ذكريات النظرة الشرعية...إدخلوا حياكم بس لاطيح من عينكم

أولا السلام عليكم
ثانيا وعليكم السلام!!
ثالثا مساء الخيرات والليرات
رابعا الظاهر انة اصبح الصبح ولازم اقول صبحكم الله بلخير <<ترى اول ماكتبت الموضوع كان لسا ليل بس تشقشق الصباح اثناء ذلك
خامسا الموضوع هذا اقتبستة<<مدري شلون طلعت هلكلمة الخطيرة<<<المهم اني>> الكلمة السابقة<<
من موضوع الاخت الضبي الي استنجدت فية ببنات حواء علشان شوفتها
وش تلبس ووش تقول ووش تفعل فقلت خلني افيد بنات حواء المقبلات على الزواج وأطمن قلوبهن ان الموضوع عاااااااااااااااااااااادي
سادسا هذي بعض مواقفي اللي صارت لي خلال النظره الشرعية
بس تكفون لاطيح من عينكم ترى انا كشخة وسنعة
بس الحظ لعب فيني
<<ايه هين<<
نمبر 1.....
كان هذا تجربتي الاولى ...حشى فار مو عريس....
كانت المستشارة حقتي مزعجتني
أيامها ماكان فية عالم حواء ماكان فية غير أختي الي عمرها 13سنة
المهم كانت تقول خليك عادية
خليك طبيعية
خليك كوووووول ماكنت ادري وش معناها بس الي فهمتة ادخل علية زي اي حريم يجون عند امي
عاااااااااااااااااااااااادي
أول مادخلت المجلس من كثر الحماس...........................................................................................................................................................................................................................إتجهت لة بكل جوارحي والابتسامة شاقة وجهي
وسلمت عليةبيدي !!! شوي واطيح فية تبويس
سمعت النصيحة بقوة
حسبي الله عليك من مستشارة
هذا الموقف ماأنساة طول عمري
وعلى فكرة كنت أعتبرة طول السنين موقف مبكي وماقولة لاحد.............................. من سنتين بس أطلقت صراحة وصرت اعتبرة موقف مضحك
نمبر 2....
.كان عندي تنورة رهيبة مرة ..الصراحة هي مو ذاك الزود بس وقتها كنت اشوفها حلوة
بس.. كانت طويلة طويلة زود فأشارت علي المستشارة حقتي
اني البس اطول كعب فالحارة كلها لقيناه عند جارتنا بدرية الله يذكرها بلخير
وفالجانب الاخر كانت امي واقفة على راس الشغالة وهي تمسح بلاط المجلس وعلى زيدي ما ..زيدي صابون
والظاهر ماراقبت عمليت الشطف
والعامل الثالث الذي اشترك في هذة الجريمة كانت التنورة فيها حركة من تحت ماتبين الا اذا مشيت بقوة وانا طبعا داخلة اتميلح واشوت رجلي ذيك الشوتة يازعم تبان الحركة
وفجاءة زحلطن ام كعب زحلطة
في تية تلقفها تاك ماكان ودي...>>>كنت كذا أقول لابوي وهو رافض يصدق
قال ايش قال ليش تلبسين كعب ومن وين لك هالكعب الي ماهنا اطول منة اساسا<<<
نمبر3....
بعد ماستشورت شعري جيدا أشارت علي المستشارة اني الفة بشال قطن عشان يصير فية لمعة
وفعلا نفذت
...ماتوب...
ويوم ناداني أخوي بسرعة لبست بلوزتي ومرة ثانية
زحلطت ام شال زحلطة بس مو زحلطة كاملة لا
يعني دخلت من تحت البلوزة وطلعت من الاسفل مدري شلون اوصف لكم يعني بلعربي طلع لي ذيل
لاوذيل أحمر بعد
خخخخخخخ والله كل ماتذكر هالموقف المشكلة هلمستشارة مدري وين تروح ترمي نصيحتها وتالي تطس
وادخل على الرجال اتمخطر مخطرة
وياولد حبة حبة امشي والذيل يتمرجح
وهو مايدري وش السالفة على بالة موديل!!!!!!!!!!!!!!!!!!!!!!!!!!!!!!!!!

هذا الي عندي الحين ولمن أشوف ردودكم وتفاعلكم اكمل مأسي النظرة الشرعية
للمستشارة حقتي بعد ماكبرت وجاء دورها