعها اكثر من اول 00
تقول البنت هذي لو اني انهرت وتركت البيت كان ما رجع لي 00 لكني تحملت وصبرت وتصرفت بعقل وتركت العاطفه

مع اني كنت بموت من القهر 00لكن الله عوض صبري

شفتوا يابنات ذكاء الحريم


قصه ثانيه تموت من القهر 00
عمتي حرمه جميله جميله جميله بكل ماتحمل الكلمه من معنى ونظيفه ومرتبه يعني بالعربي مثاليه وكان زوجها يموت فيها يبوس التراب اللي تمشي عليه

غير كذا هم مره مره مره اغنياء كانت تشتري السنتيانه بس على 800 واكثر قمصان النوم بالالف والالماس يضوي ضوي

والبيت اللي هم فيه قصر قصر كانوا عايشين احلى عيشه ومرت الايام

وجاء واحد من بلد عربي يشتغل عندهم بالشركه وطبعا جاب اخته وامه وقعد يلمح لزوج عمتي انه يتزوج اخته ومع كثر المحاولات والاغراءات رضخ زوج عمتي

تقول عمتي نغزني قلبي وحسيت بشي وشفت زوجي متغير علي تقول واروح وامسك السواق طبعا سواقهم كان صغير في العمر وكان يدل بيت العروس العربيه اللي بيتزوجها زوج عمتي

المهم تقول عمتي سكت ولابينت لزوجي شي واروح وامسك السواق وامسح فيه البلاط
واضربه واكفخ فيه تقول قلت له اللحين تعلمني وش السالفه زوجي كل يوم وين يروح يسهر
انت اللي توديه وتجيبه 00 علمني اللحين والا اسفرك بلدك
تقول مسكين قعد يبكي وخاف وعلمني بكل السالفه وقال انو زوجها بيتزوج اخت المهندس
اللي يشتغل عندهم
تقول بغيت اموت من الغبنه والقهر اعنبوا بليسك وش قصرت معك فيه
معيشتك بعز ابوي واخرتها تخوني طيب انا اوريك
تقول مسكت عبرتي وكتمت غضبي ولما رجع زوجي قلت له شرايك نعزم فلان عندنا هو اهله
شكلهم طيين خلهم يزورونا

وفعلا قالهم زوج عمتي تعالوا تعشوا عندنا وقالهم ان عمتي اللي هي زوجته تصير اخته لانهم لو شافوها وشافوا جمالها ماراح يوافقون يتزوج بنتهم وقالهم ان الحبشيه اللي تشتغل عند عمتي هي زوجته

وفعلا دخلو الضيوف تقول عمتي واتكشخ واكشخ عيالي ويوم وصلوا وجلسوا

هزئتهم ومسحت بكرامتهم الارض وقلت لهم انا اسوي فيكم الخير وانتو تبون تخطفون زوجي ولفت على زوجها ومسحت بكرامته الارض وقالت هذي اللي تبي تفضلها علي
المهم يابنات غسلت شراعهم
قامت ام العروس تبكي وتبوس راس عمتي وتقول لها اسفه سامحينا والله ماعرفنا انك زوجته هو قالنا انك اخته وان خدامتك هي زوجته

تقول قعدت تبكي وتترجاني اسامحها وانا رفضت وعلى طول سفرتهم
وزوجها تقول تمنى الارض تنشق وتبلعه وقام يترجاها ويترضاها ويبوس رجولها
وبالموت رضت عليه هذا وهو يحبها ويموت فيها جاته نزوه وفكر يتزوج علي

القصه قبل الاخيره 00


وحده متزوجه فؤجئت بمسج على تلفون زوجها من وحده 00 كتمت الزوجه غضبها وغيرتها واخذت الرقم وحفظته بجوالها وانتظرت خروج زوجها من البيت ولما خرج زوجها راحت ارسلت ذاك المسج اللي يفلق الحجر مسج كله دعاء قالت ابدعي عليك في التهجد الله يفضحك على رؤس الخلائق الله يوريني فيك يوم اسود من الليل الله يبلاك بالسرطان الله يهد حيلك مثل ما انتي تهدمين بيتي 00 ومن هالكلام وفعلا خافت البنت واتصلت على الزوجه واعتذرت وقالت والله معد اكلم بس لاتدعين علي

ولما رجع الزوج استقبلته بأبتسامه عريضه وقالت له حبيبي 00 ادري انك تكلم فلانه وادري انك تسوي كذا وكذا وتراني مطنشه بكيفي ومعطيتك جوك

لكن تذكر من دق باب الناس دقوا بابه وانا بنسى الموضوع لكن ان تكرر لا تلوم الا نفسك
واحفضني مثل ما احفظك زين 00
تقول زوجي تفاجاء واستغرب واستحى وطاح وجهه ولا قال ولا كلمه
وصار يخاف مني ويحسب لي اللف حساب



