ذكريات أول رجيم عملتيه ؟كم كان عمرك وكيف تجربتك؟ اتحفونا 🤍😃

السلام عليكم ورحمة الله وبركاته ..


أتذكر أول رجيم عملته كان عمري ٢٣
وكنت أقرأ بالنت رجيم ينحف عشرة كيلو بالشهر وخلطة تنحف ٧ كيلو بالأسبوع وأصدق 🥺


١/كانت زيادتي بسيطة جدًا بس لا أبي أصير عصقولة
وللأسف ليتني ماسويته لأنه حرمااااااان ورجعت اللي نحفته
وزيادة😩
شفت قريبتي نحفت وكانت تاكل بس خبز وشاهي
وصرت أحاول أسوي كذا
أجووووووع نفسي ..


٢/ كنت رايحة جاية على الميزان
أوزن عشر مرااااات باليوم 🤗


٣/ مزاجي انعفس وصرت عصبية وكرررهت كررررهت كرررهت الرجيم


٤/ كنت آكل اللقمة وأنا أمضغها أتحسف وأرجع أطلعها 😮


٥/أشتري شاهي الضيافة وشاهي جامبو وكريم الزنجبيل
وهاتك يالحماس على غير سنع


٦/ طول اليوم مرهقة ومنسدحة ولا عمري سويت رياضة ولاحتى أمشي ولا شي
( مر شهر ومانقصت إلا ٣ كيلو وأحبطت😤
أنتظر عشرة كيلو )


مليت مليت مليت
ورجعت آكل بشراااااهة .. مطاعم .. شوكولاتات .. شبسات .. أسكريمات .. دونات .. ملك شيك ..🍩
وأقنعت نفسي أن الرجيم ماينفع معي
إلى أن زاد الوعي .. وبديت أفهم الرجيمات .. وعقلت
واشتركت بدايت سنتر .. ونحفت الحمد لله
الاشتراك كان ٤ شهور ..
خلص الاشتراك ورجعت شوي شوي أسمن



وعودت الآن للرجيم مرة ثانية وبنظام الوجبة الوحدة
حبيته مررررة ومشي ١٠ آلاف خطوة
مع الدعااااااء
الله يبلغنا الرشاقة .،
اتحفونا بذكريات أول رجيم😻


اللهم صل وسلم على نبينا محمد وعلى آله وصحبه أجمعين.