ذكرى مؤلمه وتذكير للأم اللي بتزوج بنتها

مساء الفل
صديقتي امس كانت تقول ذكرياتها القديمه لما كانت فبيت العيله اول زواجها ومن المواقف اللي حزنتني انها كانت تاكل بالدس عن حماتها تقول كنت احب اللبنه التركيه وحماتي تجيبها واذا خلصت تحاسبنا مين اللي اكلها تقول اذا كنت انظف المطبخ استغل الفرصه وكل شوي افتح الثلاجه واكل لقمه وياكثر ماغصيت من الخوف ومره دخل زوجي وابلع اللقمه بسرعه بغيت اموت تقول ياما نمت وانا جوعانه واتذكر كيف كنت فبيت اهلي هذا غير الفواكه اللي تتشال واذا حطوا الغدا توزع علينا كل نفر حبه علشان ماتخلص تقول انا كنت زوجة الكبير وعمي متوفي وامهم كانت هي المتحكم بالبيت وبالحلال والمشكله لما اروح لأهلي استحي اكل عندهم الا اذا حطوا الاكل وكنت اتمنى امي تسألني جوعانه والا لأ علشان اقولها ايوه
يالله كيف كان تفكيري بس ما انلام لاني بزر صغيره والمشكله زوجي اذا جاب لي اكل امه تزعل وهو مامعاه يجيب للعيله كلها
والله كانت تتكلم وفيها الغصه
العبره انه يا امهات اذا زوجتي بنتك اتفقديها وشوفي شنو تحتاج وشنو تاكل واذا جتك قدمي لها كل شي تحبه وسلامتكم 😊