قصه اخيره

معلمه متزوجه تقول كثرت الاتصالات على تلفون زوجي وصارت الازعاجات كثيره
لكني ماكنت اتوقع ان زوجي ممكن يندفع ويغلط معهم 00 تقول في يوم من الايام فوجئت بزوجي يكلم وحده
تقول دارت الدنيا فيني ولكني تحملت وقلت اتصرف بعقل احسن
تقول راح زوجي يتحمم 00 وافتح التلفون واخذ رقم البنت
بدون ما افاتح زوجي باي شي ولا اقول ولا كلمه 00 ولا كن شي صار
تقول اخذت الرقم وعطيته اخوي وقلت له كلم البنت هذي وسحب فيها والفواتير علي

اهم شي تجيبها لي 00 وفعلا قام اخوها يتصل على البنت ويحاول فيها ويرسل لها بطاقات شحن ويغريها وفعلن كلمته البنت وصار يشتري لها الهدايا
طبعا على حساب اخته المعلمه
ويقولها امري وتدللي وش تبين بس وفعلا يجيب لها ويشتري لها وصرفت عليها المعلمه اللوف مألفه

لين صدقت البنت ان الولد يحبها وافقت تطلع معه وكانت المعلمه متفقه مع اخوها ان يجيبها البيت عندها

وفعلا جات البنت ودخلت ست الحسن والدلال 00 وتطلع عليها المعلمه وتمسح فيها البلاط
تضربها وتترفس ببطنها وتقطع شعرها وتمشخ وجهها
يعني لعبت فيها لعب شوهتها تشويه
وقالت ياقليله الحياء تكلمين زوجي تبين تهدمين بيتي انا اوريك 00 يالله امشي قدامي بيت اهلك والله لافضحك عندهم قامت تبكي البنت وتترجاها تكفين الا اهلي
قالت ابد مافيه يالله قدامي وفعلا دخلت المعلمه بيت اهل البنت وفضحت امرها ومسحت فيها البلاط وطلعت

وبردت حرتها وراحت لزوجها ولا كن شي صار


يابنات صدقوني الموضوع يبي له بس شويه ذكاء على شويه دهاء على حبتين فطنه على ملعقه لكاعه وملعقه حكمه وتفكير بعقل وابتعاد عن العاطفه وتطلع معك احلى خطه طبقيها وبالهناء والعافيه

ادري السالفه تقهر والخيانه تذبح لكن فكري بعقل وانتقمي بسكوت وخذي حقكك بهدوء

وابتعدي كل البعد عن الصراخ والهواش والانهيار

واطبخيها على نار هاديه



وبالنسبه للمصروف لاتصيرون مثلي ماعندي مصروف ولا شي واذا طلبت شي قعد يطالع بنص عين

اطلبي منه مصروف بكلمتين حلوين وان ماعطاك لاتبكين وتولولين

ارجعي اطلبي منه وان رفض ارجعي اطلبي مره ثانيه لا تستسلمون اطلبي منه بهدوء وروقان بدون بكاء وصارخ اطلبي لين يعطيك ترا كثر الدق يفك اللحام

ترا الرجال كويسين بس احنا نخربهم

نصيحه لا تقصرين على نفسك بشي وخصوصا غرفه النوم غيري المفرش حطي فواحات اشتري مخدات تراها مملكتك دلعي نفسك وزوجك مدامك تملكينه كله قبل تملكين نصه

ترا ما يطير الرجال الا الملل وسوء التصرف وهمجيه التعامل و غياب الفطنه والذكاء

وسذاجه المرأه تنفر الزوج

تدلعي وتنهوصي وتكسري بالمشي والكلام وان فشلك ولا حطمك معليك قولي انت زوجي يحق لي اتدلع


ولكن لا تدلعينه مره ولا تهمشينه مره 00خير الامور الوسط

وان رحتي معه لسوق او مطعم وشفتي احد ييطالع فيه واو هو يطالع في احد

لا تنفعلين وتنافخين عليه

لا امسكي نفسك وقولي حبيبي تعال شوف او امسكي يدينه او وشوشي بأذنه

المهم حاولي تشغلينه
والله العظيم بنات هذي الايام يخوفون حسبي الله عليهم معد يستحون الوحده تطالع في الرجال
بكل قوايه عين حسبي الله عليهم

انتبهوا على رجالكم والله يستر علينا وعلى رجالنا الوقت هذا صار يخوف
الوحده ماتثق حتى بخواتها

اعوذوا بالله الله يستر علينا وعلى رجالنا ويخليهم لنا ولايحرمنها منهم ويسخرهم لنا ويسترنا معهم ويوفقنا ويسعدنا ويجعلهم مايشوفون غيرنا

من مواضيعي
كيف تجعلين زوجك بيتوتيا؟
الطريقة الكاملة لصبغه الشعر
كل مايخص صبغات الشعر من لوريال
لماذا يزداد وزن المرأه عقب الزواج‏
والله محتاجك أنا خلكـ بـجـنـبــي قريب افكار رومنسيه بالصور
مختارات من أجمل حقائب الـكلاتش
آطواق جونان
كاسات عصير للعرسان
ميك اب وتسريحات مغربيه للعرايس
نصائح لمن اقترب موعد ولادتها بالصور

  #2
14-10-2009, 11:32 AM
عبير المدينه
مششكوره يالغلا ع الموضوع

لك ودي