ذكرياتي ومأآآآآآآآآآآآآآآآآآآآآآآآآآآآ آآآآآآآآآآسي في الحج

الســـــــلام عليكم ورحمة الله وبركاته


طبعآ بمناسبة قدوم موسم الحج تذكرت مواقفي وذكرياتي ومـــــــــــــــــاآآآآآآآآآآآآســــــــــــــــي

في عــــــــ1417هـ ــــــــــام

وفي عـــــــ 1425هـ ــــــــام


فاأحببت أن أضعها هنا وكل الأخوات اللأتي عانين مثل ماعانيت


أن يذكرن تجاربهن وأطلب من يقرأقصصي هذه أن يدعي لي في ظهر الغيب


لعلها توافق بابآ مفتوحآ


بأن الله يقرعين زوجي بي ويقر عيني به

ويقر أعيننا بصلاح أبنائنا لما يحبه الله ويرضاه


ويبعد عنهم رفقاءالسوء


ويطيل أعمارنا ويحقق لنا السكنى في مكة المكرمه عاجلآ غير آجلآ


آآآآآآآآآآآآمين




حججت في عام 1417 والتي سميتها حجة الحريق


كنا في حمله تابعه للقصور الملكيه في منى وكان يعمل في القصور زوج أمي




وفي يوم الترويه كنا جالسين في المخيم في أحسن حال
وجاتنا الأخبار أن في حريق في منى

راح زوجي يساعدهم
وشوي شوي ولاحارس المخيم يصيح فينا أهربوا النار فيكم


وياروح مابعدك روح

زوجي مو فيه


ولدي صغير أبو سنه ونص


أمي حامل في الشهر الثامن


زوج أمي في القصر

أخواني أكبر واحد15سنه


والثاني 13 سنه

وأختي 4 سنين


وين نروح والناس فوق بعضهم البعض


والأسعافات والمطافي والشرطه رايحه جايه



والوي وي وي وي وي وي وي وي

صوتها اللي مجنني وسبب لي رعب ماأنساه ماحييت

ويجي زوج أمي يدخلنا القصر راحه أهتمام أمان بعد الله

بس وش الفايده زوجي ماأدري عنه حي ولا ميت

عاد القصر واجهته قزاز تشوفين اللي في منى كلها

وشوف الناس هاربين في كل مكان وأتجاه


واللي يتسلقون الجبال والنار وراهم ياربي رحماك............


عاد حضرتي ماسكتني حاله من التشنج والبكاء

يدني ملتويه جسمي مشدود

وكان في القصر معانا زوجة طبيب العاهل المغربي


والمسكينه تهديني وتذكرني بالله وتحكيني مصيبتها


وحضرتي أصيح وأبكي وأقول خرجوني من القصرأبي أموت مع الناس برااااا.........


وخصوصآ لما صرت أسمع صوت الأسطوانات وهي تتفجر منا قريبه

والرياح كانت سريعه مره مما ساعدت على أنتشار النار

وفي ذي اللحضات دخل زوجي وهوبصحه وسلامه


اللهم أرحم من ماتواغفرلهمـ

ــــــــــــــــــــــــــــــــــــــــــــــــــــ


الحادثه الأخرى وهي في عـــــ1425ـــــــــــــام

سنــــــــــــــة السيل


حججت مع زوجي وكل شيء ميسرالآ صباح ذلك اليوم


كان شديد الرياح والساعه 9 صباحاراح زوجي عند أمي يتطمن على أولادي



وأتصل علي قال أنه بيتغدى

عندهم

المهم وحتى وقت نومي أحس بالرياح على وجهي من قوتها

والساعه على ماأعتقد2 ظهرآ يبدأ المطر الشديد بالهطول وتغرق الدنيا


والناس يشيلون في عفشهم وهداياهم لأن كان بعضهم مستعجلين

واللي يسأل عن زوجته ولا أمه وقرايبه


وياحسرتي ماأحد يسأل عني

أتصل على زوجي الشبكه ماتوصل

أدق على بيت أمي تقول زوجك وأخوك جايينك


ياربي لطفك
زاد همي :


هم نفسي

هم زوجي وأخوي

هم أولادي

هم اللي حولي

والكل غرقان والناس مشغولين بعفشهم


وأناظر والا المصيبه أن المويه بدأت ترتفع من فوق الكعب وزياده


والمويه بدأت توصل لفتحات الفريزر

وتعرفون المويه مع الكهرب وش يصير

وروح أجري ويدوب أمشي من ملابسي المبلوله

وأصيح في الرجال اللي المطبخ طفو العداد واعيدها ماعندي الا هي على لساني



فقدت الذاكره ذيك الحزه من الخوف والمصير


وتدرين وش يقولون أشكي للأداره

الله المستعان
ويجي واحد من اللي كنت أشوفه يلبس أهله كيس الزباله وأنتوا بكرامه

عشان مايغرقون بالمويه ويسألني وش فيك ياخاله ...خاله وعمري 26 سنه


وقلت المويه بتدخل الفريزرات وبيصير ألتماس


والحمدلله طفو العداد

وصرت أروح وأبكي بكى من الخوف والوحده والهم

لكن الحمدلله



قابلت زوجي الساعه 9 أو 10 بالليل والكل يدور الثاني


وهذه قصصي



لدرجة وحده من جاراتي تقول لاعاد تحجين الا وأنتي عمرك 70 سنه

عشان تموتين وأنتي عجوز


وفوق هذا كله أتمنى أن أحج كل سنه



والصلاة والسلام على رسول الله