ذكريات زوجه مدمن ... 1

السلام عليكم
في البدايه بشكر صاحبتي اللي سلفتني معرفها لثالث مره ... الله يسعدها ويوفقها ..
بقولكم سالفتي مع زوجي اللي للحين مادري وش ووضعه.. يمكن ردودكم تريحني..وافهم شوي
كنا مخططين الرحله تكون 15 يوم .. لرحله كانت سيئه بمعنى الكلمه بس بسادس يوم فجاه زوجي قرر يرجع .. ومصر لدرجه غريبه .. يعني حتى ماشاورني .. بس يكلم حجوزات وياكد وحجزه الاساسي مانلغى حق العوده .بس الا يسوي خحز جديد . والمكان حلو وصعب الوصول له يعني مال داعي يقطع الرحله بهالطريقه خساير فلوس ومكان وتعب ..
ليله العوده سابع يوم بالليل طلبت منه اكلم اهلي بالممر حق السويت اتطمن يعني استاذنت اكلم اهلي بعيد عنه بنت وبتكلم اهلها عادي ماخذه الموضوع ببساطه
مادريت الا انفجر بطريقه مرووووعه ومخيفه وصراااخ وسب ولعن انتي كلبه وماتستاهلين من يسافر فيك وانوواع السب . ماقويت اتكلم شفت عصبيين شفت انفعلات بس زي ذا ماشفت ابببد
ويطلع ويسكر الباب برجله وهو طالع وجهه اسود... نزل الساعه 8 وطووووول وتجي 12 مارجع واكتب لماما انا وحيدتها ومالها غيري واقلقتها معاي حبيبتي كل شوي تسالني رجع واقول لا ياماما توه وكل خوف الدنيا فيني غربه وزوج مختفي ووحده احساس مخيييف ..
يوم جات الساعه 2 الليل قررت انزل و خلاص ماقدرت اتحمل وربي نازله بشوز الحمام ونتوبكرامه الخفيف ذاك تعرفوه ؟ رجولي ترتجف من قو الخوف الفندق ظلام
الخوف اللي تحسين انك خفيفه فيه وبتطرين من الهوى ؟؟ نفس احساسي وقتها اه من الذكريات المولمه ..
المهم والقى زوجي في اللوبي يكلم فاتح الكاميرا بجواله .. ويتبوسم مين يكلم مادري .. 6 ساعات ياظالم !! طيب لييييه
ايش الم حسيته ايش غصصصصه ايش خذلان ايش جرح .. يارب ماتحسه مسلمه ولاتشوفه ..
ماقدر رده فعل رحت لغرفتي وانهررررت من قلب . كتبت له كلام بالواتس حسبي الله كيف اهون تخليني كل هالوقت ؟؟ انصدمت فيك عشان قلت بكلم اهلي كذا تسوي غلطي مره مايستاهل طيب خليك معاي ولاتكلمني والله اخاف لوحدي يشوف الكلام ويسفه ... تحسبون جا لا ماجا .. وتجي الساعه 5 ويطلع الفجر مارجع وانزل ثاني . . لقيته متمدد باللوبي قربت منه قلت بكل ذل العالم ههه انا اسفه بس لاتخليني لوحدي ونا مااقصد الكلام الي كتبته بس من حرتي يوم شفتك تكلم ..ونا عروس استاهل معامله بحب برحمه ع الاقل .. قال انقلللععععي من وجهي عروس اانتي وقحه وماتربيتي ومابغى اشوف وجهك قدامي قلت طيب بس مامعي مفتاح للسويت و جا معاي وهو مايطالعني وفتح الباب قال انقلعي ونامي يالااا مشيت زي الالف ونمت بالسرير قال عطيني ظهرك ياوقحه ولاتلتفنين ابد .. واسوي نفس ماقال ويشغل التلفزيون ونمت مدري تعب مدري ارهاق .. مدري صدمه المهم انا اتعس نومه بحياتي .. اذا جيت انقلب افز اخاف يصفقني بشي ويهاوشني ليش التفت .. ياربي لاتعيد ذيك الايام
ومن هذيك اللحظه معد كلمني فيها حتى بالمطار قال شوفي انا بمشي ونتي دبري نفسك وراي ماعلي فيك ! عشان تتادبين من قله ادبك ووقاحتك .. امشي وراه اراكض بشنطي وتطيح ويساعدوني الاجانب الحقه بالشبكه حقته ويشتر ي له كافي ويشرب قدامي يالله ... وهو ولا فيه ذره احساس او مروئه يقول زوجتي عروس .. وبالطياره هو بمكان ونا بمكان منسدح بعيد ووصلنا ورماني عند اهبي بدون ولا كلمه
ايش رايكم ..... لاتقولون كره مايكرهني وشايفني شوفه شرعيه وموافق ومتشقق بعد بس ليش سوى كذا مادري ..اذا ادمان لييش طيب هل هو مايمسك نفسه يعني مشاعره مو بيده ولا ايش نفسي افهم ..
هل المدمن يعامل بحقد ....؟؟؟؟ ولا يهودي تصرفاته