قرب رمضان ...بيت طين واسكريم احمر وريحة السنبوسة في هواء الحارة والايام تسرع ونكبر ونكبر ونكبر
وترجع ايام رمضان الجميلة للطفولة ذكرى وللشباب ذكرى لكن الماضي مانسيناه في ذيك الحارة
يذن المغرب ونسمع المدفع .ونتجمع للفطور تمر وماء وشوربه وسنبوسة وفيمتو احمرررررر
ونصلي المغرب وبعدها نجلس نشوف الشيخ علي الطنطاوي الله يرحمة على مائدة الافطاررررر
ونلعب بعدها لين يذن العشاء وتروح امي للتراويح وامسك طرف عباتها ونمشي بالحارة وحنا حريم الجيران
وندخل المسجد واذا كبر الامام وصلوا الحريم نروح وراهم نلعب في حوش المسجد .. ياحليلنا اصغار ماندري هههه
ويجي اخر الشهر وحقاق العيد حمص وريال وحلاوة ياسلام ليتها ايامها ترجع ..
ومن الفرحة اننا بنروح الصبح لمصلى العيد نغمض العين ونفتحها يمة كم بقى يأذن الفجر ..باقي باقي الحين ناموا واذا طلع النور رحنا للمصلى
اذن الفجر يمة قووووووومي ابي ألبس ثوب العيد جابت الثوب امي والثوب منفوش .. ليش منفوش مادري هههههههه
ولمصلى العيد نمشى ماسكة ايد امي وانا فرحانة بثوبي المنفوش ومن الفرحة ودي اطير .واتبختر ابقهر بنات الحارة ثوبي ازين منكم ومن القرادة اطيح
وقمت كاني لابسة ثوب سندريلا .. انفض الغبار واصيح .. يمة خرب ثوبي قالت لا يمة ماخرب بس لاتقهرين بنات الجيران عشان ماتطيحين ..
وصليت يمه ياعيوني يمه ... ثم صحيت انا اعيش عيد عقب وفاتك احسبة ذاك العيد اثري انا بالحاضر وقلبي معك ايام زمان يمه يعيش
وخلصت الخطبة ورجعت للبيت مالقيته بيت طين بيت التطور وريحة الحنا خاليه .. جيت انادي يمه وجيت انادي يبه ولقيت نفسي بالماضي اعيش
صحيت وانا بالطريق من طرف بيت قديم ومن طرف ثاني بيت جديد.. والبيت خالي من ريحة الجمعه ولو اجتمعت العالم مايعوضك احد ولو كتبت من الشعرلك الف بيت
دخلت اهنيهم .عيدكم مبارك قالو من العايدين اعطيتهم ظهري ومسحت ادميعتي ثم قلت عساك في جنة الخلد في اجمل بيت
انتهت الحكاية .. حقوق الطبع محفوظة هههههههه
الله يبلغنا واياكم وجميع المسلمين شهر رمضان
ألم الدموع @alm_aldmoaa
محررة ذهبية
يلزم عليك تسجيل الدخول أولًا لكتابة تعليق.
ألم الدموع
•
ماتبون اسكريم احمر ههههههه
يووووووووووه ايااااااام ليتها تعوووووود
ودي ابكي .. ويرجع لو يوم من ايام زمااااان
رمضان كان له طعمه الخاص مع جمعة الأهل .. وليلة العيد لها طابع خااااااااص
كنا ننزل بيت جدتي وننظفه ونكنس الحوش ونبخرررره .. وهي فرحانه وتجهز الحنا ء لنا ولها .. الله يحسن لهم الخاتمه .. ويذكر ايامنا بخيييير
ودي ابكي .. ويرجع لو يوم من ايام زمااااان
رمضان كان له طعمه الخاص مع جمعة الأهل .. وليلة العيد لها طابع خااااااااص
كنا ننزل بيت جدتي وننظفه ونكنس الحوش ونبخرررره .. وهي فرحانه وتجهز الحنا ء لنا ولها .. الله يحسن لهم الخاتمه .. ويذكر ايامنا بخيييير
الصفحة الأخيرة