ذكريات الدراسه

كل وحده منا مرت بمرحله الدراسه الى التخرج أكيد في ذكريات حلوه وهبله صارت لنا 😅
أنا راح أبدا أنا يا بوكم دوم عند الادارة خبلوا فيني خبل لدرجه وصلت معهم انه في طابور الصباح قالوا للبنات المدرسه كلها امشوا ع صفوف الا نيهاز تظل واقفه شوفوا عاد شكلي كيف 👀...
مره كان عندنا معلمه ما تحب المكيف يضرب على وجهها كانت ترفعه المهم رحت قبل لا تجي المعلمه وصعدت ع الطاوله ابغي انزل المكيف وطحت ذيك الطيحه من فوق لتحت والادهى من ذالك المعلمه توها جايه وشافت الحدث المريع عاد شكلي كيف كان ما يحتاج أُوصِّف ....
مره طلعت من الامتحان الانجليزي كانت معلمه تشرف ع التفتيش شفتها من بعيد قلت أنا بصوت عالي شوفوا البراشيم ما حد اكتشفني واشوفها تركض ركض لعندي وأخذت مني الورقه بكل قوه تشوفها كانت الورقه مال ماده اللغه العربيه وانا ضحكت ع شكل المعلمه وهي تركض صدق أني هبله الله يسامحني بس ...


مره الوزاره جابت لنا امتحان تجريبي وشرحت لنا انه مش محسوب وانه تجريبي فقط قلت أنا والله ما راح امتحن شو ذَا بعد خبله 🙃 قالت لي نعم يا اختي اخرجي من الفصل 🤓 كني ما صدقت رحت ركض بعدها تعهد ما ادري شنو ...
كبرنا صارت ذكريات تضحك يا سبحان الله يا دنيا كيف تمر ✍