ذكريات المدرسه 📚📒📓🖋🖊💼

اذكره🍃
و اذكره ب كللل حذافيره. ، كان من اجمل ايام طفولتي ❣️
اذكر لما كنت خايفة و مبسوطة و متوترة و منتظرة مكان الالعاب اللي كانت تخبرني عنهم امي من قبل دخولي المدرسة ب اسبوع 💗


كلامها و تشجيعها كان دافع قوي في اني اتقبل المدرسة من اول يوم و اندمج مع البنات
و الحمدلله من بعد هذاك اليوم ما حسيت بخوف ولا احتجت وجود امي كنت جداً واثقة من نفسي و مبسوطة و الخوف صفر♥️🍃🙏🏻


للحين اذكر تسريحة شعري اول يوم كانت كعكتين وحدة يمين وحدة يسار و الغرة نازلة ع وجهي و خصلتين طوال من عند اذوني 😭💗


يووووه كانوا البنات كلهم و المعلمات يعتبروني اكشخ و اجمل و اكيت وحدة 💗 و كانوا كلللل الفصل (عدا القلة منهم) يمشون معاي و كل وحدة تضرب الثانية عشان مين تجلس جمبي 😭😭😂😂
لبينما تخرجنا من الابتدائي و بعدها البنات سحبوا ع جمالي و تكبروا عليّ صايرين يصاحبوني لكن مستحيل يتنازلون و يمدحون كانت من اسوأ سنواتي وقتها و دخلت مرحلة اكتئاب فضيع اعوذ بالله 😂😂💔


ما نفخ ريشتي ايام الابتدائي الا هم ايام المدح 💔🤦🏻‍♀️💔


ايام الابتدائي و خاصة اول سنة كانت لذيذة🧡🍃


من ناحية المواقف ما حصل لي موقف معين الا انو كان في شلة من البنات عدد ١٥ وحدة يكرهوني بسبب ان المديرة و اختها المعلمة كانوا دايم ينادوني و يفطروني معاهم و يسولفون معاي و وقت الفسحة يدورون ع المدرسة عشان يدخلون الطالبات و يمسكوني ب يدي و ندخل البنات سوا و لما يجيبون العاب للطالبات گ هدايا يجيبون لي اجمل لعبة ♥️ الله يذكر هالمديرة و اختها بالخير و يجعل اسعادهم لي في ميزان حسناتهم و يوفقن و يجعل لك من جميع مُربعم مخرج يارب العالمين ❣️ ما انساهم و بحياتي ما راح انساهم❣️
و الى الان م ادري ليش كانوا يعاملوني ب كل هالحب🧡




رجعتيني سنين ورى♥️الله يسقيها ايام


موضوعك جميل جميل جميل💗💗🍃🙏🏻

كنت لابسه شبرات بيض ومسويه قرنين .... دشيت الصف ولقيت قدامي بنت عمي راكبه ع الطاوله وجالسه جلسه مؤدبه 😂😂... قعدت لين جت الفرصه ..طلعت لقيت اختي جايبه لي اكل م المقصف كليت ورحت للصف .... وعقبها رحت للبيت ... كنت مستانسه حيل ..،،


اللي ونسني بنت عمي معي .. وكانت جنيه ملقوفه حيل كم يوم درست وعقبها فصلوها المدرسه ....😂😂...
اذكر موقف كنت ابي الطاوله الاولى ... رحت للبنيه وشريته منها بكسرة ككاوه 😂😂... مواقف وايد ...ارد واكتب التلفون علق 😞...

😯😯😮😏

كفو والله🤓بيّض الله وجهك 🙂🙏🏻

أول يوم كنت مستانسه كان دوامنا مسائي وانا صاحيه من الفجر أرتب أغراضي ونروح بسيارة قديمه المدرسة نركب ف الصندوق والشارع ترابي والمسافه بعيده شوي،، وأول ما وصلنا المدرسة كانت كندورتي كلها غبار وراحت أم الكشخه هههه ،،
كنت قصيييره حيل بس اعتمدت ع نفسي بروحي ركبت ف السياره مع البنات لحد المدرسة كلنا كنا كذا محد راح من امهاتنا معنا بس كان فيني توتر كبير لحد ما تعودت،،
ذكرياااات جميلة،، الله يسعدك ضحكتيني ذكرتيني بأيام حلوه