ذكريات زواجي المؤلمه

السلام عليكم ورحمة الله وبركاته
بالبداية اتمنى تدعون لي دعوة من قلب صادق بالصحه والسعادة
انا متابعه للمنتدى من سنه بدون مااسجل فيه واستفدت كثير من قرأتي لبعض الردود


المهم بقول مشكلتي اللي متعبتني انا من بداية زواجي ماحسيت اني عروسه زوجي هجرني اول شهر لدرجة شكيت اني على وجه الطلاق عانيت من هجره لي و من احساسي بالنقص لاني مثل مايقولون احلى ايام الزواج بدايتها بس للاسف ماكنت اشوف زوجي الا يومين بالشهر وكأنه ماخذني مسيار
و عانيت من اول ليله من مكالمات قريبه له للاسف عمته اللي ما تنتهي لدرجة شكيت فيهم و جلست سنتين اعاني من شكي و احس اني مريضه شك
حسبي الله عليها ونعم الوكيل طبعا هي زوجي عندهم من كان طفل بسبب طلاق امه
و عانيت بسببها كثير مافرحت بحملي ولا ولادتي كنت وحييييده بمعنى الكلمه
و كشفت انها هي السبب بكل هذا ما كانت تبي زوجي يجيني تغار مني بشكل فضيع ضيعت اجمل سنين عمري الله لا يوفقها خلتني اشك بالناس و العالم امتهنت إغواء زوجي لما كشفتهم مره بسماعات بالسياره واكتشفت انه يبي يتوب بس هي تتفنن بهالشي طبعا هي مو كبيره من عمره وأكبر ب ٧ سنوات
حسبي الله ونعم الوكيل فيها استغلته ابشع استغلال انا ما ابريءزوجي لكن ماابغا أخوض في التفاصيل اللي منها عرفت انها خربت براءته فيها
مشكلتي الاساسيه كيف انسى اللي سوته فيني لأنها كانت تخلي زوجي يتعمد يهيني قدامها


كيف اسامح زوجي لان ماابغا اتركه علشان هذا السبب لان اشكالها يبون هالشي وبكذا اكون ضريت زوجي وانا ابغا اطلعه من المستنقع اللي فيه


افكر بالطلاق و أتراجع لأسباب كثيره
و بنفس الوقت اختنق مااقدر اكمل معه


انصحوني و ادعو لي💔