أخواتى الغاليات أصبت بمرض أقعدنى منذ شهرين وسبب الام مبرحة فى جسدى كله وأكاد لا أتحرك من السرير إلا للطبيب وبحركة مؤلمة لذا لزمت السرير وفى سكون من لا يجد شئ يفعله سوى التفكير بدأت بعض الذكريات تجول بخاطرى فكتبت فى هذا القسم كلماتى البسيطة هذه بالعامية وفى القسم الرئيسي فى الواحة الآدبية خاطرة بالفصحى أتمنى منكم الدعاء أولا ثم رأيكم فى هذه الكلمات المتواضعة ::26:
ذكريات جميلة
وذكريات حزينة
بس الحزن الِّى فيها
فى القلب نصيبه أكبر
ذكريات تفرَّح
وذكريات بتجرح
والقلب مهما يبكى
يرجع من تانى يغفر
عجيبة قلوبنا ديا
مهما تشوف من قسية
من كلمة حب ترضى
وتدوب من الحنين
مهما تدور السنين
فاكرين ومش ناسيين
قلوب عاشت معانا
مابين فرح وأنين
لو تعرفوا
مفيش فى الدنيا أجمل
من إحساس السماح
ترمى حمولك على الله
وتنام بالك مرتاح
مهما تشوف من قسية
خاليها عليك شوية
ودى من ربك وصية
ماتقولش زمن وراح
حنين المصرى @hnyn_almsr
عضوة مثابرة
يلزم عليك تسجيل الدخول أولًا لكتابة تعليق.
قهوة الضيافة
•
الله يقومك بالسلامه ماتشوفين شر
الصفحة الأخيرة