السلام عليكم ورحمة الله وبركاته
الي خلاني أكتب الموضوع
هو مواقف كثيرة حصلت لي على مر العصور >>خخ حسيتني ديناصور:hahaha:
اليوم لما أشوف حالي وأقارنه بقبل سنة و قبل 3 و 5 و 10 سنين!
اجد تغير كبير وملحوظ في شخصيتي و تفكيري وأسلوب حياتي
أكيد كل البشرية كذا
وأكيد أنو الي عايش صح ومهتم بتطوير ذاته بيلاقي أن اليوم هو حاله أفضل بكثير من الأمس وقبل الأمس
اليوم يرى في حاله نضوج فكري وارتقاء أخلاقي أكثر من ذي قبل
هذا شي طبيعي إذ كل نفس في هالحياة تطمح لبلوغ القمم
وأكيد أنو تهذيب النفس وتقوية الشخصية والتحلي بالأخلاق الفاضلة تساعد في ذلك
بل هي اللبنات الأولى للعيش الكريم والذكر الطيب
المهم ماعليكم من فلسفتي الي فوق :biggrin:
ندخل في صلب الموضوع
من زمان كانت شخصيتي غير وتصرفاتي ايضاً وموافقي كذلك :eek::biggrin:
كثير مريت بمواقف تبين إني مثلا عصبية أو هبلة أو مسكينة أو أكسر الخاطر أو او او
كل ما أتذكرها أحس بألم وحرقة وغصة :44:
وأقول يارب هالناس مايتذكروني كذا
الحمدلله بفضل الله تخلصت من أمور سلبية كثير كانت في شخصيتي
وصرت أكثر ثقة ونضج من قبل
الذكريات بجميعها تطري على النفس أحيانا
يعني في أشياء ما أفكر فيها بس تجيني كذا فجائية !
وفي أمور أتذكرها لما أشوف الناس الي صارت لي معهم هالذكريات
الزبدة أول ماتطري علي هالذكريات يضيق صدري
بس اتعوذ من إبليس وأحاول إني أبرر لنفسي التصرف أو الاحراج الي صار وش سببه وأهون على نفسي
بصراحة ماتهمني كثير هالذكريات لأنها ماضي و راح!
بس الي أكثر شي مقلقني
هي الفكرة أو الانطباع الي أنأخذت عني!
صحيح كلام الناس مايهم بس في أمور تصدر منك تعطي انطباع عن شخصيتك أو جزء منها
لما تطورين نفسك وتغيرين من أمور غير محببة في شخصيتك وتسدين الثغرات الي تسبب
ضعف فيها وتطري عليك هالذكريات تحسين بحرقة :06:
وتظلين تفكرين ترى هالشخص الي من ذاك الوقت ماشفته !!!!
وصار لي فيه هالموقف الي دل على إني مثلا إنسانة مسكينة ماعندي ثقة بنفسي ينضحك علي بسرعة
وش هي ردة فعلة ونظرته لي الآن؟
الذكريات المؤلمة لابد من وجودها
وتقلبات الشخصية كذلك تحصل ربما تلقائيا من غير علم ومعرفة أو محاولة لتطوير الذات وفهمها وتقويتها
بسبب ظروف طرأت وتغير أمور الحياة وغيرها
اليوم لما ترين حالك
وتتذكرين بالأمس وتطري عليك هذه المواقف المؤلمة
ماهو شعورك وكيف تعالجين الأمر ؟
أنا أقصد يابنات بالذكريات المؤلمة مو مآسي وحزن الله يبعد عنا الأحزان
لا أقصد مواقف في الشخصية نفسها
إنتي قبل مثلا سنة صار لك موقف مع وحدة وخذت عنك انطباع معين
ربما نسيتي السالفة
وغيرتي من أطباعك وشخصيتك
وطرى عليك هالموقف مايجي ببالك لحظتها ردة فعل الي صار لك معها الموقف وفكرتها عنك؟
أتمنى تشاركوني في الحلول
وخلونا نتناقش بالمفيد نفيد ونستفيد
لكم أرق تحية ووردة معطرة :26:
كلنآ ترآ كذآآ مو بس انتي
ونفسك اتذكر ويضيق خلقي واقول ان شاءالله مايذكرون
ومن كثر ماالمواقف اكرهها وتحرجني انا نفسي اذا تذكرتها اسلي نفسي بأي شي عشان انساها مابي اتذكر
الكل والله كذا مو بس انتي