ذكريات طفوليه مؤلمه

مرحبا بنات حواء ودي افضفض لكم واحكيلكم عن مشكلتي وهي عدم نسياني لمواقفحصلت لي وانا طفله مع العلم اني الان متزوجه لكن عجزت انساها مواقف كثيره ومؤلمه عشت طفوله قاسيه ابوي انفصل عن امي وانا عمري ست سنين عشت مع ابوي وخواتي انحرمت من شي اسمه حنان ماعشت مثل باقي الي بعمري درست واول يوم بالمدرسه كل البنات معهم امهاتهم ىلا انا معي اختي والاخت عمرها ماكانت مثل الام تعرفت على صديقات واكتشفت حجم اىختلاف الي بيني وبينهم كانو يتكلمون عن امهاتهم وكل وحده تقول ان امها اكدت عليها تاكل ساندويشها كامل اما انا فاروح للمدرسه بدون ساندويش ولا حتى فطور يعني كنت احس بالنقص ماعمري حسيت ان فيه احد مهتم فيني وامي بحكم بعدها صرنا نزورها بين فتراتي وكانت بعيده عن مرت علي مواقف تمنيتها تكون جنبي ومن هاالمواقف مره لما كنت بصف ثاني ابتدائي طلبو من كل بنت تجيب امها معها وطبعا ماراح معي احد لان مافي احد مهتم ولما جا اليوم المحدد نزلو فصلنا للساحه وكل بنت واقفه بجنب امها وسالتني المدرسه متى بتجي امك فصرخت وجلست اصيح واقول بكل براءه انا ماعندي ام زيهم يعني دائما احس اني وحيده فمواقف المفروض يكون فيها احد جنبي خواتي ثنتين اكبر مني ماكانو مهتمين كانو بعيدين ولازالو بعيدين وامي بحكم بعدها كل هالسنوات صارت علاقتها فيني سطحيه ماتدري عن همومي ولامشاكلي انامع اني تزوجت حاسه اني مفتقده لحنان وحب الاهل الزوج مهما كان حنون مايغني عنهم صرنا مشتتين مانجتمع الا في المناسبات وخصوصا بعد وفاه ابوي حاسه بالوحده والله اني لحد الان اذا شفت بنت مع امها في اي مكان تدمع عيني لاشعوري لاني عمري ماحسيتها بجنبي تخرجت من الثانويه وكان فيه حفل كبير وصديقاتي كانت معهم امهاتهم وبتكلمون مع المدرسات عن بناتهم الا انا كالعاده وحيده عانيت كثير عمري ماحسيت بان احد مهتم فيني صدقوني مع اني كبرت الااني ماقدرت انسى ومازلت احس ان فيه حاجه ناقصتني ودي بام تسال عني افضفض لها لكن للاسف امي الحين غير انها بعيده تعبانه ولا اقدر ازيد عليها وغير كذا ماتعودت اصلا اشكيلها بنات اعذروني على الاطاله لكن حبيت افضفض لكم كل مره اكتب الكلام هذا على ورق الا هالمره ليه مادري