أنا من مواليد 86 كنت صغيره ومع ذلك أتذكر أهلي أجتمعو في بيت واحد أهلنا بالرياض جو للقصيم عندنا

أتذكر غرفه كبيره مجهزه بوسط البيت

فيها تلفزيون و راديو شبابيكها مقفله ببلاستيك ضد الغازات أتذكر فيها كميه كبيره من الأكل المعلب و الماء

فيها أقنعه لونها جيشي ولها أنبوب وفيها أنبيب أكسجين و فيها صيدليه يعني مجهزه بالكامل

اتذكر إذا سمعنا صفارات الأنذار والشرطه تدور بالشوارع يمنع التجول على

المواطنين لزوم منازلهم أتذكر الطيارات اللي تجي جنب بعض وصوتها مره مرعب

كانت تطير فوق الحوش

أتذكر أمي حامل بأخوي وكانت بغرفتها و أنا كنت صاحيه و أختي نايمه أنطلقت صفارت الأنذار

أمي شالتني و نزلت للغرفه المجهزه و تركت أختي نايمه ماقدرت تشيلها معي

راحو أبوي و عمي لابسين الأقنعه يجيبونها من فوق :42:

من المواقف المفرحه وقت الغزو خالتي ولدت وجابت بنوته

ومن المواقف الحزينه أحد قريباتنا أول الغزو و أول صفارت أنذار أنطلقت أصيبت برعب شديد

تفجرت أذانها و أنفها وفمها دم و توفت بنفس الوقت الله يرحمها

و أتذكر أحتفالاتنا بالنصر الله يديم علينا الأمن و الأمان



هذا مافي جعبتي لحرب الخليج الله لا يعيدها و يحفظنا من كل شر

هذاء القرار الذي اتخذته ولااااااا فيه اي سعودي الا وتفق معي بنفس القرار ياتبقى الكويت واالسعوديه ياتنتهي الكويت والسعوديه كلمات الملك فهد اقسم باالله انها اثرت فيني وانا ماجيت ايام الغزو جيت بعد الغزو بثلاث سنين رحمك الله يافهد العروبه ورمز الفخر كلماته يفتخر فيهاا كل سعودي جعل مثواك الجنه رجل لن يتكرر

ايام عجيبة كنت صغيرة بس اذكر....اهم شي المؤؤنة اللي نشريها اذكر قبل شريناها وكان همي انا واخواني ندخل عشان ناكل.....هههههههههههه
ماندري وشهو الحرب.....اللهم لك الحمد على نعمة الأمان

انا بنسخ لكم ردي اللي كتبته مره بموضوع يتكلم عن حرب الخليج

اذكر امي فجاه صارت تجمع ملابسنا بالشنط وقالت كل وحده تروح تلبس عشان بنروح بيت عمكم
والله يابنات كان عندي فستان من فوق مخمل اسود ومن تحت ذهبي يلمع ومنفوووووووش ومن زود الهبل اللي فيني رحت لبسته الحمدلله والشكر

ورحت لامي تمشط شعري وكانت تتابع الاخبار وفجأه شهقت شكلها شافت خبر عاجل خطير طبعا هذا كله وهي ماسكه شعري بيدها تبي تربطه
تخيلوا راحت تررررركض تنادي أبوي وهي ماسكه شعري وتسحبني معها خخخخخخخخخخخ الله يهديك يمه اتركيني طيب

طبعا اعمامي 4 وابوي اجتمعوا ببيت عمي الكبير بوقت الفجر عشان يتفقون بينهم وش بيسوون
اتفقوا انهم يسافرون او بالأصح يشردون للشمال ولما وصلنا هناك جلسنا يوم كامل عند قرايبنا ومن بكره رحنا للأردن عند اهل امي العسوله يالبيه بس

قبل مانطلع راحت زوجة عمي الكبير أخذت كرتون بيض كااااامل وسلقته وقشرته خايفه علينا نجوع بالطريق ووزعتهم بأكياس بلاستيك خخخخخخخخخخخخخخخ
تخيلوا بيض مسلوووووق وريححححححه وبنت عمي ماعندها وقت اول مامسكنا الخط قامت
تاكل بالبيض وحده ورا وحده وفجأه قامت تررررجع ( تكرمون) وعععععععععععععععععععع
وصارت ريحة المقاعد بيضضضضضض
والحمدلله رجعنا بعدها بفتره وانتهت الازمه وان شاءالله ماترجع مره ثانيه

أيامها ما كنت أدرس سجلت بعد الحرب على طوووووووول
وإللي أذكره أهلي كانوا حاطين مشمع على الشبابيك وحاطين علامة إكس بالشطرطون
وأبوي اشترى أكل بالكراتين وكان يدخلها غرفة النوم
ومرة كنا نازلين الدرج احنا وبنات الجيران بنروح نرمي زبايل الله يكرمكم
ونسمع صفارات الإنذار ونرمي الزبايل في الدرج ونطلع جري
وكانوا يجيبوا مناظر للدمار إللي حصل في الكويت
الله يرحم موتاهم ويدخلهم فسيح جناته
ذكريات مؤلمة ومخيفة رغم كنا صغار ما نفهم شي!!