ذكائي ودهائي مانفعني بالوصول له 💔 انا مات فيني كل شعور

صباح الخير ، كل عام وانتم بخير وصحه وسلامه
بنات اتمنى اللي عندها نصيحه او خبره بالحياه تنصحني
انا تطلقت بعد زواجي باقل من سنه من مدمن ومروج مخدرات وماني ندمانه ابدا وبعد سته اشهر توفي ابوي الله يرحمه يعني سنه من عمري مستحيل انساها عشت ماعشت من الحزن والالم دخلت بحاله مايعلم فيها الا الله اتعبتني وارهقتني ووضح علي هالشي كل هالكلام قبل ثلاث سنوات ونص تقريبا
تجاوزت كل هالاشياء الحمدلله
قبل فتره واحد من جماعتنا البعيدين طلق زوجته بسبب سوء تفاهم وخلاص مارجعها وزوجته ملكت وتزوجت
سبحان الله ربي كاتب ان اعيش هالشعور ولا وش عرفني له ولطبايعه اصلا حتى شكله ماعرفه ولااعرف وش سبب طلاقه
لفت انتباهي يوم قالوا طلق خصوصا اني مطلقه مثله وعمري 32 وخلاص العمر راح قلت شكل هذا الشخص مناسب لي
انامن زمان اذ حطيت براسي شي الا اوصل له دايما يقولون لي الناس انتي داهيه انتي ذكيه لان اذ صارت مشكله اعرف وشلون اطلعهم منها عندي تركيز عالي وماخلي احد يلاقي علي شي لابسوالف ولا بمخططات مره حذره وهالشي عزز الثقه فيني
واغتريت بنفسي كثير اني راح اوصل له بطريق الحلال وبدون تجاوزات بالدين
تخيلوا بنات اقسسم بالله مايفارق مخيلتي التفكير فيه من سنه وخلال هالسنه حاولت اتقرب من امه وخواته بدون فايده وبحكم اني معاملتي زينه مع الكل واجتماعيه ماحد لاحظ هالشي لدرجه اقول لو انخطب لاحد ثاني ماراح اوافق بانتظره يمكن يجي
مدري وش هذا الشي اللي جاني ناحيته
ولاحد يفهمني غلط بنات بس عشان تحسون فيني انا مافيني ولا عيب ماعندي اطفال ياربي لك الحمد شكلي الكل يثنيه عليه مهتمه بجسمي وبكل شي يخصني جامعيه متعلمه
لهالدرجه الرجال ماعاد يخطبون المطلقات مات شعوري للمره المليون وحسيت بالتهميش وبس تفكيري بهذاك الشخص وانا شكلي حتى ماجي على باله هو واهله
اعطوني نصيحه توجيه اعتبروا اختكم جت تشكي لكم همها وتبي نصيحه من القلب للقلب انا خلاص مات فيني كل شعور وحسيت اني باظل كذا طول العمر 💔💔💔💔💔